أراء حرة: فيلم - The Bourne Legacy - 2012
عندما لا تعلم متى تتوقف
![Tamer Mohamed Kassem]()
Tamer Mohamed Kassem- 12:00 صباحًا - 20 سبتمبر 2012
- نقد آخر لنفس المستخدم
Tamer Mohamed Kassemعندما تصنع علامة فارقه تنتهى عندها حقبه لتبدأ حقيه جديده متشبعه بشكل جديد وشعور مختلف اساسه اخذك لعالمى وليس ذهابى الى عالمك..عليك حين اذا ان تعيد النظر فيما وصلت اليه وان لم تستطع تطويرة لا تستنزفزه وتقلل من قيمته . عندما رأيت اول فيلم من افلام بورن من عشر سنوات وانا فى حالة اعادة نظر كاملة مع مفهوم الاكشن والصورة على التوازى وكيف لك ان تسير فى طريقين فى نفس الوقت لا يحيد بك طريق طريق بعيدا عن الاخر طريقان تسير بهما لتصل للنهاية دون ان تؤخر خطوة او تزيد يارده لن احدثك عن طاقم اعمل فربما لا...اقرأ المزيد تهتم بان تعرف ان اوليفر وود صاحب الروئية البصرية لأيكونة الشباب face/off هوه ذاته هاهنا بشكل جديد ولا طاقم المونتاج فا بكليكتين او اكثر على جوجل تستطيع ان ترى تاريخ من افلام قوية مثل ronin وغيره ولكن يجب ان ترى الجزء الثانى من السلسلة لترى مفهوم الgaming in او دخولك اللعبه بمفهومها الحرفى فى مشاهد الالتحام "مشهد العركه بين جايسون والقاتل المحترف بلشقه" واستخدام كاميرا واحده محموله طوال المعركه ولك ان تتخيل حجم المجهود المبذول وكأنه صراع ثلاثى وليس ثنائى ولن استعجب لو علمت انه ناله لكمتين او ركله من هنا او هناك.مما الهم العديدن بعد ذلك لاستخدام نفس التكنيك فى افلام عديده فيما بعد ومنها الجزء الاحدث من سلسة spider man تستمر حالة التفرد المتميزه جدا فى هذه السلسله العظيمه"بلنسبه لى" فى الجزء الثالث ويستمر التتفرد والابتكار فى مشهد المطارده فى المغرب فوق اسطح المبانى المتلاصقه بنكهه عربيه صميمه بروح مختلفه تلهمك حيويه واثارة وانفاس محبوسة تشعرك بأنك الطريده بكل انسيابيه وكالعاده يلهم مشهد المطارده المتميز المتفرد العالم ومنهم مصر وظهر هذا جليا فى مقدمة فيلمى بدل فاقد وابراهيم الابيض...!!!!!ماذا؟؟ انا اكتب عن the bourne legacy..خطأى لقد رددتها قبل البدء انا سأكتب عن the bourne legacy أنا سأكتب عن the bourne legacy رددتها وها انا استغرق فى الثلاثيه الاسطورية"بلنسبه لى"رغم انى لم انقل الصورة الكاملة مجرد item واحد فى كل فيلم من الثلاثيه ولو استغرقت فى التفاصيل لن ننتهى اعلم انه شأنى وماذنبكم "بس اهو غلاسه بقى" نرجع ل the bourne legacy وألخص رأيى فيه فى ثلاث نقاط 1-على صناع السينما الامريكيه ان يعلموا متى يتوقفوا"عنوان الموضوع" ارجوكوا كفى تشويها واعادة استثمار نجاح سابق.اين التجديد يا متعلمين يابتوع المدارس 2-جيريمى رينر اتظلم بوجوده فى فيلم كان بطله مات ديمون فى تفوق واضح على نفسه ومفاجأه بكل المقاييس واستقدام ريينر اعتقد انه كان لعاملين ليس الا قرب شبهه لديمون الى حدا ما وتشابهه مع دانييل كريج بطل بوند الجديد الى حد كبير وكذلك لبنيانه العضلى الرياضى المتميز 3-حكاية الspuper solider دى انتهت من ايام universal soliders مش فاهم ليه ندخل فى جو فيروسات واقراص خضراء وزرقاء عشان نطلع جندى لا يقهر "مالها صالة حديد الواد بيجاما"
فعلا الحلو مايكملش
![دعاء أبو الضياء]()
دعاء أبو الضياء- 12:00 صباحًا - 8 سبتمبر 2012
- نقد آخر لنفس المستخدم
دعاء أبو الضياءلما اتفرجت على إعلان فيلم (إرث بورن) وعرفت القصة بتدور في إطار ايه مكنتش مشتاقة أوي إني أتابعه؛ ولقيت أن زيه زي أي قصة قدمتها هوليوود قبل كدا، عميل سري بالمخابرات المركزية الأمريكية اكتشف مخالفات وأسرار مهمة فصدر قرار بتصفيته واغتياله، تقريبا دي قصة فيلم أرث بورن مع اختلاف بسيط في إن الأسرار عبارة عن تجارب علمية بتم على البشر. لكن في النهاية قررت أشاهد الفيلم يمكن اخرج بأي فكرة جديدة بيقدمها الأخوان جيلروي عن المعتاد، وبالفعل خرجت بأشياء لكنها قليلة جدا عن اللي كنت متوقعاه ويمكن ده اللي خلاني...اقرأ المزيد مهتمش بأخر خمس دقايق من الفيلم. فمثلا أكتر حاجة عجبتني بالفيلم الموسيقى التصويرية اللي كانت مناسبة جدا للأحداث وخدمتها بطريقة مباشرة وقدرت من خلالها أعيش حالة الترقب والخطر اللي كان فيهم جيرمي رينر طوال الأحداث، كذلك المطاردات نفذت بطريقة أبهرتني بالرغم من تكرارها في كل مشهد وكنت بحاول أخد نفس مع كل مشهد علشان أقدر أكمل اللي ح يحصل بعد كدا، أيضا الحوار بين الأبطال كان شيق ومثير، وبالرغم من كل ده جاء دور راشيل وايز ليكون أكتر الحاجات اللي استفزتني فطول أحداث الفيلم ردود أفعال راشيل غريبة وكانت أميل للبرود بالرغم من أنها كانت بتتحط في مواقف صعبة بتتطلب رد فعل مؤثر وحرك اكتر من كدا وده اللي خلاني اعتقد إنه يمكن شخصية الطبيبة مارتا عندها برود في الأعصاب مثلا أو زي ما بيقولوا "المخرج عايز كدا". أما جيريمي رينر فهو ممثل موهوب بلا شك وتعبيرات وجهه أكتر حاجة بتميزه وتقدر تفهم منها حاجات كتير أوي واعتقد إنه قدر يقدم شخصية جيسون بورن بطريقة مميزة وخلاها مثيرة للاهتمام بالرغم من تشابهها مع كثير من الشخصيات الي قدمت في أعمال فنية مماثلة. الفيلم مايستحقش إن الواحد يشوفه أكتر من مرة وأحداثه كلها متشابهة ومكررة واعتقد إنك ح تنساه أول ماتخرج من باب السينما.
