• Samer Abdel Hamid
• 12:00 صباحًا - 11 اغسطس 2008
• نقد آخر لنفس المستخدم

باقالي كتير جدا مدخالتاش فليم عربي كوميدي و ضحكت ذي مضحكة امبارح بغض الناظر عن القصة المستهلكة لأبن الذوات اللي دارت به الدنيا و لطشتو لغاية مفاء لنفسو و إن مورال الحدوتة باين من أول دقيقة في الفيلم بس الفليم دة خد لنفس سكت الاضحك من أجل الاضحك بدون أي مزايدة و نجح في الوصول لهدفه عشان صانعوه كانوا صادقين مع أنفسهم أحمد مكي كان مفاجأة ليا و لا أنكر أني مكنتش بحبو في تامر و شوقية و في مرجان كان مش بطال بس فالفيلم دة حاجة تانيه خالص تلقائية فالأداء مع خفت دم مش مصطنعه من خلال كراكتر دبور القريب مننا كلنا عشان حولنا فالشارع و زادت الكام سنة اللي فاتو، المخرج أحمد الجندي أبن الممثل الكبير محمود الجندي و خريج معهد السينما إخراج شارب فن و متمكن من أدواته، ماسك زمام الممثلين أدم الكاميرا سعدو خبرتو من العمل مساعد لمجموعة من كبار المخرجين أمثال جمال عبدالحميد و كان ليا الحظ اني اشتغل معه(أحمد) في زيزينيا الجزء الثاني، شخصيه هاديه و خفيفة الظل، الكتابة لأحمد فهمي و محمد المعتصم، أحمد له تجارب سابقة في نفس الخط الكوميدي محمد أول محاولاته الكتابية للسينما و هيا بداية قويه مع أحمد أنا أعرف محمد عن قرب و دمغ مليانة أفكار هايلة حتى بعيد عن الكتابة السينمائية عجبني جدا إعتماد كوميديا الفيلم على الموقف و الافيه جنباً إلى جنب حتى لا يسقط الفيلم في فخ سنيما الافيهات و ساعد على كدة المقومات الجسمانيه من نحيه الشكل والرشاقة ذي مشهد الحمام باقي الممثلين ادو أدوارهم لا زيدا ولا نقصان باستثناء كالوشا سامح حسين اللي عجبني جدا في رجل و ست ستات ماشي بخطوات صغيره بس ثابتة أقل الممثلين الكميائي هاله فاخر الجديد اللي قدمته نزول وزنها والنيو لوك انجي بنوته عسوله حسن حسني لا يزال ظاهرة بدون تفسير تلاقيه في كل الأعمال و متزهئش منو و يضحكك؟!!!! الموسيقى منقوله بس مناسبة لحالة الفيلم الكوميديه زوايا التصوير ساعدت على إيصال كوميديا الموقف ، أخيرا أخشى على الفليم من التوزيع لئن حصته فالسينمات ضئيله جدا. اشكر كل العملين فالفليم على امتاعنا بفليم كوميدي بميزانية ضئيلة أمام أفلام تتكلف الملاييين و تدعوا للغثيان. ..........

• 1 مفيد
• 3 غير مفيد