و المسرح نموذج مصغر للحياة
و السجن نموذج مصغر للحياة
و المدرسة الثانوى كانت نموذجا مصغرا للحياة
و العمارة اللى انا ساكن فيها نموذج مصغر للحياة...
..
فيلم الريس عمر حرب أحدث أفلام خالد يوسف ,بشكل عام فيلم لم أندم على مشاهدته
,ان المعتاد فى أفلام خالد يوسف أنها ذات قصة تحمل معنى ما ،و الجديد فى فيلم خالد يوسف هذه المرة أن المغزى اللى كان مقصود الواحد يطلع بيه من الفيام كان أكثر "فلسفية" منه تخبيط فى الحلل (شخصيا أفضل التخبيط فى الحلل), فقد تخلى (على المستوى الظاهرى على الأقل) عن التصريحات السياسية و دار بالفيلم (الذى كتب قصته هانى فوزى) حول معانى أكثر شمولا, الخير والشر تحديدا ,أو الشر بس.
الكازينو كمكان يتعامل مع أكثر المشاعر الانسانية تجريدا ,مما يكسبه عمقا دراميا...الخ ,وهو ما لم يصلنى فى الريس عمر حرب, كانت أقرب الى مشاهد للكبار تصور ناس مش كويسة فقط منها الى الكلام الكبير اللى لسة كاتبه عن الكازينوهات دة,
أكثر ما أزعجنى فى الفيلم بالاضافة الى ذلك حاجتين,
أولا التذاكى الشديد فى أداء خالد صالح الذى بدأت أشعر رغم أدائه المميز غالبا أنه محدود كممثل, الراجل طالع بيبرق فى الفيلم يعنى!!
ثانيا, من أهم الخطوط الدرامية فى القصة هو التنازع فى شخصية هانى سلامة بين شخصية سمية الخشاب ,الرقيقة الجميلة ,كانت بتلعب مع الفراشات فى مشهد (صدق أو لاتصدق), ذات المشاكل المعقدة الى درجة المأساة فى حياتها, وتمثل العاطفة. و بين شخصية غادة عبد الرازق اللى مش كويسة و تمثل الجسد.
المزعج فى الموضوع أنه بسبب قدرات سمية الخشاب المحدودة للغاية كممثلة لم تكن مقنعة أبدا ولم ينطبق عليها هذا الوصف, لم أشعر بأى فارق بينها و بين شخصية غادة عبد الرازق ,فأصبح الموضوع مجرد اتنين ستات بيتخانقوا ع الجدع أو الجدع بيتخانق مع نفسه عليهم شكرا ,بس ,ضاع الخط دة.
بانتظار سينارست يتحلى بالحكمة يكتب فيلما عن الاسانسيرات ويستهله بالحكمة الخالدة
,الاسانسير نموذج مصغر للحياة... يا اما يطلع بينا ,يا اما ينزل بيهم.. .......... ( المزيد
) |
