• وليد زكي
• 12:00 صباحًا - 5 مارس 2013
• نقد آخر لنفس المستخدم

انا بكره الافلام اللي بتتعمل بهدف معين او لغرض معين ... زي افلام التمجيد لثورة يوليو والافلام اللي بتدعو الناس الى تنظيم الاسره والحجات اللي زي دي !!

اي واحد هايتفرج على فيلم شياطين الى الابد لازم يعرف كويس قوي ان الفيلم تم انتاجه كدعايه لمعهد امناء الشرطه اللي كان ساعتها لسه فاتحينه في وقتها .. وعشان الفيلم معمول لهدف واحد بس بنلاقي القصه مفككه بشكل كبير قوي .. يعني لامنطقيه في تمسك ابو البنات "محمد رضا" ان عرسان بناته لازم يكونوا من اصحاب اللبس الميري .. يعني هو مش مهم يجوز بناته لحد محترم المهم يتجوزوا ظابط او عسكري.. وطبعا اي مشهد للفيلم هايتصدم من تضحية ابطال الفيلم بمستقبل تعليمي مبهر وهما حاصلين على تقدير عالي في الثانويه العامه عشان بس يتجوزو

فكرة الفيلم تقوم حوالين ان معهد امناء الشرطه ده مصنع الرجال وبيطلع احسن ناس واللي بيدخله بيكون معاهم مجموع كبير قوي بس للأسف الفيلم ساب نتيجه عكسيه لأن الفكره اللي وصلت للي بيتفرج على الفيلم ان ماحدش بيدخل معهد الامناء الا لو مضطر

مافيش اي حاجه تانيه تستحق اننا نتكلم عليها في الفيلم بصراحه غير رقصة نجوى فؤاد المثيره للغاية بلبس خليع جداً بدون اي سبب

• 2 مفيد
• 3 غير مفيد