Lincoln  (2012)  لينكولن

أراء حرة

 [2 نقد]

سيبلبرج في عمل أخر مميز

• دعاء أبو الضياء
• 12:00 صباحًا - 9 يناير 2013
• نقد آخر لنفس المستخدم

بداية وقبل مشاهدة الفيلم كان عندي خلفية كبيرة عن القصة وإنها بتدور عن الأشهر الأخيرة في حياة الرئيس الأمريكي لينكولن أو محرر العبيد كما يطلق عليه، وكنت عارفة إن الفيلم بيناقش أبعاد سياسية مهمة في حياته أكتر ما كان بيشير إلى اﻷبعاد الإنسانية، وبالتالي ح يحتاج تركيز كبير مني؛ ﻹنه بطبيعة الحال تقديم سيرة ذاتية عن شخصية زي لينكولن هيبقى الخطوط الدرامية فيها معقدة ومتشابكة، ولما يقدمها مخرج زي (ستيفن سبيلبرج) يبقى فعلا محتاجة كل التركيز ده، واعتقد إني مش محتاجة أقول أو اتكلم هنا عن سيبلبرج ولا...اقرأ المزيد أفلامه ولا كم الجوائز والنجاحات اللي قدمها، ﻹنه غني عن التعريف واللي هيشوف الفيلم هيقدر يتعرف عليه مع أول مشهد خاصة لما تشوف أد إيه كان التركيز على الصورة وجمالياتها، والقدرة الفائقة على تقديم آصالة وحرفية من ديكور وأزياء وإضاءة وميكاج وحركة كاميرا،،،، وغيرها كتير أوي من المميزات اللي اتعرفت بها أفلام سيبلبرج. وإذا كان سيبلبرج معروف عنه الدقة في استخدام أدواته فمعروف عنه عبقريته في اختيار أبطاله واللي كان من ضمنهم الممثل (دانيال داى لويس) اللي استطاع تقمص دور الرئيس الأمريكي لينكولن بشكل كبير، وقدر ينغمس ويتغلغل في حياته وكإنك بتشوف لينكولن فعلا واعتقد إنه يستحق على هذا الدور جوائز عديدة. باﻹضافة إلى طاقم عمل مميز زي تومي لي جونز وجوزيف جوردن، وسالي فيلد.... الجميل في الفيلم إن ركز على أكتر من حاجة في السيناريو اللي قدمه المؤلف (توني كوشنر) عن قصة (دوريس كيرنز جودوين) فهنشوف بجانب تركيزه على الأشهر الأخيرة في حياة لينكولن ومعاناته لتفكك الولايات وسقوط أكثر من خمسمائة ألف شهيد أمريكي، ركز أيضا على أسباب إعلان الحرب الأهلية وتمرد الكثير من الولايات وانفصالها، أيضا أشار إلى تعديل بنود الدستور الأمريكي بشأن العبودية ويمكن ده فكرني بالمعاناة اللي بيعيشها الشعب المصري والخاصة بمسألة تعديل الدستور، وإن ده ممكن يخلف وراه الكتير من القتلى ونشوف الحروب. الفيلم يستحق إنك تشاهده أكتر من مرة وإنه يٌضم لأفضل 100 فيلم.

• 5 مفيد
• 1 غير مفيد

أضف نقد جديد

عنوان النقد	اسم المستخدم	هل النقد مفيد؟	تاريخ النشر
لينكولن = ناصر 56	عمرو عبد المنعم	0/0	8 فبراير 2013