• Hazem Ibrahiem Megahed
• 12:00 AM - 31 July 2014
• My Other Reviews

من ساعة فيلم عسل اسود و مشفتش فيلم عربي ممكن تديله تقييم اكتر من 8 من عشرة او انك تحس ان الفيلم ده ممكن ينافس على جوايز دولية او حتي نفخر بيه قدام العالم لحد ما شفت.. الفيل الازرق من اول مشهد لكريم عبد العزيز فالفيلم و انت بتحس ان الفيلم شدك خلاص بتحس باضطراب شخصية الدكتور يحيي الخمورجي الطائش فكل لمحة من لمحاته اداء اقل ما يوصف انه الافضل لكريم عبد العزيز و فاق ادائه فواحد من الناس......مع لمسة كريم االكوميدية البسيطة المعتادة على افلامه و دي اكتر حاجة بحبها فيه انه وسط المشاهد الصعبة جدا يخليك تبتسم تلقائيا من غير تفقد اهتمامك بالحدث الدرامي

خالد الصاوى ... رمانة ميزان الفيلم الى تفوق على نفسه فعلا شكلا و ادائا و اسلوبا ... بيخطف الكاميرا كل ما تيجي عليه ... بتحس انك انت قدام واحد عالمي ظلم انه يمثل فمصر ... خصوصا لما كان بيادي بطريقة الجني فبعض المشاهد

نيلي كريم .... اعتقد اداء عادي من واحدة زى نيللي كريم متحسش انه فيه لمسة حقيقية وواضحة

شيرين رضا ... ابداع فعدد من المشاهد ميتعدش على صوابع الايد الواحدة

محمد ممدوح ... طالما نجح انه يستفزك فشخصية الدكتور سامح يبقي هو نجح فدوره بشكل كبير

لبلبة فعدد مشاهد قليل تقدم حضور قوى و مؤثر فالفيلم ..... ممتاز

محمد شاهين الى ظهر فمشهد يعتبر كوميدي الى حد ما فالفيلم ادائه كان قوى جدا و عجبني جدا

الموسيقي التصويرية روعة و بتديك الاحساس المرعب المشيق المثير طول الفيلم

التاثيرات البصرية ...... افضل شي فالفيلم و اعتقد ان ده افضل فيلم عربي قدم تاثيرات بصرية خصوصا فمشاهد عصر المماليك

و نيجي للمايسترو مروان حامد الى اخرج تحفة سنيمائية بمعن الكلمة و قدر انه يقود كريم و خالد لواحدة من افضل ادوارهم

و هنا يجي السؤال .... له ميترشحش فيلم زى ده لاوسكار فلم اجنبي . اول مرة احس ان فيلم مصري يستحق ان هو يترشح بقوة كده ......

شكرا يا صناع الفيل الازرق

• 7 helpful
• 2 not helpful