أمير البحار  (2009) Prince of the Seas

6.5
  • ﻓﻴﻠﻢ
  • مصر
  • ﺗﻢ ﻋﺮﺿﻪ

امير شاب مستهتر يدرس فى الاكاديمية البحرية , ليصبح قبطانا ويحب جارته سلوى ابنة مدير الاكاديمية التى تعتبره اخا لها , وتحدث العديد من المفارقات بين شد وجذب الى ان يتم اختطافهم من قبل القراصنة فى عرض...اقرأ المزيد البحر , وتتوالى الأحداث.

المزيد

تفاصيل العمل

ملخص القصة:

امير شاب مستهتر يدرس فى الاكاديمية البحرية , ليصبح قبطانا ويحب جارته سلوى ابنة مدير الاكاديمية التى تعتبره اخا لها , وتحدث العديد من المفارقات بين شد وجذب الى ان يتم اختطافهم من...اقرأ المزيد قبل القراصنة فى عرض البحر , وتتوالى الأحداث.

المزيد

القصة الكاملة:

نور الدين البحر(لطفى لبيب)رجل أعمال متيسر يمتلك يختا إسمه أمير البحار، يعهد برعايته للبحرى رفاعى (حسن عبدالفتاح)، ولديه ٤ بنات هن فيحاء(نورا السباعى) ولمياء ( أمينه ) وجيداء (كريمه...اقرأ المزيد عبدالله) وشيماء (شهيره سعد)، وإبن وحيد هو أمير (محمد الهنيدى) الذى تمتع بتدليل خاص من أمه (هناء الشوربجى)، فشب لايتحمل أى مسئولية، حتى أمضى ١٢ عاما فى الأكاديمية البحرية، ولم يتخرج بعد، حتى اصبح زملاء دفعته، رؤساءه الآن، ويرأس الأكاديمية جارهم منصور الهلباوى (غسان مطر)، والذى كان أمير يحب إبنته سلوى (شيرى عادل) التى تربى معها منذ الصغر، وكانت امها دريه (مها ابو عوف) تشجعه على ذلك مع تدليله، بينما كانت سلوى تشعر أن أمير مثل أخيها، وتتذكر أنهما كانا يستحميان وهم صغار فى نفس البانيو، وقد كانت سلوى تحب الشعر، وتميل لأى شاب شاعر، وتشجعه على التقدم لخطبتها، غير أن أمير كان يستعين بالبلطجى ممس (محمد محمود)، فى خطف الخطيب وتهديده حتى لايتقدم لخطبتها، حتى بلغ عدد الخطاب ٩، كان آخرهم الشاعر مؤنس توحيد (حسام داغر)، الذى خطفه وأمه (مريم سعيد صالح)، وتوعده بالقتل لو رآه فى شوارع الاسكندرية. وبالاكاديميه كان أمير دائما مخالفا للتعليمات، مصطحبا معه أصدقاءه طارق (طارق الابيارى) وشريف (شريف صبحى)، وكانوا دائما معرضين لطوابير الذنب، التى يقودها زميله القديم نزار مرسى الشافعى (ياسر جلال)، الذى كان انتهازيا ويمارس حقده على أمير، ويبتزه مدعيا انه يساعده على التقرب من سلوى، بينما كان نزار يسعى لخطفها منه، لأنها إبنة رئيس الأكاديمية، وعندما يأس نور الدين من تخرج إبنه وتحمله مسئولية يخت أمير البحار، عرض اليخت للبيع على السيد سليم بيه (صبرى عبد المنعم)، وعانت اخوات أمير من العنوسة، وتسابقن للفوز بنزار عندما زار أمير بالمنزل، غير ان امير اخبرهن كذبا أن نزار خاطب، وتقدم حجازى (محمد فاروق) الذى يستورد البمب ويبيع الكنافة فى