تدور أحداث الفيلم حول شاب من عائلة مرموقة فى المجتمع ولكن مفككة، أفرادها منغمسين فى تحقيق مصالحهم الذاتية، فنشأ وحيدا يبحث عن ذاته ويجد ضالته فى عصيانه لأسرته و إرتكابه للجريمة منذ نشأته، ويمر الزمن وتزداد قدراته الأجرامية و توحشه فى تنفيذ تلك الجرا... (المزيد) (قراءة بقية الملخصات)
تدور احداث الفيلم عن ولد أمه وأبوه مطتلقين يعاني من مرض نفسي مما يجعله يستمتع بتعذيب الاخرين ويتم ترحله للأحداث و هو في سن المراهقة. وفي شبابه يقع في حب إمرأة متزوجة ويقوم باعمال إجرامية حتى يقع في يد العدالة ويشنق في نهاية الفيلم.
مميزات في الفيلم: في الأول كنت مستغربة ليه جابوا واحد مصري يعمل دور لبناني ووحدة لبنانية تعمل دور مصرية..بس الحقيقة خالد الصاوي كالعادة كان هايل ومقنع جداً و عرف يتكلم باللكنة اللبنانية مظبوط. نيكول سابا بالإعتبار انها مش ممثلة أصلاً كانت معقولة في دورها.
نبيل الحلفاوي أيضاً كان هايل في دوره و الحوار بينه و هاني سلامة عن الوطنية/مصر كان مؤثر.
عيوب في الفيلم: طول عمري شايفة إن هاني سلامة مابيعرفش يمثل..هو بيعرف يبرق و بس. و قلت أخيراً لحسن حظه، هاني لأه دور يتطلب تبريق كتير..ولكن اكتشفت إن التبريق لوحده مش كيفاية.. عدم وجود أي تعبيرات أخرى على وشه بتخلي المشاهد مش عارف هو زعلان ولا فرحان ولا ناوي يعيط ولا إيه..في اللقطة بتاعته و نيكول لما جأت تقول له إن زوجها رجع من السفر، أشك إن كان في شخص واحد في السينما فاهم هو ضربها ليه لحد ما هي قالت بعد الضربة انها كانت لازم تنام معاه..الموضوع ده مخليني لازم اطرح السؤال: فين التمثيل يا جماعة؟؟ هو مابيعرفش يوصل للمشاهد أي مشاعر المفروض إنه يكون حاسسها ..و علشان كدة هو مش قادر يشيل الفيلم.
الفيلم نفسه ما كنش مسلي أوي، جايز لأن التمثيل كان مش أد كدة، بس لازم أقول إن النهاية كانت ضعيفة شوية..تحسها كانت فكرة حلوة و ألشت منهم في الاخر..يعني لما قام بنداء الظابط، والمشاهد قاعد منتظر الجملة الجامدة إلي هيقولها، فالأخر بيدي له الشكولاتة البمبم ويقول له شكراً.. ... ... ضعيفة أوي. كان هيبقى لها معنى أكثر لو ماكنش الولد طلع في الاخر بايز ومجرم.. أنا فهمة طبعاً المخرج عايز يقول إن الظابط الوحيد إلي كان طيب معاه في طفولته، بس وبعدين؟ مانفعتش الطيبة دي في حاجة و الولد ضاع و لم يتبقى في الاخر غير إعلان شكولاتة بمبم .
أنا شخصياً أعطي الفيلم أربعة من عشرة. .......... ( المزيد
)
هذا الصفحات لازالت قيد الاختبار و التطوير, والمعلومات الواردة فيها هى نتاج جهدك كمستخدم , رجاء شاركنا فى تنمية المحتوى بما لديك من معلومات , علما بانه ستتم مراجعة المساهمات من قبل فريق ادارة الموقع .
للتعديل او الإضافة ، إضغط هنا
