• Karim Medhat
• 08:34 صباحًا - 30 يونيو 2017
• نقد آخر لنفس المستخدم

مراجعة فيلم تصبح على خير بدون حرق : بعد مشفت اعلان الفيلم فقدت الامل تماماً ان الفيلم دة يكون حلو او ان يكون فى جديد عن فيلم اهواك الى كان كلة عبارة عن تهييس مش اكتر بدون قصة فتوقعت من الاعلان انه نفس المود .. ولكن فعلاً مش دايما الاعلان بيقدر يوصل قوة الفيلم من عدمة افلام كتير اعلانتها جامدة والفيلم تعبان والعكس. دخلت الفيلم وشدتنى الموسيقى بتاعتة جدا كمان التصوير والاخراج كان على مستوى عالى ومتقن جدااا وباين من اول مشهد فالفيلم الى بنشوف فية تامر بشخصية جديد كئيبة جدا ومعندهاش استعداد للفرحة او الضحك وبنعرف السبب بعد كدة فى خلال الاحداث تامر حسني نجح بشكل غير عادى فى تجسيد الشخصية الكئيبة والشخصية الخفيفة بتاعة الفيلم وتمثيلة اتطور كتير جدا عن قبل كدة ودة باين فى الفيلم لانه الفيلم فى جزئية كويسة معتمدة على الدراما ودة اثبت نجاحة كممثل.. من وجهة نظرى الفيلم قوى وافضل افلام #تامر_حسنى كقصة واقعية وجديدة وفيها نوع من الغموض البسيط رغم سهولة فهمة مع تطور الاحداث ولكن الى هيخش الفيلم مش هيمل منه وكأحداث ممتعة جدا ومفيهاش حشو ملوش لازمة بالاضافة لعدد الممثلين الى مش كتير ودة خلى كل ممثل يقدر ياخد مساحة من وقت الفيلم والكوميديا فالفيلم خفيفة مش اوفر زى بعض افلامة بالاضافة لاداء تامر الى اتحسن كتير فيه وريأكشناتة الى اظبطت كتير فافليلم دة..

• 10 مفيد
• 2 غير مفيد