صنع في مصر .......... لماذا يا حلمي ؟

ليه سؤال تساله لنفسك بعد ما تخرج من الفيلم مباشرة و تلاقي السؤال بيلح عليك ليه احمد حلمي يعمل كده اولا انا حقارن الفيلم ده مثلا بالحالة الكوميدية الاخري فالعيد و الا هي الحرب العالمية التالتة .... حنلاقي فالحرب العالمية فانتازيا مضحكة متوازنة مفهاش فذلكة انه يحشيهالك معاني ملهاش لزمة على النقيض تماما فيلم صنع في مصر اكتر شي يضايقني فاللافلام لما تحاول تبحث عن هدف, المفروض ان الحكمة الرئيسية من الفيلم انك تعيش يوم بتعمل الحاجة الى بتحبها احسن من انك تعيش 100 سنة فشخص تاني !!, السناريو عرضها بشكل ساذج و غشيم الى حد ما و مصطفي حلمي فشل بكل ما تحمل الكلمة من معني فعمل قصة متماسكة على الاقل لكن انت قدام فيلم انت مبقتش عارف هو فانتازيا و لا واقعي مفيش توازن ما بين الفانتازيا او الواقعية تماما مصطفي حلمي لما جه يعمل تبريرات مثلا لكسل احمد حلمي انه واخد قرض من البنك ( مش عارف فيه واحد كسلان و فاشل بياخد قرض من البنك ) او انه مكسل يعمل اربع عرايس لاخته مبررات انا شايفها ضعيفة او لم تسرد بالشكل الجيد او المطلوب مما اخرج لنا سنلريو هش ضعيف و فيلم ركيك و احداثه مش راكبة على بعض من الاشياء السلبية فالفيلم احمد حلمي ... فيه ادوار مش بتبقي عايزة ممثلين كبار علشان تتعمل او ممثل اقل امكانية فنية من حلمي مثلا زى الفيلم ده , اعتقد الدور ده كان عايز رامز جلال كان حيبقي لايق اكتر لان ببساطة شديدة حلمي فشل انه يفصل بين شخصية الدب و شخصية علاء فمواقف كتيرة متحسش ان احمد حلمي بيبذل مجهود فالمشهد نبرة الصوت و تعبيرات الوجه مكنتش مقنعة فكتير من المشاهد لكن المشكلة قدامي ان حلمي مشارك كمان فالعملية الانتاجية يعين هو مقتنع بالفيلم تماما و ده سؤال رئيسي محيرني ليه ؟

عمرو سلامة ..... توظيف جيد جدا للموسيقي التصويرية و الديكورات فمقابل فشل ذريع فادارة الممثلين ( باستثناء طارق الامير و ياسمين رئيس ) غير كدع انت تلاقي مثلا اداء حلمي المفتعل فبعض المشاهد من غير ادارة واضحة لعمرو او عدم وضوح دور دلال عبد العزيز و بيومي فؤاد رغم ان الاتنين بيمتلكوا قدرات فنية و كوميديا على اعلى مستوي لكن مفيش ادني استغلال ليها بشكل يستفزك انه يهدر قدرات تمثيلية بالشكل ده , عبد الله مشرف مثلا دوره كمان ممكن يكون اكبر من كده لكن تم اختصار دوره و تهميشه و عدم الاستفادة من قدراته , ادوارد اضحكنا الى حد ما و لكن كنت تحس ان فيه احسن خصوصا ان شكله كان مميز جدا , نور عثمان اداءاها متوسط ما بين الجيد فبعض المشاهد و الضعيف فبعض المشاهد

لكن كان فيه اشياء ايجابية كتير فالفيلم ابرزها ان فيه مشاهد فعلا تضحك فيها بتلقائية ابرزها مشهد الرائع طارق الامير مع احمد حلمي فالقسم و اداء ياسمين رئيس الممتاز و الى تحس باداداءها القوى و فرض حضورها بشكل قوي فالفيلم , طبعا موسيقي امير هداية و فوق كل ده محمد سلام الى كان لابس بدلة الباندا الى كان عامل تحريك ممتاز للباندا

فالنهاية ...... الفيلم ده لازم يتوقف احمد حلمي عنده شوية خصوصا ان الفيلم حتي الان ايراداته لم تتعدي ال 10 ملايين جنيه ( خيبة امل كبرة بالنسبة لايرادات افلام حلمي السابقة ) و لازم يتاني احمد حلمي قبل ما يختار اى فليم المرة الجاية لان احمد حلمي الى حد ما بدا يصيبه التعالى شوية فاختيار موضوعاته و مبقتش اتفائل الصراحة من ساعة ما بدا ينتج افلامه

نقد آخر لفيلم صنع في مصر

عنوان النقد اسم المستخدم هل النقد مفيد؟ تاريخ النشر
صنع فى مصر للأسف Michel Habib Michel Habib 2/3 10 اغسطس 2014
لولا أداء حلمى Ahmed Fox Ahmed Fox 1/3 4 اغسطس 2014
عندما تجتمع المبالغه والسذاجه ! Amr Elsyoufi Amr Elsyoufi 1/2 10 اغسطس 2014
سقف التوقعات الذي ارتفع كثيرًا ميسـرة صلاح الدين ميسـرة صلاح الدين 4/5 14 اغسطس 2014
صنع في مصر .......... لماذا يا حلمي ؟ Hazem Ibrahiem Megahed Hazem Ibrahiem Megahed 0/0 31 اغسطس 2014
مسرحية للأطفال mohamed mahmoud mohamed mahmoud 0/0 12 اغسطس 2014
صنع فى مصر........ولا فى امريكا؟ محمد احمد محمد احمد محمد احمد محمد احمد 0/4 28 سبتمبر 2014
فيلم للأطفال Hassan Abdelrahman Hassan Abdelrahman 8/8 4 اغسطس 2014
حلمى ما بين الدب باندا والقرد ميسى Amgad Mohamed Amgad Mohamed 3/5 4 اغسطس 2014
لماذا أحمد حلمي ؟؟!! معاذ البغدادي معاذ البغدادي 2/5 26 اغسطس 2014