• دعاء أبو الضياء
• 12:00 صباحًا - 20 مايو 2013
• نقد آخر لنفس المستخدم

طبعا لو حبيت اتكلم عن فيلم زي Star Trek Into Darkness فبالتأكيد هحتاج مقدمة طويلة أوي عشان أقول وأوصف سلسلة ضخمة وطويلة من الدراما التلفزيونية، والسينمائية اللي امتدت تقريبا لعشر سنوات أو أكتر بتتناول أفلام حرب الكواكب والنجوم بدأها الكاتب العبقري (جين رودينري) منذ الستينات، وحققت شهرة ومبيعات عالية مستمرة في ده لغاية النهاردا،

وبداية كدا سلسلة ستار تريك هي إحدى أهم سلسلة أفلام الخيال العلمي الأمريكي اللي بيعشقها ناس كتير جدا، وفيلم (ستار تريك إلى الظلام) هو الجزء الثاني لفيلم ستار تريك اللي قدمه المخرج جي جي ابرامز عام 2009 وحقق إيرادات تعددت 200 مليون دولار أمريكي وبنفس أبطال الجزء الأول كريس باين وزوي سالدانا وسيمون بيج وزاكارى كوينتو قدم الجزء الثاني اللي حقق هو الأخر في أول ليلة عرض بأمريكا حوالي 70 مليون دولار

والقصة زي مااحنا عارفين مش هتختلف كتير أوي في الخط الدرامي الأساسي ليها عن الأجزاء السابقة أو سلسلة حرب النجوم نفسها ويمكن في الجزء ده هنشوف طاقم المركبة الفضائية انتربرايز بيتصدى بقيادة الكابتن كريك (كريس باين) لقوة إرهابية خارقة بتحاول تدمير العالم ومحاربة قوى الشر اللي بتتمثل في البدائيين، وبعد أن خان جون هاريسون قادته وحاول تدمير الأسطول الفضائي بأكمله يعود لينقذ كيرك من الموت برفقة سبوك (زاكارى كوينتو)

الفيلم به العديد من التفاصيل الجديدة والمغامرات اللي بتحدث واللي بالتأكيد بتتحق معها أعلى درجة من التشويق واﻹثارة وهنلاحظ القدرة الفائقة في عبقرية التصوير والإخراج والأداء التمثيلي ﻷبطال العمل وإزاي كان في ترابط قوي بين الشخصيات باﻹضافة لأهم ما يميز تلك السلسلة وهي التأثيرات البصرية المبتكرة وتنفيذ الديكورات بشكل جيد وإضاءة وحركة مميزة، وكانت من أقوى مشاهد الفيلم وأكثرها إثارة المشاهد اللي ضحى فيها كيرك بنفسه وكذلك اللي رجع فيها جون عن خيانته. بجانب ده كله هنلاقي بقى العديد من الأبعاد والمعاني الإنسانية اللي بيعرضها الفيلم زي معنى التضحية والصداقة والوفاء اللي ظهرت بشكل واضح اوي في العلاقة بين سبوك وكيرك وإنه يحاول يضحي بنفسه من أجل العالم

الفيلم من الناحية الفنية والخدع السينمائية مبهر للغاية وهيتحقق الإبهار ده أكتر مع مشاهدته بخاصية أيماكس

• 2 مفيد
• 0 غير مفيد