• solom mostafa
• 12:00 AM - 19 January 2013
• My Other Reviews

هذا النقد يحتوى على معلومات سوف تحرق الفيلم بالكامل وبالتالى انبة انه اى واحد ما شافش الفيلم ما يقراش النقد ده نهائى وشكرا ....

اولا كلمة ان الفيلم للكبار فقط هنا مش اقصد بيها لسن معين انما اقصد بيها كبار فكريا اى انه لطبقة معينة من الفكر ولن يفهم بمعناه الجقيقى لكل الناس لانه لو اى واحد اتفرج على الفيلم بنظرة سطحية مش هيبان ان الفيلم جامد او وراة ؤسالة قوية وجهها حلمى لجمهوره الكبير والعظيم

اولا من وجهة نظرى الفيلم رائع لانة جسد حال بلدنا مصر فى صورة غير مباشرة تماما وزى ما قولت مش اى حد يقدر يستوعبها نجد اول مشهد فى الفيلم بيقول كده لما نلاقى حلمى بيسوق السيارة وهو نايم والعسكرى بيقولة ما ينفعش تسوق وانت نايم وهنا المقصور بالسيارة البلد وادارتها والمقصود بحلمى الرئيس .............

ويتاكد على الكلام ده لما نلاقى حلمى مدير لشركة فيها موظفين المقصود بيهم الشعب المصرى تلاقى الى عاوز زيادة فى المرتب والى عاوز يتنقل من مكان لمكان والى عاوز مصلحة شخصية ونلاقى حلمى بيرفض ده تماما سمع ليهم كلهم بس لانة بيشك فى كل حاجة فى حياتة شك فى الناس كلها وظن انهم كلهم عاوزين مصلحتهم الخاصة بتاكد الفكرة هنا لما الشركة بتاعت حلمى تحب تعمل اعلان وتجيب الموظفين الى شغالين فى الشركة كلهم وافقين ورا حلمة وده طبعا لية مخزى واضح ...... وبعد كده يدخل حلمى فى غيبوبة ويلاقى نفسة فى عالم اخر ويجد نفسة شبح ويقابل شخصية رئيسية فى الفيلم وهو حسن حسنى الى هو شبح وماحدش شايفة وبيلاقى نفسة حتى مش باين فى المراية والى هيتضح لينا بعد كده ان الشبح ده هو مصر والشبح ده بيمثل دورها السياسى فى المنطقة على انة وهمى او شبح

طيب كلام جميل جدا هل فى حل لكل دة ولا ده مشاكل الفيلم بيطرحها فقط ؟ الجميل هنا بقى اننا نلاقى الحل لما نلاقى حلمى يدخل فى غيبوبة تانية ويحاول يثق فى الناس الى حوالية ويشوف هيعملو اية نلاقى على الرغم من انهم مش مثاليين فى تعاملاتهم وافكارهم الا انهم بعد لما حلمى اداهم الفرصه قدروا انهم يعدوا بية لبر الامان بعد ما كان الكل بيكرهه وما فيش حد بيحبة وهنا نلاقى ان ده الحالة الوحيدة الى ظهر فيها حسن حسنى على انه شخص عادى مش شبح بداء ظهوره فى العناية المركزه وبعد كده قام ووقف على رجلية المقصود بية هنا بلدنا مصر انها لن توجد على الخريطة الا لو وثق كل واحد فى الناس الى جنبة وما ينظرش للامور من وجهه النظر الضيقة احب انوه ان الفيلم قوى جدا وعبقرى جدا ولكن المشكلة انه يتفهم من وجهات نظر مختلفة قد يفهم من بعض الناس على انه فيلم ساذج وليس به جديد ولكن الفيلم فية رسالة ضمنية قوية يقراها اى شخص متابع للاحداث.

المهم هنا والشى المثمر ان حلمى جسد الشخصيات كلها فى الفيلم بتحب عملها ولكن كل واحد شايف انه بيعمل الحاجة الصحيحة من وجهه نظرة التى قد تؤدى الى ضياع الشركة كلها او ضياع المؤسسة

الجدير بالذكر هنا اننا نجد ان حلمى مثل كل اطراف الواقع المصرى هنلاقية جسد الرئيس وجسد الشعب وجسد القضاء فى جملتين قالهم حسن حسنى عن روح القضاء وقوانينه ومثل حاجات تانية كتير ادعوكم لمعرفتها من خلال مشاهدة الفيلم والمهم ايضا ان حلمى وضح ان كل واحد من افراد المؤسسه ده فى نيتة خيرا ولكن كل واحد من وجهه نظره بس

والجدير بالذكر ايضا هنا دور المعارضة الذى تم تمثيلة فى الفيلم هنا بصديق احمد حلمى وهو خالد ابو النجا الى بعد كده حلمى لم يثق فية تماما وخونة وبالتالى لم يظهر دور البلد ولكن عندهما امن حلمة لخالد ابو النجا لافيناة فى اخر الفيلم ان هو السبب الاساسى الى خرج حلمى من الازمة الى كان موجود فيها وهنا نرشى شخصية خالد ابو النجا كل واحد ينظر ليها على انها الشخص الذى يؤيده من المعارضة

وبالنهاية نجد الحل واضح رسالة قوية لما نلاقى ان احمد حلمة وثق فى اصدقاؤة ووثق فى اعضاء شركتة ووثق فى الشباب وخلى الادارة فى الشركة بتاعتة لواحد من شبابها رغم تسرعه وتهوره الا ان هذا لا يمنع ان يكون الفكر الشبابى بناء ومثمر

وهسيبلكم حاجه تفكروا فيها هنا وهو الكلب بتاع احمد حلمى هسيبكم تقولو انتو يا ترى قصد ايه حلمى هنا بالكلب وشكرا وارجو ان يكون النقد بناء......

الفيلم اذا وصلت للمشاهد الرسالة المرجوه منه فهو فيلم ممتاز وعبقرى من وجهه نظرى وادعوكم جميعا لمشاهده الفيلم وعرض وجهات النظر المختلفة لان الفيلم لية زوايا كتير قوى ممكن كل واحد يقراه كما يشاء وشكرا .................

• 5 helpful
• 8 not helpful