رمضان، لخطبة شيماء، ولكن امها علقت طلبه حتى يوافق أمير، الذى لم يجد غضاضة فى حجازى، الذى يسعى لأن يكون رجلا فى بيته، وإتفق أمير مع نزار أن يتقابل مع سلوى، ويخبرها بمزاياه حتى توافق عليه، متحملا كل نفقات تلك المقابلات، ولكن نزار إستغل الموقف وأفهم سلوى انه شاعر، وبثها حبه، وأخبرها ان أمير له صديقة تدعى سوزى (مريم نور) بينما كانت سوزى صديقة نزار. قرر الهلباوى التخلص من أمير فإعتمد نجاحه وتخرجه، مع عدم مسئولية الأكاديمية عن أى مركب يكون أمير قبطانها، وفى حفل عيد ميلاد سلوى، أعلن الهلباوى خطبتها على القبطان نزار، مما احبط أمير وأصابه بصدمة ولكى ينسى شرب بيرل بدون كحول ليسكر وينسى، وقرر إقامة حفل تأبين لحبه باليخت أمير البحار، حضره أصدقاءه طارق وشريف، وأمه وأخواته البنات وحجازي خطيب شيماء، ودعا له ضحيته مؤنس الشاعر، ولكن سوزى اتصلت بسلوى وأخبرتها بحقيقة نزار، فإتصلت بأمير تستنجد به، فأمرها بترك المنزل، واللحاق به على اليخت، وأمر رفاعى بالخروج لعرض البحر بأقصى سرعة، ولم يتوقف أمير باليخت حتى نفذ البنزين، وحاول ان يشغل جهاز الاستغاثة الذى يعمل بالزيت، فإكتشف ان امه استخدمت الزيت فى قلى البطاطس، واسقط فى يد الجميع بعد ان نفذ الماء، ثم وجدوا غريقًا بالبحر متعلقا فى عوامة، وعندما أخرجوه إكتشفوا انه البلطجى ممس، الذى حاول البحث عن فرصة أفضل، فإستقل مركبا فى هجرة غير شرعية، فلما غرق المركب، تعلق بالعوامة، فلما انقذوا، لامهم على ذلك لأنه كان يتمنى الموت، وإنضم للجميع ليكتشف انه لم ينقذ بعد، ولكن اليخت تعرض لمجموعة من القراصنة، بقيادة الريس حزنان (ضياء الميرغنى) استولت على المركب، وقيدوا من فيه، واستولوا على ملابسهم، وطلبوا نصف مليون جنيه عن كل رأس، ولم يستسلم نزار واستقل زورقا للبحث عن سلوى، حتى عثر على اليخت، وإنضم للمختطفين، وقاربت المحنة بين فيحاء ورفاعى، وبين لمياء ومؤنس، وبين جيداء ونزار، الذى عاد لرشده اخيراً، وقرر التوبة والتكفير عن أفعاله السابقة، واراد حزنان قتل أحد الرهائن حتى تأتى الفدية، وتمسك الجميع بالحياة، حتى تقدم أمير مضحيا بنفسه، وتم إلقاءه فى الماء، فى نفس اللحظة التى جاءت فيها أموال الفدية، فألقى نزار بنفسه فى الماء وأنقذ أمير، واستطاع أمير إستغلال طريقة توزيع الفدية على القراصنة، وأوقع بين حزنان وبين رجاله، بينما تمكن نزار وباقى اخوات أمير، من مغافلة القراصنة، والقبض عليهم وتقييدهم، وطلب أمير من ذويهم ٣ آلاف دولار عن كل رأس. وفى حفل كبير تزوج أمير وإخواته البنات. (أمير البحار)

المزيد

  • نوع العمل:
  • ﻓﻴﻠﻢ




  • بلد الإنتاج:
  • مصر

  • هل العمل ملون؟:
  • نعم


أراء حرة

 [3 نقد]

