مروة عبدالمنعم تنجو من الموت بإعجوبة

مروة عبدالمنعم

أنقذت العناية الإلهية الفنانة مروة عبد المنعم من موت محقق، بعدما كاد أن يسقط عليها عقارًا سكنيًا أثناء استقلالها سيارتها.

وروت مروة تفاصيل الموقف المرعب الذي تعرضت له عبر حسابها الشخصى على موقع فيس بوك قائلة، :"ماشية بالعربية وفجأة عمارة جنبي بتقع عليا بالظبط، حودت بالعربية شمال متر واحد بس هو اللي أنقذني".

وأضافت :"منظر مرعب جدا واقفه جنب المنظر بتفرج عليه بدهشة، العبره مش في إني مامتش، لأن عموما الموت راحة، العبرة في رسالة باعتهالي ربنا في الوقت ده بالظبط وأنا بدعيه لحاجة معينة في اللحظه دي بالظبط، كأنه بيرد عليا وبيقولي أنا ممكن في لحظة أخدك بس لأ خدي فرصة عيشي وإعرفي إن مافيش حاجة في الدنيا تستاهل".

وأكدت مروة أن السيارة التي كانت بخلفها سقط عليها العقار، ولا تعلم إذا كان المتواجدين بها توفوا أم على قيد الحياة.