Moonlight  (2016) ضوء القمر

0

قصة أبدية حول العلاقات الإنسانية واكتشاف الذات، حيث تعرض لنا حياة رجل أسود في حي (ميامي) المضطرب، وتطور حياته منذ طفولته وحتى مرحلة البلوغ، كما تظهر كفاحه لكي يجد مكانًا له في هذا العالم.

تفاصيل العمل

ملخص القصة:

قصة أبدية حول العلاقات الإنسانية واكتشاف الذات، حيث تعرض لنا حياة رجل أسود في حي (ميامي) المضطرب، وتطور حياته منذ طفولته وحتى مرحلة البلوغ، كما تظهر كفاحه لكي يجد مكانًا له في هذا...اقرأ المزيد العالم.

المزيد

  • نوع العمل:
  • ﻓﻴﻠﻢ



  • التصنيف الرقابي:
    • MPAA
    • R



  • ترشيحات:
  • تم ترشيحه 10 مرة، وفاز بـ 4 منها
  • المزيد

  • هل العمل ملون؟:
  • نعم

  • مواقع التصوير
  • الولايات المتّحدة


  • استغرق تصوير الفيلم 25 يومًا من شهريّ (أكتوبر) و(نوفمبر) لعام 2015 في جنوب (فلوريدا).
  • قامت الممثلة (ناعومي هاريس) بتصوير دورها كاملًا خلال الثلاثة أيام الخاصة بجولتها الترويجية لفيلم...اقرأ المزيد (Spectre) عام 2015.
المزيد

أراء حرة

 [1 نقد]

