فيديو| محمد دياب يكشف كيف يتم التصويت في الأوسكار

محمد دياب

نشر المؤلف والمُخرج محمد دياب مقطع فيديو مُصور كشف من خلاله كيف يتم التصويت على الجوائز المُرشحة في أكاديمية الأوسكار، والمُقرر أن تُعلن نتائجها خلال ساعات.

وكتب"دياب" عبر حسابه الشخصي بموقع "فيس بوك" قائلًا: النهارده الأوسكار الـ90 وده أوسكار تاريخي بالنسبالي بعد اختياري كعضو في لجنة الأوسكار. ده فيديو اللحظه اللي كنت بصوت فيها، التصويت كله على الانترنت... كل فئه بيبقي فيها 5 مرشحين و بتختار فائز واحد... ما عدا قسم "افضل فيلم" بيبقي فيه عشر مرشحين (السنه دي 9) ونرتبها حسب افضليتهم بالنسبة لنا.

وأضاف: اكتر حاجه متوقعتهاش هي المسؤليه اللي حسيت بيها... الواحد كل سنة كان بيتوقع كأنه بيلعب قمار وعاوز توقعاته اللي تكسب... السنه دي مختلفه تمامًا، طبعا عندي توقعات للي هيكسب بس مصوتش غير للي مقتنع بيه حتي لو فرصته معدومه والاقسام اللي شوفت افلامها كامله لأن فيه ناس بتصوت في أقسام ما بتكونش شافت افلامها كامله".

واختتم "دياب" قائلًا :"انا بشارك الفيديو عشان انا شخصيا كان عندي فضول الموضوع شكله ازاي فقولت اوريكوا الموضوع ماشي ازاي صوتفيالاوسكار".