• دعاء أبو الضياء
• 12:00 صباحًا - 3 يناير 2013
• نقد آخر لنفس المستخدم

إنك تفكر تعمل فيلم أو عمل فني أيا كان نوعه حتحتاج شوية حاجات رئيسية لا تتعدى ماكينة التصوير والقصة اللي بتفكر تقدمها ويبقى كدا عملت حاجة ممكن يطلق عليها فيلم، لكن لو بتفكر فعلا تقدم عمل فني بيقول شيء، ويشار لك من خلاله اعتقد إنك هتحتاج حاجات كتير اوي بعضها رئيسي وبعضها فرعي، وقد تكون الحاجات الفرعية أهم بكتير أوي من اﻷخرى الرئيسية،

وفيلم (Killing Them Softly) للأسف كل اللي أقدر أقوله عنه إنه وقع في مكان غريب؛ يعني لا حَصل إني أقدر اضمه للأشيء ولا الشيء نفسه، يمكن عشان التيمة الرئيسية للفيلم قدمت قبل كدا كتير، ويمكن عشان حالة الملل اللي تميز بها الفيلم خاصة في النصف ساعة الأولى منه، ويمكن عشان الإضاءة دايما كانت دايما بتميل للبهتان وخلت الموضوع أقرب انك بتشاهد فيلم رعب، ويمكن حاجات تانية كتيرة

لكن كل اللي اقدر أقوله ويحسب للعمل بشكل عام إن الموسيقى التصويرية كانت مناسبة نوعا ما للأحداث وأعطت درجة بسيطة من التشويق، كمان أداء الممثل براد بيت كان جيد ويستحق إن أشيد به في بعض المشاهد خاصة المشاهد اللي بدأ فيها بجمع معلومات عن اللصان وأقدر ييوصلهم بذكاء، فكرة إن الفيلم بيشير بطريقة غير مباشرة لبعض الأزمات المالية اللي تعرضت لها إدارة الرئيسين بوش ومن بعده أوباما كانت من الأشياء اللي ماكنتش عارفة ايه سبب عرضها أو اﻹشارة ليها خاصة إن الدرامي الأساسي بعيد كل البعد عن هذا

لو بتفكر تتفرج على فيلم أكشن بجد انصحك تبحث عن فيلم أخر ﻹن نقاط الضعف كانت كتيرة أوي اغلبها كان في مشاهد الحركة نفسها والمعارك اللي قدمها مخرج الفيلم

• 4 مفيد
• 0 غير مفيد