تامر حسني: "البدلة" أول فيلم مصري يصل لـ60 مليون جنيه في تاريخ السينما

  • خبر
  • 09:42 مساءً - 15 نوفمبر 2018
  • 1 صورة
  • 7,709 مشاهدة



البدلة

وجه النجم تامر حسني، الشكر لكل محبيه وجمهوره بعدما حقق فيلمه الأخير "البدلة" رقمًا استثنائيًا لأول مرة في تاريخ السينما المصرية والعربية داخل مصر وخارجها، بعدما حقق 60 مليون جنيه، وتخطى فيلم النجم أحمد عز "الخلية" ليصبح أعلى فيلم تحقيقًا للإيرادات في تاريخ السينما المصرية.

وكتب تامر حسني عبر صفحته الرسمية بموقع "فيسبوك" قائلًا: "مساء الورد على أغلى ناس.. في الحقيقة مش بحب اتكلم عن أرقام إيرادات أفلامي بس سامحوني المرة دي مضطر اتكلم وبتكلم وأنا فرحان من كل قلبي.. النهاردة فيلم البدلة حقق رقم إستثنائي أول مرة يحصل حقق أعلى رقم في تاريخ السينما المصرية والعربية داخل مصر وخارجها فكان لازم أفرح ونفرح مع بعض وكان لازم التاريخ يشهد على التحقيق ده عشان كان حلم من أحلامي لإني في الأصل مطرب".

وذكر تامر: "كانت امنيتي أحقق ده في السينما ومش فكرة إيراد قد ماهو إجماع شعبي جماهيري على الذهاب للفيلم والإشادة به وثانيًا لإنه فكرتي.. وطبعاً ده نجاح كل فريق العمل المحترم.. والروح الجميلة الطيبة اللي كانت بينا هي السبب في ده وفرحتي الثانية لإن السنة دي ألبوم عيش بشوقك حقق أعلى مبيعات .. الحمدلله الحمدلله الحمدلله".

وتابع: "اما عن فرحة عمري الكبيرة بالنسبه ليا إن ٢٠١٨ السنة اللي شفت فيها إبني (آدم).. ربنا يحفظه ويجعله ظهر وسند لإخواته ويحميكم ويسعدكم أنتم وإخواتكم وأولادكم وآبائكم.. شكراً".

يذكر أن آخر أعمال تامر حسني السينمائية فيلم «البدلة»، التي وصلت إيراداته 60 مليون جنيه، بعد عرضه في دور السينما في موسم عيد الأضحى الماضي.

ويعد ألبوم «عيش بشوقك»، أول إنتاج فني لشركة تامر حسني، ويتعاون خلاله مع مجموعة من الشعراء والملحنين والموزعين ومنهم مصطفى حسن، وبلال سرور، وهاني محروس، وتامر حسين، وتامر علي، وهيثم راضي، وجلال الحمداوي، وصابر كمال، وشريف بدر، وشريف مكاوي، وعبد الرحمن شوقي، ووسام عبد المنعم، ورمضان محمد.

مساء الورد على اغلى ناس .... في الحقيقه مش بحب اتكلم عن ارقام إيرادات افلامي بس سامحوني المره دي مضطر اتكلم وبتكلم وانا...

Gepostet von Tamer Hosny am Donnerstag, 15. November 2018

الأكثر مشاهدة


تعليقات