• الدخول
  • التسجيل
  • الدخول عن طريق الفيس بوك

المواجهة

تشوقت كثيرا عندما شاهدت تريللر فيلم هاتولي راجل لأن نوع الفانتازيا في مصر نادرا ما تعثر عليه والسبب الاكبر الذي جعلني اشاهده هو انه الفيلم الوحيد في افلام العيد الذي يدعو الى السينما النظيفة الهادفة امام ثلاثة افلام اخرين تدعو الى السينما الهابطة فيصبح هاتولي راجل في مواجهة ثلاثة افلام.

الفيلم كوميدي وملئ بالمشاهد والافيهات المضحكة والفيلم يعتمد على كوميديا الصورة اكثر من الصوت وبه قليل من الفانتزيا

في الفترة الاخيرة شاهدنا اسوأ ما يمكن مشاهدته من اسفاف ورقص وبلطجة زي افلام السبكي اللي عبارة عن رقاصة وبلطجي على كام خناقة على كام اغنية على اي قصة مهروسة من الستينات ويبقى خلص الفيلم على كدا ويلا نجمع فلوس.

فلازم نشجع اي فيلم هادف او يدعو الى الكوميديا النظيفة عشان كدا انصح جميع الناس اللي هيروحوا سينما يدخلوا هاتولي راجل ويبعدوا كل البعد عن ال 3 افلام التانين عشان لازم نشجع النوع دة.

عيوب الفيلم: الجراة زيادة عن الازم الفيلم فيه كلام لا تصح بالمشاهدة العائلية. وكمان كان عايز احداث اكتر من كدا

التأليف : كان عايز احداث اكتر
الاخراج : كان كويس جدا

نقييمي للمثلين في فيلم هاتولي راجل، ترتيب من الافضل للأقل:

شريف رمزي : قدم دوره على ما يرام واكثر، وارى انه كان افضل الممثلين في هذا الفيلم وقدم دوره بشكل صح جدا.

ميريت : وجهة جميلة وجذابة وتمثيل في قمة المتعة ارى ان ميريت ابنة الفناة شيرين هي نجمة صاعدة ولها مستقبل كبير وقدمت دورها في الفيلم بشكل جميل جدا وعرفت تمثل دور الظابط الشديد وفي نفس الوقت ذات القلب الحنون.

احمد الفيشاوي: دوره كان كويس وعرف يمثل صح دور الولد اللي خايف يعمل علاقة مع اي بنت وبيتجنبهم

يسرا اللوزي : عرفت صح تمثل دور البنت اللعوب بس كان ناقصها شوية افتعالات اكتر من كدا لاني حسيت انها هادية اوي.

كريم فهمي وايمي سمير غانم : كانوا اقل اداء في الفيلم دورهم مكنش حلو اوي وحسيت ان ايمي مش هي ايمي اللي شفتها في بلبل حيران وعسل اسود وسيما علي بابا.

ضيوف الشرف :ارى ان افضلهم كان نيكول سابا ولا ارى مبرر لظهور سمير غانم في نهاية الفيلم.

تقيمي للفيلم :7/10
هل كان هذا النقد مفيداً؟

قائمة بكل النقد الفني