أراء حرة: فيلم - Silent Hill: Revelation 3D - 2012
ساعة و نصف من اللأثارة المتواصلة !
![Ahmed Seddiek]()
Ahmed Seddiek- 12:00 صباحًا - 19 يناير 2013
- نقد آخر لنفس المستخدم
Ahmed Seddiekاذا كنت من محبى افلام الرعب و الاثاره و التشويق حتما فيلم " التل الصامت : الوحى " سيكون من افضل افلامك لهذا العام منذ ان يبدا الفيلم الى ان ينتهى لن تشعر بالملل ابدا لان احداث الفيلم فى صعود دائم و متلاحقه للغايه وهذا ما اعتبره نجاح لمخرج و مؤلف الفيلم مايكل باسيت الذى استطاع ان يأسر انتباه المشاهدين منذ اول لقطه فى الفيلم لاخره قصه الفيلم 10/7 : اعجبتنى طريقه المعالجه الدراميه لقصه الفيلم التى هى بالاساس ماخوذة من الجزء الثالث من سلسله العاب الفيديو (التل الصامت) اقتبس المؤلف اهم الاحداث...اقرأ المزيد و العناصر و الشخصيات من اللعبه و اضاف الكتير من الاشياء الجديده عليها فجائت قصه الفيلم مرعبه و مخيفه للغايه و تبين مدى الفزع التى يمكن للكوابيس و الاحلام ان تحققه داخل العقل البشرى التمثيل 10/6.5 : كان الاداء الافضل فى الفيلم لبطلته أديلايد كليمنس التى لعبت دور هيذر ميسون التى استطاعت فهم الشخصيه و كان ادائها جيد جدا و الأضعف اداءاً كان مالكولم ماكدويل الذى لعب دور ليونارد لم يكن مقنعا ابدا , كان الاداء لباقى الممثلين جيد و مقبول تقنيه ثلاثى الابعاد 10/9 : فيلم " التل الصامت : الوحى " واحد من افضل افلام التى سوف تشاهدها بالثرى دى , فهناك وحوش تشعر انها امام عينك و تحاول ان تبتلعك و رماد يتطاير من حولك و الكثير و الكثير من الاشياء و ستشعر انك جزء من احداث الفيلم الإخراج 10/6 : كان استخدام المخرج للخدع و المؤثرات البصريه جيد للغايه و واقعى بدرجه كبيره , حركه الكاميرا كانت ممتازه و اخيار المخرج للكادرات كان عبقرى , كان اداء المخرج رائع و مميز فى مشاهد الرعب و الاثاره عكس مشاهد الدراما و الحوار كان ضعيف للغايه و غير مؤثر اشياء لم تعجبنى فى الفيلم : - كان الحوار بين الابطال ضعيف للغايه و احيانا غير منطقى و مضحك فى بعض الاحيان - هناك شخصيات اقحمت داخل الفيلم ثم خرجت دون ان تترك اى اثر فى الفيلم مثل شخصيه سوكى التى ضلت الطريق لتجد نفسها داخل سايلنت هيل - هناك بعض الاحداث غير مبرره و غير منطقيه تماما , لم تعجبنى ابدا قصه الحب فى الفيلم فلم تكن منطقيه وسط كل هذا الججيم - استخدام شخصيه ( بيرميد هيد ) فى الفيلم كان تجاريا بحت و اقحم فى مشاهد لم يكن له دور فيها , نهايه الفيلم غير منطقيه و هى اسوء جزء فى الفيلم - فوجئت بمشهد فى الفيلم " لامراه عاريه الصدر " و تعجبت كيف فلت من الرقابه ؟!! فيلم (التل الصامت : الوحى) سوف يعطيك جرعه كبيره من الاثاره و التشويق و ستخرج من السينما وانت تعيش حاله الفيلم و لكن احذر من ان تطاردك كوابيس مثل هيذر ميسون لانك ستكون فى مأزق كبير :)
توقعاتي في غير محلها
![دعاء أبو الضياء]()
دعاء أبو الضياء- 12:00 صباحًا - 14 يناير 2013
- نقد آخر لنفس المستخدم
دعاء أبو الضياءاتفرجت على تايلر فيلم Silent Hill: Revelation من فترة طويلة قبل عرضه في دور العرض السينمائية بمصر، وحسيت إن الفيلم هيبقى جامد جدا ويستحق إني إشاهده، وبانت حرفية مصمم الإعلان بطريقة كبيرة لاختياره مشاهد متضمنة أهم اﻷحداث في الفيلم ودي يمكن من أكتر الحاجات اللي شدتني؛ وعليه قررت إني أشوفه، وللأسف توقعاتي كانت مش في محلها، فبغض النظر عن الفكرة الرئيسية اللي اتبنى عليها الفيلم وهي الكابوس واﻷحلام المفزعة اللي كانت بتشوفها بطلة الفيلم، واللي أقدر أقول عليها إنها من الحسنات الوحيدة للفيلم، إلا أن...اقرأ المزيد تنفيذ ده كان أقل بكتير أوي من التوقعات اللي تنبأت بها، وكانت غير دقيقة في كثير من المشاهد خاصة اللي اعتمد فيها كاتب السيناريو المخرج (مايكل جاي. باسيت) على إظهار الجانب النفسي والتعامل مع الشيطان، كمان المؤثرات البصرية اللي من المفروض تكون اﻷداة الأساسية اللي بتستخدم في أفلام الرعب كانت سيئة للغاية وضعيفة، ويمكن أداء الممثلين كان مقبول نوعا ما خاصة انفعالاتهم وتعبيرات الخوف اللي اترسمت على الوجوه بعيدة كل البعد عن إنها تقول أي شيء. وأقدر أقول إن دور شين بين كان الدور الوحيد اللي انفعلت معاه واتعاطفت معه جدا بعد اختطافه. ومن بداية الفيلم حتى نهايتة وانا منتظرة أي مشهد يخليني اندمج في الأحداث واكملها، وكنت كل شوية بشوف توقيت الفيلم وكنت مشتاقة لكلمة النهاية تنزل بسرعة، لحالة الممل اللي سيطرت عليا. الفيلم هتشوفه مرة ومعتقدتش إنه هيبقى من ضمن الأفلام اللي تذكر عنها أي شيء.
