• Ahmed Hesham
• 12:00 صباحًا - 16 اكتوبر 2013
• نقد آخر لنفس المستخدم

" Man of Steel " من اكتر الافلام اللي كنت مستنيها بعد انتهاء ثلاثيه نولان " باتمان " مش عشان بحب شخصيه سوبر مان او حاجة بالعكس انا من اكثر كارهي هذه الشخصيه السخيفه والقصه اللي عمري مقتنعت بيها ولا اتعاطفت معاها لكن عشان وجدت " نولان " مشارك في كتابه القصة وكذلك وجود كاست كبير من الفنانين الكبار زي " ايمي ادامز " و " كيفين " وغيرهم و طبعا وجود المخرج الكبير " زاك سنايدر " واللي يعتبر خليفه ل " نولان " وفعلا مترددتش اني احضر الفيلم بالسينما ومكنش بتقنيه ال " IMAX " للاسف لاني كنت قلقان الفيلم يطلع عادي واندم ولكن للاسف قلقي كان في محله والفيلم طلع متوسط ولكن مش حنكر اني استمتعت بيه ببعض الحاجات بس نكلم الاول علي العيوب مشاهد الضرب والاكشن في الفيلم بجد كانت اوفر جدا بدرجه مستفزه تخليك تبص في ساعتك او تلعب في موبايلك اي حاجة عشان المشهد يخلص كميه الطيران والضرب والخبط والرزع في المباني والسيارات كانت اوفر جدا الفيلم فيه اجزاء كتير جدا تشعر فيها بالملل ودة طبعا راجع ان قصه الفيلم عاديه ومفيهاش ابهار زي ثلاثيه " فارس الظلام " ودي كانت مشكله كل الناس اللي علقت امال علي الفيلم من مميزات الفيلم بقي الاخراج طبعا كان قمه في الاقناع اعجبتني مشاهد " كريبتون " وايضا مشاهد سوبر مان الصغير مع والده الانتقال من المشاهد كان مميز وبيخليك تستمتع ببعض المشاهد في الفيلم باسثتناء المشاهد الممله التمثيل في الفيلم كان جيد " هنري " او سوبرمان ادي دوره جيدا وكذلك " ايمي ادامز " و " كيفين " ادائهم كان مرضي بالنسبه لي نيجي بقي للموسيقي التصويرية بجد كانت احلي حاجة في الفيلم كله الحاجة الوحيدة اللي لسه فاكرها من الفيلم واستمتعت بيها فعلا العملاق " هانز زيمر" حتي الان افضل من في مجاله بهذا الوقت يجعلك تعيش مع الموسيقي وتعيش مع المشهد النقطه الاخيرة اللي حبيت اكلم فيها هي ان الفيلم دة بالنسبه لي من افضل افلام سوبرمان ببساطة افضل من كل الاجزاء الماضية من هذه السلسلة الممله يعني من الاخر دي فعلا اقصي حاجة كانت ممكن يعملوها في القصه دي فيلم ممكن تشوفه عادي ومش حتندم خالص خصوصا لو انت من محبي الحركه والاكشن والخيال بس منصحكش تعلق عليه امال كبيرة عشان متندمش 7/10

• 1 مفيد
• 0 غير مفيد