• Fady Baha'i Seleem
• 12:00 AM - 2 January 2010
• My Other Reviews

vمنذ حوالى عام و نصف..رأيت مدحت العدل يعلن فى قناة دريم مشروعه السينمائى القادم..و هو اول عمل فنى يجمع بين احمد عز و احمد السقا و اسمه اولاد العم (مش "ولاد العم" بطريقة النطق العامية..او ممكن نقول بطريقة الغير متعلمين) و بعدين بعديها بسنة..فى لقاء تلفزيونى مع احمد السقا..سألوه عن موضوع البطولة المطلقة و لماذا لم يشارك كريم عبد العزيز بطولة الفيلم..فإبتسم إبتسامة واسعة و برر ذلك بإنشغاله ببطولة "الديلر" و فيلم ابراهيم "الأحمر!!".. :) و ان شريف منير ممثل جميل..و انه يؤدى الدور بمهارة شديدة.. لما رحت السينما..لم اجد اسم (العدل جروب) او (العدل فيلم) تحت عبارة "من انتاج"..و لا وجدت اسم مدحت العدل امام كلمة "تأليف".. ده مبدائيا.. فيلم من إخراج شريف عرفة زى فيلم من تأليف وحيد حامد..يعنى "لازم يتشاف"..A Must-See زى ما بيتقال فى امريكا.. احب اول حاجة احيى المونتير بتاع التريلر بتاعة الفيلم..لانه صنع إعلانا شديد التميز لفيلم تقريبا مميز.. شريف منير ممثل عملاق..و لكنه لم يتعملق بما يكفى فى هذا الفيلم!..قماشة الدور غنية و لكن مصمم ملابس الدور..لم يكن على مستوى القماش! كريم عبد العزيز..ساعات دوره بيفرض عليه التصرف ببلاهة..و فى مواقف لا تسمح..و حواراته ضعيفة..بعكس شريف.. منى زكى..لو وظف المؤلف الفيلم فى طريق (الزواج من حبيب يتضح انه العدو ثم صراع من أجل التأقلم او الرفض)..لكان تحفة سينمائية.. ده لو.. تصوير الاكشن ضعيف و باهت..

الاكشن نفسه حلو..لكن طريقة تصوير هذا الاكشن على الشاشة سخيف للغاية..

الديكورات ممتازة..التصوير معظمه كان ممتاز ما عدا عددغير قليل من مشاهد المطاردات..كان يحتاج إلى التنقيح.. الاخراج..جميل طبعا..و لكن ليس كل ما اخرجه شريف عرفة بنفس المستوى.. الفيلم إيقاعه فى معظمه معتدل..و لكن ينقصه شئ من السرعة..

القصة جميلة و لكن السيناريو كان يمكن تحسينه و تجميله و تزويينه بأكثر من هذا..

تفتقر بعض الاحداث (التى ليس لها علاقة مباشرة بالمطاردات) إلى المعقولية و الواقعية..

الموسيقى جميلة..

كذلك الملابس..

و لكن يبقى السيناريو..الذى هو العامود الاساسى للاحداث..هذا العامود مشرخ و "مسوس".. المونتاج جميل للغاية برضه..

دور شريف منير كان محتاج شغل اكتر..و ممكن كان يقدر ياخد بيه جايزة..حوار كريم عبد العزيز..و شخصية منى زكى ايضا..كانت محتاجة شغل كتير..

دور انتصار كان جامد..

على العموم..الفيلم مسلى..و رغم ذلك فإن تخطيه لن يكون خسارة بأى مقياس..

النتيجة الاجمالية: 7.75 من 10

• 3 helpful
• 3 not helpful