هليوبوليس..ضجة كبيرة بدون لازمة..تقريبا!

هليوبوليس!..هليوبوليس!..مهرجانات..جوائز..هليوبوليس اتعرض على نجوم كبيرة و رفضته.. طيب ما لهم حق بصراحة!

الحق يا جدعان، انا اتشحنت و حسيت انى هأشوف حاجة بمستوى افلام خالد يوسف او داود عبد السيد..و سيناريو بقوة وحيد حامد او تامر حبيب..مثلا..

لكن و لا الهوا يا معلم!..و اتارينا..ماسكين الهوا بايدينا!..الفيلم "السونمائى" "دهوان" زى ما يكون فيلم دعائى عن مصر الجديدة! يعنى حاجة مزيج من فيلم دعائى و فيلم تسجيلى و فيلم درامى..كوكتيل او بالحرى ميكس غريب..سكلانس افرنجى..عدم اللامؤاخذة يا رجالة..

تفاصيل..تفاصيل..لكن ما توصلش للكل او للمجموع او الإجمالى بتاعة التفاصيل دى..ابدا..طيب و بعدين؟

يعنى تأمل فى عبقرية المكان مثلا؟

و بعدية خالد ابو النجا "كبير" على الدور ده..و هند صبرى تعليقها الصوتى "فقط"لم يضف الكثير..

المخرج و السياريست..مجهول بالنسبة لنا و سيظل مجهول..معلهش يعنى..

لغاية ما يقرر انه ينزل على ارض السينما او يطلع لسماء السينما لكن هذا الفيلم معلق بين سماء الخيال و ارض الخيال برضه..رقص على السلم..لا بتوع الخيال و التأمل و الفانتازيا سمعوه و لا بتوع الواقع او التسجيلى و الوثائقى شافوه..

ضجة كبيرة للغاية..و رهط كثير..رغى..دردشة لا تفض إلى شئ بجد..يعنى فيلم يتشم..اكتر ما يتشاف!

السيناريو ملائم لسينما المصرية فى 2025..ربما..

الإخراج..مقبول نوعا ما..

التمثيل..

لم توجد مساحة للتمثيل تقريبا الا فيما ندر..

الفيلم بقى عامل زى افلام ميل جيبسون فى السنوات العشر الأخيرة..منزوعة النجوم..

الميك آب..لا وجود له..

الإضاءة غير محسوسة..

الديكور معظمه طبيعى..و معظم المشاهد خارجى..

الملابس..ملابس ايه؟

وبااا..ده انا بأتكلم على فيلم مصرى..

المونتاج..جيد..

النتيجة الإجمالية..5,5 من 10

نقد آخر لفيلم هليوبوليس

عنوان النقد اسم المستخدم هل النقد مفيد؟ تاريخ النشر
تحت شعار السينما المستقلة تَجُب ما بعدها , افعل ماشئت!!!!! Usama Al Shazly Usama Al Shazly 5/8 12 مايو 2010
هليوبوليس ... البحث عن وطن ahmed tawfik ahmed tawfik 4/4 19 مايو 2011
دون التوقع Amr Awwad Amr Awwad 0/1 23 يوليو 2015
لم يرض عنه أحد camelia taha camelia taha 3/6 25 يوليو 2008
هليوبوليس..ضجة كبيرة بدون لازمة..تقريبا! Fady Baha'i Seleem Fady Baha'i Seleem 2/11 19 يونيو 2010