أشرف عبد الباقى : شهريار حاكم سايب الرعية و قاعد يسمع حواديت

اشرف عبدالباقى فنان مختلف , ذو موهبة لا يختلف عليها اثنان , فرض نفسه بشدة على الشاشة الصغيرة , يقوم حاليا بتصوير احدث اعماله مسلسل مش الف ليلة وليلة بعد ان انهى الاجزاء الجديدة من راجل و ست ستات فكان لنا معه هذا الحوار

ماهو الجديد فى مسلسل "مش الف ليلة وليلة" ولماذا الاصرار على تقديم عمل تم تقديمه من قبل ؟
الجديداننا متناولين العلاقة بين شهرزاد وشهريار ،اللى قبل كدة فى اى حاجة اتعملت عنالف ليلة وليلة مشفناش العلاقة دى ، بيكون الموضوع ان شهرزاد بتحكى الحكاية لشهريار وبيتخيلوانفسهم جوا الحكاية ، إنما فى "مش الف ليلة وليلة" احنا متناولين العلاقةبينهم فى زمن ، عشان كدة هى مش الف ليلة وليلة مفيش ولا ليلة منهم .
هل تعتقد بامكانية اجراء مقارنات بينك وبين الذين لعبوا الدور قبلك مثل حسين فهمى ؟
حسينفهمى مقدمش شهريار غير فى بداية الحلقة اما كانت بتقوله بلغنى ايها الملك السعيد, المقدمة دى وبعدين بيخش يمثل الحكاية نفسها ، وفى اخر الحلقة اما ببقفلوا الحكايةعشان يكملو تانى يوم ، حسين فهمى عمل مجهود اكتر من اللى انا عامله دلوقتى لانه عمل كذاشخصية داخل حكايات شهرزاد انا معملتش كدة انا مقدم حكاية واحدة اللى هى حكاية شهريار .
هلفكرة ربط الحاضر بالماضى التى يقدمها المسلسل هى التى شدتك لبطولته ؟
اكترحاجة شدتنى ان الفكرة نفسها غريبة ، وربط الحاضر بالماضى يعتبر احد عناصر الجذب زى ما كنا بنتناولوا فى المسرح زمان، لكن طريقة تناوله هنا مختلفة وحريتى فى فرض نفسى على الشخصية موجودة , شهريار رجل حاكم سايب الحكموالرعية وقاعد يسمع حواديت ،انا عندى معطيات جميلة جداً للشخصية بتخلينى اتحرك براحتى ، عشانمثلاً شخصية اسماعيل ياسين كانت مقيدانى ، انا كنتبعمل شخصية حد 200 مليون بنى ادم يعرفوه كممثل مش يعرفوه كشخص ،ولكن فى شهريار مثلاً هل حد هيطلعلى فىيوم من الايام يقولى شهريار ده كان جد ابويا ؟ لا طبعاً فبالتالى انا عندى مطلقالحرية انى اشتغل على الشخصية من خلال المعطيات اللى معايا
ماهى هذه المعطيات ؟
اول حاجة انها حكاية واحدسايب الحكم وعمال يسمع حواديت ، وقبل ما كان بيسمع الحواديت من شهرزاد كان كل يومبيتجوز واحدة ويقطع رقبتها ، فده راجل مجنون عنده "بارانويا" عنده جنونالعظمة وفى نفس الوقت عنده احساس الطفل وبيفرح قوى بالحواديت اللى بتحكيهالوشهرزاد ، فهو شخصية فيها تناقض مغرية لياولاى ممثل تانى .
لم تخشى التعامل مع احمد فوزى وهى تجربته الاخراجية الاولى؟
بصاحمد فوزى تاسع مخرج اتعامل معاه فى اولعمل ، وفى سنة 2003 بعد توقف 9 سنين عن الفيديو قدمت مسلسل " حكايات زوجمعاصر" مع شيرين عادل وكان اول عمل ليها بردو ، ومش بخاف بالعكس انا شايف انالمخرج الجديد طالما عنده خبرة اللى هى ناتجة عن شغله مع مخرجين كبار قبل كده ،فانا بكون واثق انه هيطلع شغل حلو ,وغير كده بستفيد من حاجة مش موجودة عن مخرجينكبار اللى هى "حماس التجربة الاولى"، انا بشوف احمد فوزى ايام مش بيناموعارف كل تفاصيل العمل ، انا بستفيد من ده كتير .
هل كنت وافقت ان نادر ابو الليف يغنى تتر مسلسل "مش الف ليلة وليلة" ؟ولماذا ؟
كنتموافق جداً بس للاسف طلع ماضى مع شركة ميلودى ، صوت جميل وواصل للناس , دلوقتىبتغنى اغانى اللى كاتبها ايمن بهجت قمر "المجرم" ، وعشان تعرف اكتر حاجةقلقت الناس من ابو الليف اسمه فالناس قالت دخلنا فى الهزار ، بس هو عامل اغانىجميلة ، والكلام نفسه بتاع الاغانى حالة إنسانية بحتة وفى الاخر كلها افيه لطيف .
