• Art Pic
• 12:00 صباحًا - 23 فبراير 2014
• نقد آخر لنفس المستخدم

الفيلم ملاحظاتي عليه انه مكنش بالمستوي او بالشكل اللي الناس متخيلاه لسبب بسيط ، ان الامكانيات بتاعته مش قد كده ، بس فيه ميزة حلوة اوي وهي انه خرجنا من التقليديات اللي السينما بتاعتنا مليانة بيها ، وقصص الفيلمين في حد ذاتهم كويسين اوي في رأيي الشخصي ... مكي بيعمل حاجة مش بيعملها غيره وبيحب يمشي في نص الطريق وبيحب يغامر وده اللي يعليه ويميزه عن اي حد بيقتبس وبس ! وللأسف هو ان النقد عندنا في مصر غير بناء ، وياريت لو النقاد والجمهور يشجعه المنتج المحترم اللي بيقدم فكرة محترمة مش يجروا ورا الهلس والرقص والعك ! لان لما الاقي ان اعلي الافلام ايرادات هي افلام السبكي او بعضها يعني اللي بيبقي عالي بيكون فيه رقص ومشاهد مش عايز اخوض في تفاصيل وخليني ساكت احسن :D بس لما نلاقي ان الافلام دي ونوعيتها هي اللي متصدرة الايرادات وممثلينها بقوا نجوم مجتمع فجأة كده وكل الناس بتحبهم ، يبقي حضرتك هنا بتتكلم عن مهزلة اخلاقية وشيء طبيعي ان فيلم بسيط زي ده ميعجبش لانه مفيهوش رقاصات ! هو فيه فراخ ووز وبط وكائنات فضائية بس ! :D الفكرة دي وان كاننت غير موفقة بس تحسب لمكي انه خادها عشان يعرف يعمل الحاجة اللي بيحبها وفي نفس الوقت جمهوره يبقي مقتنع بيها :)

• 2 مفيد
• 0 غير مفيد