شاهدت لك:امير البحار

بأعيط على الرومانسية الموجودة فى الفيلم و مابقتش موجودة فى الدنيا دلوقتى.. لاء موجودة..بس فيه ناس بـ"تنف" و قارفين اللى حواليهم!" ده مثلا من الافيهات اللى "تهلك" فى هذا الفيلم!!! إضحكوا بقى.. الرجاء من السادة مرتادى السينما الضحك.. تنوه إدارة السينما ان محمد هنيدى بيقول افيه مضحك..رجاءا إضحكوا.. يمضى محمد هنيدى فى كوميديا بتاعة "حزمنى يا" و "طرائيعو" و "بلية و دماغة العالية" التى تتمثل فى الكوميديا "البلدى" "الاطفالى" "الاستضحاكية" (يعنى بأترجاكم تضحوا)..هى مرحلة ما...اقرأ المزيد قبل التهريج..نصف بلياتشو يعنى.. مواقف كوميدية سطحية.. تاااافهة.. هااايفة.. و يوسف معاطى رجع للقمامة التى كان يكتبها فى التسعينات (الجميلة و الوحشين) و (عسل البنات) و (نشنت يا ناصح) و (روحية اتخطفت)..مستوى متدنى للغاية..سبحان الله كيف كتب (يتربى فى عزو) و (بودى جارد) و (حسن و مرقص)؟! بجد لا يوجد حد له وجود فعلى سوى ياسر جلال (اللى طبعا اشتغل بمساحة 1 على 25 من محمد هنيدى.مساحة زمنية)..عالم السينما عجيب..زمان محمد هنيدى كان إسماعيل ياسين مع ياسر جلال اللى كان رشدى اباظة!! يعنى بديهيا..المفروض يحصل تبادل مواقع..لو صحت كلمة "مفروض" دى!! هناء الشوربجى..اعتقدت بدأت تشق طريقها إلى السينما بعد 35 سنة تمثيل!..و وجدت ان هناك فنا فى مصر غير جوار محمد صبحى..اى ان الدراما ليست محمود رضا و محمد صبحى فقط..و هى اجادت فى دورها..بس دورها ده كان اجدر ان يكون بفيلم اطفال!! و فيلم محمد هنيدى فيلم اطفال تقريبا..بصراحة..(و يمكن ان هنيدى افتكر ان احمد حلمى كان بينجح زمان لهذا السبب!)..فيما عدا عدة افيهات و مشاهد تحتاج شباب مراهق ليفهم مغزاها! و مازال هنيدى و جيل المضحكاتية الجدد (اللى داخلي معظمهم على 48 سنة!) يحصر نفسه فى "بدعة" السينما النظيفة"..يمكن فاتن حمامة و عمر الشريف و زكى رستم و انور وجدى كانوا عايشين فى "سينما متسخة"!! لطفى لبيب..اجاد..هو هو نفس الدور الذى اداه عشر مرات من قبل!..بس اداه جيدا..و بصراحة..دمه اخف من هنيدى! احس محمد هنيدى بعد زراعة الشعر انه يقدر بقى يعمل دون جوان حبتين (مرة من نفسه يا أخى..الله!..ايه!..هى "الجميلة" فى ايد الـ"هنيدى" عجبة؟! لا حول الله يا رب!!!)..و أسرف الفيلم فى جعله دون جوان.. بالقوة!! السؤال هنا ايضا..كيف يظهر محمد هنيدى ثريا و ارستقراطيا و انيقا و من وسط إجتماعى جيد جدا..و فى نفس الوقت..طريقة كلامه..بيئة طحن؟! الديكورات يتضح فيها بوضوح انها متصورة فى 6 اكتوبر مثلا! لاء و يحاولون إقناعك انها فى اسكندرية..لا تعرف كيف!..بس انت عارف ان الخارجى فى اسكندرية و الداخلى فى 6 اكتوبر..مدينة الانتاج الاعلامى!! امينة الفخرانى و نورا السباعى و كريمة عبد الله و الشقيقة الرابعة اللى مش عايز اعرف اسمها التى نطقت بكلمة واحدة..عبارة عن ديكورات..او بارافانات..او "ماكيتات" بشرية..موجودين فقط آكل عيش..