أراء حرة: مسلسل - ﺳﻴﺖ ﻛﻮﻡ - بيت العيلة ج2 - 2010
ارجوك اقلب المحطه
![وليد زكي]()
وليد زكي- 12:00 صباحًا - 21 ابريل 2013
- نقد آخر لنفس المستخدم
وليد زكيانا معنديش اي مشكله مع اي سيت كوم فاشله ... دي حاجه انا اقدر افهمها واتقبل اسبابها .. انك تعمل سيت كوم فكرتها ممكن تضحك وتفشل او الادوات تكون ضعيفه او السيناريو يكون مايضحكش ده امر مقبول ... لكن اللي بجد يحرق الدم لما تلاقي سيت كوم فشلت فشل ذريع وماحدش سمع عنها ونلاقيهم بيعملوا منها الجزء الثاني .. طيب ازاي؟؟ هو خلاص مافيش عقل .. سيت كوم اسمها "بيت العيله" فكرتها قايمه على اخوات ستات فشلت زواجاتهم كلها واتطلقوا ورجعوا اتلموا تاني في بيت العيله بعقدهم بقى وتجاربهم الفاشله في الحياه الفكره...اقرأ المزيد نفسها لو فكرت فيها كده تحس انها بتضحك بس لما تعرف ان المسلسل بطولة هالة فاخر وشيرين وهنا شيحه وايمان السيد وطبعا الاخ الراشق في اي هبوط حسن عبد الفتاح ... وطبعاً ده فريق عمل مستحيل يضحك اي حد خالص مهما كانت المواقف مضحكه ورغم كده اتعمل من السيت كوم جزء ثاني ...يمكن حسوا ان في ناس لسه المرارة بتاعتهم ماتفقعتش فقرروا يخلصوا على باقي المشاهدين. عموماً لو حصل وصادفك السيت كوم ده اقلب بسرعه وهاتبقى كسبان
