• AbdAllah Farahat
• 12:00 صباحًا - 29 ديسمبر 2014
• نقد آخر لنفس المستخدم

انا مش ناقد سينمائى ولا محلل انا واحد من الجمهور الى شاف كومنتات كتير عالفيلم انه حلو وكوميدى جدا ومش هتقدر تبطل ضحك ... بس لحد دلوقتى حاسس ان الكومنتات الى قريتها دى كانت على فيلم تانى . فيلم واحد صعيدى فيلم مش هتقدر تكمل فيه اكتر من نص ساعه وهتحس ان فى حد عمال يزغزغك عشان تضحك بالعافيه وعمال يقع ويتشقلب ويحاول يعمل حركات وتعبيرات المفروض انها تضحك سالت سوال هو الى عامل الفيلم ده عامله عشان يضحك الناس ولا يلاعب بيه الاطفال الى بيضحكو على اى حاجه ؟؟ بس اكيد مش قصده انه يضحك اطفال لان كميه المايوهات والاعتماد علىها ف الافيهات دى مش للاطفال !! طب ايه المفيد ف الفيلم ايه القصه ؟ فين الضحك ؟؟؟؟ اسئله كتير هتسالها لنفسك بعد ما تشوف الفيلم ده محمد رمضان ممثل موهوب وكويس وكل حاجه بس هو مصمم يحبس نفسه فى قالب واحد انه يبقى ممثل لطبقه واحده بس من الناس لأن نفس الناس الى حبت عبده موته وقلب الاسد والالمانى هى نفس الناس الى بتقول ان الفيلم ده جامد جدا ومش هتقدر تبطل ضحك
فياريت محمد رمضان يستغل موهبته ويمثل حاجات ارقى من كده لان السينما مسيرها ف يوم ترقى ومش هنستحمل حاجه زى دى تانى

• 6 مفيد
• 2 غير مفيد