• Omer Aly
• 12:00 صباحًا - 2 فبراير 2014
• نقد آخر لنفس المستخدم

فيلم طبعاً رائع وطبعاً هايل علي نواحي كثيرة

اولاً التمثيل رائع جداً .. من جميع ابطال الفلم خصوصاً اسرة المدرسة

( كيندا علوش و هاني عادل ) اداء عادي جداً مفيش اي جديد .

تمثيل الاطفال كان رائع جداً .. خصوصاً من معاذ نبيل " مؤمن " كان عبقري

الطالب اللي كان عامل بلطجي ف الفصل كان عنده شوية مبالغة ف الاداء ورمي الإفيهات مش عارف هل هو مقصود ولا لاء .؟!

الحوار رائع جداً . حوار طفولي فعلاً وكلام حقيقي طالع من اطفال ف مدرسة و كلنا قولنا شبه او قولناه بالحرف

التصوير جيد جداً واختيار الالوان واضح جداً من اول لحظة وفرقها في منزل الطفل والمدرسة الحكومي . اختيار اخراجي قوي من عمرو سلامة بيستخدمه ديماً ف افلامة راجع الوان افلامه السابقة ( زي النهارده ، اسماء ) . سيطرت عمرو سلامة علي الاطفال واخراج كل هذه الطاقة منهم شئ يتسحق الاشاده . اهتمام عمرو سلامة بالسيناريو في هذه التجربة جاء علي حساب الاخراج فكان الاخرج عادي جداً .. لا يوجد به اشياء مبهرة . السيناريو كان ممكن يكون افضل من كده لو اراد عمرو سلامة

من وجهة نظري المتواضعة جداً ان مشهد العركة كان لازم يحذف لنفس الاسباب اللي اتحذف عشنها مشهد أبلة فاهيتا اسوء مشهد لعمرو سلامة ف تاريخه الفني من ايام فلم " سيب وانا اسيب "

الموسيقي تليق بفلم كوميدي ابطاله اطفال .

ورغم اي شئ تبقي التجربة جيده جداً تستحق الاحترام واحترام كل صناعها .

شكراً عمرو سلامة .

• 3 مفيد
• 0 غير مفيد