او ناس وسط الزحمة..اى ان السيناريست لا يؤمن بحاجة اسمها (ملفات تعريفات الشخصيات) "كاراكتر بروفايل" على اساس انه هنيدى بقى..! او الصيف داخل..ماعندناش وقت..و عايزين فلوس.."مونى مونى مونى"!! تحس برضه ان يوسف معاطى "هفته" فكرة القراصنة اثناء كتابة الفيلم..و انه كمان كتب الفيلم فى زمن قياسى علشان يلحق يقفل مسلسلات رمضان!! شيرين عادل..التى كانت تحتسب من ضمن المراهقين فى اثناء انتاج فيلم (وش إجرام) مثلا (عيلة يعنى..اولى او تانية ثانوى فى وقتها تقريبا..و دلوقتى عندها حوالى 23 سنة!!!) اصبحت بطلة مع محمد هنيدى!! بعدما وقفت امام عادل إمام و عمر الشريف من قبل..و عملت الملكة ناريمان من سنة و نص..فى مسلسل فاروق الأول (و الأخير!) بيتهيألى بقى ماتوقفش مع حد اقل من السقا او كريم بعد كدة.. البت عندها 23 سنة و محمد هنيدى عنده 47 سنة (تنويه فى بداية حلقة "باب شمس" مع رولا جبريل التى استضافت فيها محمد هنيدى..و يقال انه تقاضى 20000 دولار مقابل الظهور فى قناة طارق نور– رمضان 2009)..يعنى 25 سنة فرق!! و طالع 4/3 الفيلم عنده 29 سنة..شاخدى لى بالك انت؟؟ حسام داغر اللى قام بدور الشاعر رؤوف (عرفنا ان اسمه فى الفيلم رؤوف قبل النهاية بـ40 دقيقة تقريبا!)..الذى اشتهر بدور الشاب السمج اللى بيقول نكت شديدة ثقل الظل فى اعلانات ميلودى..تتحدى الملل (الاعلان الاكثر جدلا على الاطلاق!!)..و بطل بروموهات قناة موجة كوميدى (مدام موجة)..مش عارف اقول ايه..هو كان مطلوب منه يعمل دور الشاعر السخيف الثقيل الظل..و قد اجاد فى الدور..و حسينا بسخافته و سماجته و غلاسته!..بس اظهر لمحات من الفن الصحيح و الحقيقى..تحس انه يقدر يمثل..بس غير مدرك! ربما افضل ادوار ضياء المرغنى على الاطلاق.. و افضل دور فى حياة محمود محمود من يوم ما اتولد..اخيرا مثل عدل..آخر مرة مثل معقول كان فى مسرحية (تيجى تصيده) مع احمد بدير..فى مسرحية من انتاج الدولة..بس للأسف عرضت مرات قليلة بعد تصويرها بحوالى خمس سنوات!! غسان مطر ادى الدور الذى يجيده فى الكوميدى..الكوميدى الطيب..لانه ماعندهوش غير ادائين فى الكوميدى!..ده واحد منهم..هو عموما له فى السينما مجموعة ردود افعال و جملات و طريقة معهودة محفوظة جيدا..(فى مكان بارد!).لا يحيد عنها..ابدا!! الاخراج..وائل إحسان..لم يقدم جديدا..يعتبر مخرج حديث التخرج..او بيخرج لأول مرة..على الرغم من انه يعمل فى الإخراج منذ 2003!! لا يوجد اى شخصية مميزة للمخرج..ليس له طعم على ادريس..او رامى إمام..و هو ليس له سمة معروفة سوى انه مخرج اللمبى...و طبعا محمد سعد معروف انه اكتر فنان فى التاريخ تدخلا فى عمل المخرج!! الديكورات..ديكورات مسرحية..حلوة آه..بس مسرحية..ديكورات تحس انها ديكورات معمولة علشان الايحاء بانها حقيقية..حقيقى حقيقى..إخيى!! التصوير..فيه كام كادر حلوين..بس باين انهم فى مياة اقليمية..يعنى قدام البلاج بـ3 او 4 كيلو!.. و ساعات تتأكد انهم قريبين كمان من البر! ما تحسش فيه اى شغل بـ"الكاميرا كرين" و هى الكاميرا المحمولة بالونش..