هدية من الماضي (20 سبتمبر)  (2015)  Hedeya Men El Madei (20 September)

أراء حرة

 [1 نقد]

فيلم للفيلماكيرز المبتدئين

• Hossam Waleed
• 09:47 صباحًا - 21 يناير 2019
• نقد آخر لنفس المستخدم

الفيلم التسجيلي المصري (هدية من الماضي).. اللي متابع أحداث السينما في مصر السنتين اللي فاتوا عارف كويس قد ايه الفيلم ده عمل ضجّة يمكن معملتهاش أفلام روائية بميزانيات ضخمة. الفيلم التسجيلي اللي أخرجته طالبة في معهد السينما تدعى "كوثر يونس" كمشروع تخرجها من المعهد (قسم الإخراج) ناس كتير مدحوا فيه، وشافوه فيلم تسجيلي أيقوني ويُدرّس في مجال صناعة الأفلام، لأنه رغم إمكانياته الفنيّة الشحيحة قدر يعمل قصة تُثير العواطف وتحرّك المشاعر جامد. للأسف، كنت كتبت عن الفيلم مراجعة بعنوان "ثلاث أشياء...اقرأ المزيد يُعلّمهالك الفيلم إذا كنت ترغب بصناعة الأفلام" ودشّنت فيها أفكار كتيرة جَت على بالي في المُشاهدة.. بس المراجعة اتحذفت مني بالغلط. أكتر حاجة شدتني في الفيلم طبعًا كانت كيفية صناعته، الفيلم بيقولك مش ضروري عشان انتا مهتم بالفيلماكينج تُصبر عشان تعمل فيلمك الأول اللي يكون مبهر، بالعكس.. الفكرة والموضوع هوّا كل حاجة، وكل فكرة -مهما كانت صغيرة- يمكن تحويلها لفيلم جيد، وعلى رأي "أحمد عبدالله" مخرج ميكروفون؛ كل اللي الواحد محتاجه عشان يعمل فيلم لاب توب وكاميرا. كمان الفيلم فيه حاجات كتيرة مهمة في المنطلق ده بيحاول يقولها؛ زي إن مُساعدة لصناعة الفيلم ممكن تيجي في الطريق (مش المفروض التخطيط المتشدد لكل جانب/حركة/عنصر).. وإن الإرادة والعزيمة -في الحياة، وفي رحلة تصوير الفيلم بالذات- أهميتهم أكبر بكتير مما كنت تتخيّل. "هدية من الماضي" مش بس فيلم ذو قصة عاطفية رائعة، أو روحه جميلة، أو رحلة خيالية للماضي مبتتعملش إلا في الأفلام الـ Fiction! لكنه كمان بيستفز مشاعر صانع الأفلام اللي جوّاك -إذا كنت من النوع ده- عشان يقولّك: كل حاجة ممكنة، وأسهل مما تتخيّل. تريلر الفيلم : https://youtu.be/3kuq7iHx9CA . . . ملحوظة مهمة: الفيلم مش موجود على الإنترنت إطلاقًا، صُنّاع الفيلم عرضوه -وما زالوا- في المُناسبات الفيلمية وأماكن عرض مخصصة في القاهرة، ومحطهوش على الإنترنت رغم إنه بقاله حوالي ثلاث سنين منذ أول مرّة ظهر فيها للنور.

• 1 مفيد
• 0 غير مفيد

أضف نقد جديد