• وليد زكي
• 12:00 صباحًا - 1 ابريل 2013
• نقد آخر لنفس المستخدم

لو كنت اتفرجت على الفيلم الامريكي Are We There Yet هاتسهل علينا الموضوع قوي .. عشان "الحب كده" منقول نقل مسطره من الفيلم الامريكي .. بس المشكله انهم ماخدوش بالهم ان الفيلم مناسب قوي للمجتمع الامريكي بس مالوش علاقه بالمجتمع المصري نهائياً

بطل الفيلم حب البطله "ده عادي بيحصل كتير" المشكله بقى ان بطلة الفيلم مخلفه طفلين .. وبما انهم اطفال يبقى لازم يطلعوا في الفيلم شياطين بيحولوا حياة اي انسان لجحيم

وعشان يكمل الفيلم يبقى مطلوب من بطل الفيلم ان ينقل اطفال البطله من القاهرة لأسوان بعربيته .. طبعاً نسيت اقلكم ان بطلة الفيلم ارمله واخو جوزها المتوفي عايز ياخود حضانة الاطفال عشان يستولى على الميراث وبيحاول يخطفهم عشان يثبت انها غير جديره بالحضانه

ونعيش بقى مع المواقف من ناحيه العيل بيطلعوا عين البطل ومن ناحيه هو بيحاول يحميهم وتنشأ قصة حب بين البطل والاطفال الشياطين

من الاخر كده يعني لو مالقيتش اي حاجه في الفضائيات غير الفيلم ده .. ممكن تقعد تتفرج عليه

• 3 مفيد
• 0 غير مفيد