لم يتم اى ابهار بصرى بالتصوير خااالص..يعنى مخرجين الكليبات لو جاتلهم الفرصة يصوروا فى عرض البحر..كانوا يتشقلبوا بالمصورين و الكاميرات فى عرض البحر..لو كانوا عندهم تصوير فى الاماكن الحلوة دى!..لكن نقول ايه بقى؟!! مدير التصوير جاى ياكل عيش!!..و بعدين المونتاج سئ..يعنى تحس ان المشاهد متقطعة و متصورة حتة حتة وكل حتة فى المشهد الواحد فى يوم منفصل!!..فى اثناء مشاهد الرصاص..لم يجد المخرج حلا للخروج من ازمة واقعية إطلاق النيران سوى "الزووم إن" المبالغ فيه جدا.. يحتسب للفيلم المناظر الجديدة و اللوكيشن اللى فوق مراكب فى عرض البحر.. و التصوير الخارجى اللى فى اسكندرية..بعيدا عن القاهرة و الساحل الشمالى و الغردقة و شرم الشيخ..و بعدين اسكندرية فيها حاجات تانية بجانب كوبرى ستانلى..بس الظاهر ان احنا بنحب نعيش دور السياح! و الحمد الله..ظهور مشاهد لقاءات فى كافيهات جميلة و غير معادة..مفيش مشاهد فى طريق القاهرة – اسكندرية الصحراوى فى كافيتيريا "سافارى" و "سوليدير" بالتحديد!! و بعدين ليه المخرج مصور حديقة المنتزة فيها اشارات و مرور و زحام كما لو كنا فى شارع الشيخ زايد فى دبى!! الازياء ممتااااازة..الاكسسوارات تحفة..و كذلك السيارات.. السيناريو مسلوق جيدا و تم طهيه بطريقة الفاست فوود. الحبكة الدرامية محللولة..سايبة..مفكوكة..يعنى طلع بالمركب البحر فجأة..و مش عارفين طالع على فين؟!! و لقينا معاه ناس مش عارفين جم منين و ازاى؟!..و ليه وافقوا و ايه اللى خلاهم يتحمسوا و يضعفوا قدامه..ليه ماحدش اعترض او احتج او هرب او اتكلم فى الموبايل؟ و بعدين ليه باين امير البحار مابيفهمش فى اى حاااجة خااالص؟ مش معقول؟ و كمان طبيعة علاقة هنيدى بياسر جلال متشابكة و عجيبة و غريبة.. و بعدين ايه اللى خلى ياسر جلال يتغير..و ايه اللى خلى شيرين تكتشفه فجأة..و متأخر قوى (يوم الفرح!!)..و ازاى هنيدى و شيرى اخوات و العلاقة بينهم جامدة قوى قوى قوى كدة؟ ده و لا ما يكون ابن عمها!! و بعدين ايه اللى خلاها تغير رأيها بسرعة كدة؟ لما هى شايفاه جواها بجد بجد أخ؟ آآآخ! و ايه النهاية دى؟ دى فانتازيا مثلا؟ الموسيقى..الاغنية دمها خفيف فعلا..و هى تعتبر من حسنات الفيلم..فيما عدا كدة..فإن مقطع صندوق الفدية كان فيه موسيقى "ساسبينس" جميلة.. مشهد المصارحة بالفيلم كله..و بعدها و قبلها لا توجد اى شئ يذكر..و هى ليست شديدة الاعجاز..برضه مشيت فى جو مسرحى اسكتشاتى من بتاع المسرح المدرسى! النتيجة الاجمالية: 4,75 من 10

أضف نقد جديد

عنوان النقد اسم المستخدم هل النقد مفيد؟ تاريخ النشر
شاهدت لك:امير البحار Fady Baha'i Seleem Fady Baha'i Seleem 4/8 27 ديسمبر 2009
بعيدا عن القضية ... أمير البحار كوميديا قوية Usama Al Shazly Usama Al Shazly 14/17 2 ديسمبر 2009
المزيد

أخبار

  [1 خبر]
المزيد

مواضيع متعلقة


تعليقات

أرسل