• Karim Medhat
• 06:21 صباحًا - 15 يوليو 2017
• نقد آخر لنفس المستخدم

مبدأيا الفيلم حلو ومش ممل نهائى ودرامى اكثر من ما هو اكشن كل الاكشن الى فية يعتبر مشاهد دموية مش اكتر.. ومش هتحس انة ماشى على نفس وتيرة افلام #اكسمن لا الفيلم واخد طبع خاص مختلف عن افلام السوبر هيروز العادية متعملش قبل كدة ويمكن دة من اسباب نجاحة.. الفيلم من وجهه نظرى اتعملة دعاية كويسة جداً + موضوع انة اخر ظهور ل #هيوجاكمان بدور ولفرين دة كان كافى انة ينجح الفيلم على المستوى الجماهيرى جداً .. لكن انا فعلاً كنت متوقع ان الفيلم يكون اقوى بكتير اوى من الى شفتة الفيلم جامد لكن مش بالمستوى الى كنت مستنية كمان فى نقط كتير فالفيلم غير واضحة والمؤلف اكتفى ببعض الايحائات عنها بدون ذكر تفاصيل او توضيح ودة خلانى مش مقتنع بكذا حاجة فالفيلم ... هيو ابدع كالعادة فالدور الى قام بيه على اكمل وجه وهيبقى صعب اوى انى اقتنع بحد تانى بعده يعمل دور ولفرين لان الدور دة اتعمل للممثل دة ..! لورا (النسخة النسائية من ولفرين) دى فعلاً الى كسرت توقعاتى مكنتش متوقع انها هتقوم بالدور بالقوة دى وتلفت نظر الناس ليها سواء من جانب التمثيل الى ابدعت فيه رغم صغر سنها او من جانب الانفعالات الى اختلفت تماما فى اخر جزء فالفيلم.. الفيلم حلو كمجمل قصة كويسة وسيناريو ممتاز حبكة مقبولة أحداث كويسة نوعا ما لكن من وجه نظرى اقل من المتوقع ولو كان مش الفيلم الاخير مكنش هيفرق معايا اوى لكن كان نفسى فنهاية اقوى للشخصية دى <3

• 1 مفيد
• 0 غير مفيد