مراجعة فيلم MoonLight

القصة :- الفيلم بيحكى عن شايرون .. الولد اللى كبر فى بيئة صعبة فى مدينة ميامى ! و اللى بيتعرض لظروف صعبة سواء كانت من مضايقات زمايله فى المدرسة .. او والدته المدمنة ! و بنشوف قصة حياته على مدار تلت فصول .. ليتل .. شايرون و بلاك . و على عكس بوى هود كان كل الممثلين بيطلعوا فى الفيلم و هما بيكبروا .. فالفيلم ده مش هتشوف غير شايرون و كيفن صديقه و هما بيكبروا ! الفيلم كمان بيسلط الضوء على مثلية شايرون ! اللى فأول الفيلم هتفتكر انها شطحة من المخرج و المؤلف لكن فأخر الفيلم هتكتشف انها هى اساس...اقرأ المزيد القصة ! و ده الصراحة معجبنيش و كمان خلى الفيلم سيكشواليتي ار – ريتيد لكن بما ان الفيلم بينافس على اوسكار .. فالأكاديمية بتحب النوع ده ! الفيلم فكرته الاساسية هى العلاقات الانسانية و اكتشاف الذات ! و اللى بالفعل الفيلم اجاد اخراج الفكرة دى للمشاهد .. بالرغم من ان النهاية مكانتش نهاية متوقعه من فيلم اساس فكرته هو الكفاح ! ليتل .. ليتل هو الاسم اللى كان بيلقبوه زمايله فى المدرسة بيه ! و ابتدا الفيلم بليتل و هو بيجرى من متنمرين كانوا عايزين يضربوه .. ف بيستخبى فى بيت قديم و بيلقاه خوان .. تاجر المخدرات الطيب ! و بتتوالى الاحداث ان خوان بيقابل شايرون و بيعرفه على تريزا صديقته اللى بتهتم بيه لحد ما الفصل تانى بيخلص ! شايرون... شايرون فى الفصل التانى بيكون فى المرحله الثانوية او مرحلة المراهقة ! و برده بيتعرض لمضايقات من المتنمرين اللى فى مدرسته ! لحد ما بيحصل موقف بيقلب حياة 180درجة و معاه بينتهى الفصل التانى و بيبتدى الفصل التالت .. بلاك . بيبتدى الفصل مع شايرون و هو فسن كبير و تغير كبير هيحصله لو قولته هيبقى حرق للفيلم ! و فى الفصل شايرون بيقابل كيفن صديق الطفولة و بتتوالى الاحداث للنهاية . --------------------------------------------------------------------------------------- من اكتر الحاجات اللى عجبتنى و خلتنى مندمج مع الفيلم هو الترابط من شايرون على فصوله التلاته و ده بيعود للترابط مابين الممثلين و الترابط مابين كل فصل و فصل تانى ! لدرجة انك بتحس انهم فعلا نفس الممثل عدا يمكن هو فصل بلاك و اللى كان متبرر التغير اللى حصل للشخصية سواء كان فى الكلام او الشكل او اى تفصيله صغيرة فى الشخصية ! القصة هى من افضل القصص اللى شوفتها فى 2016 و حبيتها بسبب انى بحب الافلام السودوية الى حد ما و مبحبش الافلام المبهجة زيادة عن اللزوم و لكنه الفيلم مخلاش القصة كلها سودوية و فى اخر الفيلم القصة بتختلف و بيتحول كل البؤس اللى فى الفيلم لحياة طبيعية فيها سعادة عادية و فيها يمكن كمان هزار ! لكن من اول الفيلم لأخره مفهوش نكته واحدة ! ف لو انت بتحب السينما الكوميدية و المرحة .. منصحكش بيه تماما ! الاخراج : الفيلم من اخراج بارى جينيكينز و ده فى تاريخه مفهوش غير افلام قصيرة و فيلم واحد هو ميديسين فور ميلانكولى و ده انا متفرجتش عليه لكن اتفرجت عالتريلر و انا بحضر للمراجعة و كان حلو الصراحة ! لكن ده ميمنعش انه مخرج مغمور .. ملوش تاريخ او افلام تذكر ! و اى جايزة الفيلم هيحصل عليها هتكون انجاز كبير ليه ! أكتر حاجة ممكن تعجبك فى الاخراج هو مشاهد اللقطة الواحده او الوان شوت ! زى اللى كانت فى فيلم بيردمان لكن فبيردمان كان الفيلم كله متصور بكاميرا واحدة لكن الفيلم ده بيعمل كدة فى المشاهد اللى فيها اكتر من شخص عشان يقدر يوريك الفيو كامل للصورة و كأنها 360درجة ! لكن يعيب الاخراج هو اللقطات المهزوزة و الضيقة ! و واضح ان بارى بيعتمد عالطريقة دى على طول زى ما لاحظت فى تريلر فيلمه القديم اللى انا مش هقوله عشان انا قولته بالعافية و مش هعرف اقوله تانى و اللى فالبداية هتضايقك لكن بعدين هتعتاد عليها ! و مشاهد تانية كان المخرج بيعتمد فيها على كاميرات الجو برو بحيث انها تبقى متثبته على شئ متحرك زى مثلا باب عربية ! و دى كانت مشاهد رائعة بالرغم من انها قديمة و اتكررت كتير فأفلام تانية لكن المرادى كانت مختلفة و انت لما تشوف الفيلم هتعرف انا بتكلم على ايه ! و كمان فيه مشاهد كتير .. جدا كان بيعتمد فيها المخرج على فلسفة "صورنى و انا مش واخد بالى" ! اللى هى صورنى بالجنب و انا بتأمل فى المستقبل ! مش بقول انها وحشة على الاطلاق لكن هي كانت كتيرة جدا فى الفيلم لدرجة تخلى الواحد يزهق الا فى مشاهد قليلة التصوير كان بيتغير بشكل ديناميكي رائع !! -------------------------------------------------------------------------------------------- السيناريو : السيناريو من كتابه بارى جينيكيز و تاريل الفين اللى تاريخهم الكتابى صفر ! لكن فى الفيلم السيناريو زى ما قولت كان رائع .. و الجمل الحوارية متقنة جدا لدرجة تخليها معلقه معاك ! و تخليك منتبه لكل كلمة بيقولها الممثل ! و من مميزات الفيلم انك هتلقى فيه جمل و تصرفات غريبة و مش هتفهمها الا فنص او اخر الفيلم و ده شئ فى منتهى الذكاء من اى كاتب . الاداء التمثيلى : اغلب الممثلين اللى فى الفيلم هما ممثلين مغمورين و تاريخهم زى تاريخ مخرج الفيلم ! و اتنين بس اللى معروفين .. هما ماهرشالا على و اللى كان ادائه رائع الى اقصى درجة بجانب انى بحبه شخصياً ! بعيدا طبعا عن شنبه الغريب ! كنت بتمنى انه يبقى موجود لأخر الفيلم لكن للأسف مش هيبقى موجود غير فى طفولة شايرون ! و معاه كمان ناعومى هاريس اللى ادائها كان خرافى و فعلا انا شخصيا كنت قربت اكرهها (ده لو مكرهتهاش اساسا فى الفيلم) و ده دليل على ان قد ايه ناعومى ادت دورها ببراعة ! الغريب بقى انها من دون كل الممثلين اللى لما كانوا بيكبروا فى فصول حياة شايرون كانوا بيجيبوا ممثل اكبر سناً عشان يقدر يواكب السن اللى هو فيه ! لكن ناعومى هى اللى مثلت التلت فصول مع اختلاف فى الميكاب اللى انا شخصيا حسيت انها فعلا كبرت سواء كان فى شكلها او طريقة كلامها !! اما شايرون فقام بتمثليه اليكس هابرت و اشتون ساندرز و تريفانت رودز اللى مقدرش افضل واحد عن التانى لأنى فعلا حسيت انهم ممثل واحد بسبب التناغم مابينهم ! و دى حاجة محصلتش غير اخر مرة ففيلم انترستيلر من ماكنزى فوى و جيسيكا كاستين ! و كيفين صديق شايرون قام بتمثيله : جايدين بينير و جاريل جروم و اندريا هولاند و التفوق بالتأكيد كان لأندريا هولاند بسبب ان الممثلين التانيين مخادوش مساحة زى المساحة اللى خدها اندريا و ده كان شئ موفق بالتأكيد لمصحلة الفيلم ! الساوند تراك : فيلم عظيم زى ده مكانش هيكمل منغير مزيكا فوق الرائعة و اللى قدمهالنا نيكولاس بريتل ! و اللى ميعرفوش .. فهو قدملنا قبل كدة موسيقت فيلم ذا بيج شورت و فري ستايتس اوف جونز ! و اهمية الموسيقى فى الفيلم انها دعمت القصة بحيث انها مش شغالة عالفاضية و عالمليانة ! لأ ! هى بتشتغل وقت ما المواقف بتشتد على شايرون و بتوصلك كم المعاناة اللى هو بيعانيها ! و اراهن انه هيترشح للأوسكار بالموسيقي بتاعته . -------------------------------------------------------------------- الخلاصة : موون لايت هو فيلم رائع للغاية و هينافس بكل تأكيد على الاوسكار بس يارب الاكاديمية تبطل العنصرية اللى عندها سواء للسمر او لكريستفور نولان فى المستقبل ! الفيلم قدم قصة جديدة و مختلفة .. زواية تصوير رائعة .. اخراج جيد الى حد كبير .. بالرغم من بعض النقط اللى محبتهاش فى الفيلم زى مثلية شايرون اللى مكانش ليها داعى فى الفيلم و كان ممكن الفيلم يستند على اى فكرة تانية .. ف تقييمي للفيلم هو 8.5من10 .

أضف نقد جديد


أخبار

  [6 أخبار]
المزيد

مواضيع متعلقة


تعليقات

أرسل