الثلاثى مبدعون وليسوا مقلدون

ايه يا جدعان ايه العظمة دى ؟ طب ابدا منين ؟ اعلق على ايه ولا ايه ؟ الناس اللى بتقولك منقول من فيلم )night at the musem) اللى منقول الخط العريض بس فكرة الفيلم مش اكتر لكن مش هكون ببالغ لو قلت ان الفيلم المصرى طالع الف مرة احلى من الاجنبى الثلاثى مش مقلدين ياجماعة والا احنا حافظين مش فاهمين ؟ اى حد ينقل فكرة يبقى مقلد ؟ طب يبقى اى حد يعمل الف ليلة وليلة ولا لص بغداد ولا غيره من الكلاسيكيات مقلد عناصر الفيلم كلها اكتر من هايله مبيدائيا الحاجات اللى عجبتنى من وجهه نظرى المتواضعة : 1-هشام ماجدنجمى المفضل فى الثلاثى عمال يتطور ويكتسب خبره وبيطلع فى كل فيلم احلى من اللى قبله بجد برافووووووو 2-المزيكا جميلة جدا وطبعا شهادتى فى عمرو اسماعيل مجروحة 3-الاخراج والمونتاج عاملين ايقاع الفيلم عبقرى مافيهوش ولا ثانية ملل 4-احمد فتحى(سيد الجن) الراجل ده جاااامد اوى يا جماعة واتوقعله يشيل افلام كامله لوحده قريب كوميديان بالفطرة من غير اى تكلف ولا اصطناع -مشهد رقصة العفريت راااااااااااااااااااااااااائع وعدته اكتر من 3 مرات وانا بتفرج 5-بيومى فؤاد-محمد على باشا رااااااااائع جدا ومن كتر اتقان المكياج واللهجة ماعرفتوش فى الاول 6-الممثل اللى عمل دور الفيس برسيلى اتوقعله انطلاقه قريب بس للاسف اسمه مش موجود ع النت 7-يوسف عيد(الله يرحمه) مش عارفة اقول ايه شهادتى فيه مجروحة احلى من بوب مارلى الاصلى بجد خسرناك يانجم 8-طبعا مش محتاجة اعلق ع الاتنين الكبار فى الفيلم :محمود الجندى وسمير غانم -مع حفظ الالقاب- كل واحد فيهم عامل مشهدين تلاتة بالفيلم كله 9-مشاهد اسود قصر النيل ماينفعش ماعلقش عليها حسيت انى بتفرج على فيلم هوليدى ايه العظمة دى ياجدعان بجد حاجة جامدة الحاجات اللى ماعجبتنيش: 1-بوسى هيا مطربة كويسة بس كممثله ما وصلتنيش هنا خالص وحسيت ان دورها ممكن يتحذف من غير الفيلم مايتاثر 2-علاء مرسى هو كوميديان مالوش حل بس هنا كان فيه حاجة مش مظبوطة زى مايكون الدور مش لايق عليه -شبهه بهتلر قليل -ماعرفش يستحضر الشخصية حسب جو الفيلم -مش قادرة احدد بالظبط المشكله فين بس اجمالا الفيلم ياخد 9 ونص من عشرة وارفع القبعة للثلاثى ياجماعة عايزين فيلم كل شهرين تلاتة مش فيلم كل سنتين بجد تسلم دماغكم تحياتى

نقد آخر لفيلم الحرب العالمية الثالثة

عنوان النقد اسم المستخدم هل النقد مفيد؟ تاريخ النشر
افضل فيلم كوميدي !!! Khaled Keko Khaled Keko 2/2 17 مارس 2015
جيد ولكن...!! Amr Elsyoufi Amr Elsyoufi 3/3 30 يوليو 2014
هو الضحك حرام يا جدعان؟؟ mohamed Hamed mohamed Hamed 3/4 11 اكتوبر 2014
الحرب العالمية الثالثة فيلم ممتاز محمد احمد محمد احمد محمد احمد محمد احمد 3/3 11 اكتوبر 2014
مسرووووق من ليلة في المتحف ولكن شهاب اشرف شهاب اشرف 1/3 18 اغسطس 2014
الثلاثى مبدعون وليسوا مقلدون سينمائى هاوى سينمائى هاوى 3/3 11 يناير 2015
رحلة شيقة لمتحف الشمع على طريقة الثلاثي !! سلمى السيد سلمى السيد 3/4 4 اغسطس 2014
فيلم صهيونى بامتياز Ȝlaa Gaber Ȝlaa Gaber 2/11 15 فبراير 2015
"هذا الفيلم ليس مسروقا من فيلم ليلة في المتحف.. لكنه شبهه أوي " Mohamed M.mokhtar Mohamed M.mokhtar 4/5 30 يوليو 2014