• مجهول
• 12:00 صباحًا - 10 ديسمبر 2011
• نقد آخر لنفس المستخدم

يمكن ميكنش كلامى نقد فنى بالمعنى المفهوم لكن هو اعجاب وتقدير لصناعة سينما محترمة ... اسماء فيلم بيناقش قضيه نكاد نكون ناسينها وهو نظرة المجتمع لمريض الايدز الفيلم هو تعبير وتجسيد لمعاناه انسانة موصومه بكلمة مريضه ايدز الفيلم بيبدأ بجملة مرعبه "قصه الفيلم مستوحاه من احداث حقيقة" جمله بتخليك تفكر فى كل مشهد بتشوفه وتفتكر ان ده حصل وبيحصل فى مجتمعنا وعالمنا مسألتش نفسى قبل كده انا لو قابلت مريض ايدز هعامله ازاى . بس دلوقتى انا عارف انا هتعامل معاه ازاى كلامى ده رساله لكل عاشق للسينما المحترمة ان يشاهد الفيلم

الاخراج والتأليف : من اول مشهد ف الفيلم بتحس انك هتتفرج على فيلم حلو . سينما داود عبد السيد بكل ما تحملة الكلمة من معنى منتهى الاحساس والرقى والبساطه والرمزية تحيه لعمرو سلامة مؤلف ومخرج هذا العمل الابداعى الرائع

التمثيل : حدث ولا حرج عن عبقريه كل المشاركين ف العمل هند صبرى .. عبقرية وبساطه واداء مبهر . الكلام مش هيديها حقها سيد رجب .. والد اسماء . انا معجب جدا بتمثيل سيد رجب من فترة . فهو يملك وجه وجسد يحمل معاناة الشعب المصرى البسيط . يملك موهبة تجعل من ذلك الوجه اداه مرعبه لتجسيد هذه النوعية من الادوار ماجد الكدوانى ... من نجاح ل ابهار . يكفيه جائزة احسن ممثل بمهرجان ابو ظبى كتتويج لعمله الرائع

الديكور والملابس والمكياج عوامل ساعدت على تصديق جميع شخصيات العمل تحيه لصناع هذه النوعيه من الافلام

• 3 مفيد
• 0 غير مفيد