• وليد زكي
• 12:00 صباحًا - 11 ابريل 2013
• نقد آخر لنفس المستخدم

فيلم بجد ماتعرفش تقول عليه ايه او تشرح فيه ايه ؟؟ "الو انا القطه" حتى عنوان الفيلم نفسه تحس انه رخيص قوي وكله هبوط ومافيش فيه اي معنى

الفيلم ببساطه شديده قائم على فكرة وجود عوامل مساعده غيبيه بيكون هدفها انها تنصر المظلوم بس اختيار القطط كان اختيار رخيص قوي ومالوش اي معنى .. قصة الفيلم بتقوم على اساس ان مشمش "نور الشريف" عمه بيضحك عليه ويسرقه وياخود منه كل ثروته وفجاءة تتحول قطته بوسي الى انسانه مع اخوها محبوب "عادل امام" ويقرروا انهم يستغلوا امكانيتهم كقطط في مساعدة مشمش ليواجه عمه الظالم والمفتري... وانا شخصياً ماقدرتش افهم ايه هي امكانيات القطط اللي تخليهم يبنوا كباريه في لمح البصر او يجيبوا الفلوس من الهوا .. المهم انهم انتصروا على العم الظالم وخلاص

قصه لطيفه بس للأسف تم صياغتها باسلوب هابط للغايه وبطريقه غير مقنعه بالمره وكان الاداء مبتذل في القصه وكفايه ان الفيلم فشل في السينما فشل ذريع ولم يحقق اي ايرادات بالاضافة الى سخط النقاد على مستوى الفيلم السيء بعد ان اعتقد صناع الفيلم ان ملابس بوسي الساخنه كفيله بنجاح الفيلم في دور العرض.

• 6 مفيد
• 1 غير مفيد