عبدة موتة و قلب الاسد.

***هذا النقض يحتوي علي معلومات تحرق القصة*** قبل ما اتكلم عن الفيلم و ابدأ في الشكر فية لأنة فيلم يستحق كل جنية ادفع فية من وجهة نظري الشخصية, عايز اتكلم عن فيلم عبدة موتة, طب اية العلاقة؟ العلاقة ان الناس قالت ان فيلم قلب الاسد هو هو فيلم عبدة موتة, بدون اضافة اي جديد, طبعا الاتهام دة اتهام ظالم, بس ما علينا, المهم. دلوقتي في ظاهرة في مصر اسمها البلطجة, صح؟ الظاهرة دي عاملة مشكلة كبيرة في الشارع, انا مثلا اتسرق مني موبايل قبل كدة. المهم, كل الناس تعبت من الظاهرة دي, و كان لازم ييجي فيلم يعالج الموضوع دة و يعالج هنا معناها التحليل مش الحل, كان لازم ييجي فيلم يقول الناس دي اية الوصلها لكدة, و اية عاقبة الموضوع دة, و نبدأ نخش في التفاصبل الدقيقة لحياة البلطجي, فيلم عبدة موتة حقق دة, و قال في الاخر اية عاقبة البلطجي دة, بس المشكلة هنا مع الناس مكانتش في الفيلم, المشكلة كانت مع محمد رمضان لأنة عمل فيلم تاني عن البلطجية, دة الكنت عاوز اقولة. دلوقتي بالنسبة لفيلم قلب الاسد, الملخص بتاعة ان في ولد صغير اتخطف من ابوة الاعمي في المولد, و الراجل الخطفة حاول يدية لعيلة غنية و يقبض التمن, بس الطفل كان واعي, فا العيلة رفضت انها تاخدة, فا الراجل الخطفة دة رباه مع الاسود و كدة و الولد دة اشتغل في السرك و من هنا جية اسم الفيلم. الطفل دة الهو فارس كان محتاج فلوس فسرق موبيل من عربية, و في الاخر صاخب العربية مسكة "حسن حسني" و طلع نائب مجلس شعب فاسد و شغلة معاة في تجارة السلاح عشان هو أعجب بذكائة, و طلب منة انة يقتل ظابط عاملهم قلق. فأكتشف و هو رايح عشان يقتلة, ان الظابط دة ابن عمة, فقرر انة يساعدة عشان يقبضوا علي عضو مجلس الشعب الفاسد دة و الفيلم خلص بنهاية سعيدة. دلوقتي,انا راضي زمتك, اية علاقة قلب الاسد بفيلم عبدة موتة؟ و المصيبة ان كل النقاض بيشتموا في الفيلم من غير ما يشوفوا. انا شايف ان فيلم قلب الاسد من احسن الافلام الاتعملت في ال10 سنين الفاتت, التمثيل كان رائع, الاخراج رائع مع ان المخرج كريم السبكي كانت دي اول تجاربة الاخراجية, السيناريو كان ممتاز, دور السنيد كان كويس, الفيلم كمجمل فيلم حلو, يمتع المشاهد, فيلم بيمزج الكوميديا بالاكشن.

نقد آخر لﻓﻴﻠﻢ قلب الأسد

عنوان النقد اسم المستخدم هل النقد مفيد؟ تاريخ النشر
البساطة فالاداء Hazem Ibrahiem Megahed Hazem Ibrahiem Megahed 2/8 13 اغسطس 2013
عبدة موتة و قلب الاسد. Abdelrhman R. Mahmoud Abdelrhman R. Mahmoud 7/10 17 اغسطس 2013
افضل فيلم شاهدته Seif Mohamed Seif Mohamed 5/15 13 اغسطس 2013
اذا اردت النجاح تاجر فى السلاح (اسلوب ليس متحضر ) Hassan Abdelrahman Hassan Abdelrahman 1/5 26 اغسطس 2013
مش هتندم Mohammed Abd Al Aziz Mohammed Abd Al Aziz 5/7 28 اغسطس 2013
احلي فيلم مصري عصام النيزك عصام النيزك 2/5 28 اغسطس 2013
أزمة السينما في أبنائها سعيد ابراهيم سعيد ابراهيم 1/3 22 سبتمبر 2013
إلى كل من لم يشاهد قلب الأسد عصام النيزك عصام النيزك 3/3 3 نوفمبر 2013