سمعناان المسلسل به بعض الاسقطات على الاوضاع السياسية التى تمر مصربها حاليا ؟ هل تستطيع توضيحها لنا ؟
زىطابور العيش ، فهنشوف ان شهريار بيتنكر وبينزل السوق عشان يشوف حال الرعية معالمسئول الوحيد فى المملكة اللى عنده ضمير, وهو اللى بيقوله ان المجتمع والناسفقيرة وبتعانى ، فهو اما بينزل بيشوف الطوابير منظهر حضارى جداً , والممالك التانيةهتشوفنا شعب متحضر جداً عشان عندنا طوابير هو ملك ابن الملك "شهرطار"وجدو كان الملك "شهرغار"برضو فبالتالى هو بعيد قوى عنالناس فى الشارع . وبنناقشقضايا تانية كتير واسقاطات كتير زى العلاج على نفقة المملكة مثلاً.
هل اعترضت الرقابة على اى اسقاطات او اى مشهد فى المسلسل ؟
خالص، الرقابة لم تعترض على اى مشهد او اى حاجة جوه المسلسل ولا حتى كان ليها ملاحظات، بس ملاحظة واحدة العادية بتاعت كل مرة "التدخين" والشيشة وكده .
راجل وست ستات،
لماذا اعتذرت هيفاء وهبى عن الظهور كضيفة شرف فى راجل وست ستات ؟
هوكان الاتفاق مع مدير اعمالها والحلقات اللى هى فيها اتكتبت على كده ، بس مؤخراًقريت ان حصل مشكلة بينها وبين مدير اعمالها وانفصلوا و لحد اخر اسبوع كنا مستنين انالجهة الانتاجية تعرف توصلها من خلال مدير اعمالها الجديد ، عشان الاتفاق كان معالتانى بس محصلش وكنا خلصنا التصوير خلاص.
و بالنسبة ل احمدالسقا ؟
احمد السقا كمان كان هيظهر معانا وهو اساساً كان صاحب الاقتراح ، وكان جالنا زيارة فى يوم تصوير واقترح الفكرةاللى طبعاً رحبنا بيها قوى ، وحتى فكرنا فى الحلقة مع بعض واتكتب بردو بس للاسف لحد اخريوم تصوير فى المسلسل احمد مكنش لسه خلص تصوير فيلمه الجديد واحمد ممثل جميل جداًوجدع قوى وخدوم قوى .
منهم ضيوف الشرف الذين شاركوا فى الجزء الجديد من المسلسل ؟
فى اسماءكتيرة وكبيرة معانا زى علاء مرسى و محمدلطفى و شيرين عادل و سليمان عيد و جومانا مراد .
هلسيغنى هشام عباس تتر جديد للمسلسل ؟
هشامعباس هيعمل اغنية اسمها راجل وست وستات بسالاغنية مش للتتر ، ولا جوة المسلسل ، هى الاغنية تعتبر زى دعاية للمسلسل, وهتتعرضفى القنوات الفضائية وقنوات الاغانى .
هل ترك سامححسين فراغ فى المسلسل ؟
هو طبعاً سامحساب فراغ كواليسى كبير قوى ، كواليس المسلسل كانت حلوة قوى وكنا بنهرج ونضحك كتيرقوى ومكناش بنسيب حد فى حاله، و جوه المسلسل طبعاً عشان فى بينى وبين سامح كيميا ، عشان انا اعرف سامح من 10 سنين من ايام ما كان شغال معايا فى المسرح والكميا دى بتظهر عالشاشة ، وبصراحة وجود سامح كانمكسلنى شوية وكنتى برمى شوية على شخصية الغبى وهو ده اللى كان بيضحك مع انى انا كنت عامل شخصية غبى بردو ، فيمكن بذلنامجهود زيادة شوية بعد غياب سامح بس الحمد لله المسلسل طالع حلو قوى .
فى رمضان 2010 سيعرض لك مسلسل مش الف ليلة وليلة مع راجل وست ستات , الا تخاف تأثيرهم بالسلبعلى بعض ؟
لا خالصما انا السنة اللى فاتت كان بيتعرضلى اسماعيل ياسين وراجل وست ستات ، والحمد للهمحصلش تعارض ما بين الاتنين ،لان ده منتج وده منتج تانى خالص ، عشان دلوقتى ومععدد القنوات الفضائية الكبير مبقاش فى حاجة اسمها ليا عملين او تلاتة , والدليل علىكدة ان رمضان اللى فات كان بيتعرضلى برضو مسلسل "حكايات زوج معاصر" اللىبقالو 9 سنين معمول ،