• ياسر يوسف محمد
• 12:00 صباحًا - 14 ديسمبر 2014
• نقد آخر لنفس المستخدم

عادي جدا ان فيلم كويس ينجح فيتعمل منه جزأ تاني أو انه يكون سلسلة روايات فتتعمل اكتر من جزأ لكن ان فيلم عادي جدا لمجرد انه حقق ايرادات معقوله مش جامده يتعمل منه جزأ تاني فده الصراحه كتير. فيلم يفكرك بنفس فكرة عمر وسلمى ال اتعمل 3 اجزاء اغلس من بعض الفيلم مبيحملش من فكرة الجزء الأول إلا الاسم بس فهنا ولا في رؤساء زي الجزء الأول الأحسن في كل النواحي مع العمالقه كيفين سبيسي وكولين فاريل وجنيفر انستون في دور الرؤساء والي ظهر منهم الأول والتالت ف الجزء ده بمساحات شرفيه واختفى التاني لأنه كان مات على ما اتذكر لولا موهبة الأبطال وخفة دمهم التلقائيه كان الفيلم ممكن يتحول لكارثه اعتقد ان نجاحه القليل هيكون أحسن سند عشان ميتعملش جزأ تالت للأسف هوليود الفتره الأخيره بقت متقسمه بين أفلام الكرتون وسلاسل مارفل ودي سي والسوبر هيروز عامة ، وبقت المحاولات الناجحه بره التصنيف ده شبه نادره يمكن مفيش غير Gone Girl بس ال حقق ايرادات كويسه أما غالبية الأفلام الي نزلت والي لسه هتنزل فربنا يتولى صانعيها.

• 1 مفيد
• 0 غير مفيد