• دعاء أبو الضياء
• 12:00 صباحًا - 3 اكتوبر 2012
• نقد آخر لنفس المستخدم

بعد مشاهدتي لفيلم (lawless) أتأكدت إن في أعمال بتحتاج منك مجهود كبير عشان تتابع وتفهم كل اللي بيقوله الفيلم، ولو فاتك مشهد واحد ح تضطر تعيده عشان ح تندم كتير لو ضاع، خاصة لو الفيلم بيدور عن قصة حقيقة، وأبطاله توم هاردي، وجايسون كلارك، شيا لابوف.

وحتلاقي إن من أكتر الحاجات الممتعة بالفعل هو دور الممثل العبقري توم هاردي كما هو دائما في جميع أفلامه، وازاي تولى مسئولية الإسرة خاصة شقيقه الأصغر جاك بعد وفاة والده، وكذلك شخصية اﻷخ جاك بوندورانت اللي قام بها الممثل شيا لابوف واللي قدر يوصل بتعبيراته تفاصيل شخصية جاك المركبة، وأد إيه ساهم فورست في إنه يشجعه ويخرجه من حالة الضعف والجبن اللي كان ممكن يضيع بيها السمة الوحيدة لعائلة بوندورانت وهي الشجاعة وعدم الخوف. واعتقد إن المنافسة كانت شديدة جدا بين الثلاثة هاردي، كلارك، شيا لابوف.

والسؤال اللي فضل يطرح نفسه بشدة هل اﻹخوة برندورانت على حق أم على باطل؟ خاصة إن كل اللي قاموا به انحصر في صناعة الخمر وبيعه مع محاولة السطوة على السوق، وإن السبب الوحيد لدخولهم حرب ضد الشرطة كان حماقة وغباء رئيس الشرطة داني.

وبعيدا عن براعة التمثيل والأداء الجيد للأبطال بتأتي حرفية المخرج جون هيلكوت في اختيار أماكن التصوير والديكور والأزياء المستخدمة واللي بتضفي إحساس جميل بتخليك تعيش معه في نفس الحقبة الزمنية،

ومن ضمن اﻷشياء اللي كانت مؤثرة بشكل كبير كمية العنف الشديدة وجرائم القتل وإطلاق النار اللي كانت سبب في إعطاء الفيلم نكهة وحرارة قوية، واعتقد إنها خدت مساحة كبيرة جدا من اﻷحداث وزادت من العنصر الأساسي للفيلم وهو التشويق.

الشخصية النسائية بالفيل اقتصرت على الممثلة جيسيكا تشاستين وميا واسكوسكا واللي تم التركيز من خلالهما على دور المرأة في حياة فورست وجاك وازاي قدروا يكونوا سبب في تغيير حياتهما.

الفيلم بيستحق المشاهدة أكثر من مرة.

• 1 مفيد
• 0 غير مفيد