The Watch  (2012)  الحراسة

أراء حرة

 [1 نقد]

السر في الشخصيات

• دعاء أبو الضياء
• 12:00 صباحًا - 8 يناير 2013
• نقد آخر لنفس المستخدم

انا باعتقد إن من السهل جدا إني اكتب قصة، أي قصة اجتماعية لو عندي الملكة أو موهبة الكتابة بصفة عامة، وإني اقدر احولها لفيلم لو في أي خلفية عن كتابة سيناريو وحوار وممكن القصة تتفرع لإقصوصات جميلة يبقى ليها شكل معين أنا اللي بحدده، لكن اللي بشوفه صعب للغاية إن أألف قصة واضفي عليها جو الكوميديا والمرح أو إن الخط الرئيسي فيها يكون مبني على ده، وإني اقدم افيهات كوميدية، الكوميديا حالة خاصة جدا مش أي شخص ممكن يكتب فيها، كمان مش أي مممثل ممكن يأدي شخصية كوميدية، وده اللي خلاني اشوف فيلم the watch وكنت...اقرأ المزيد واثقة إني هستمتع بمشاهدته جدا لاعتماده على شخصيات قوية زي بن ستيلر وجونا هيل، وفينس فوجان وهم أبطال ليهم رصيد كبير من الأفلام الكوميدية الناجحة اللي اتعلق بيها كتير اوي منا، ولو اتكلمت عن فيلم the watch على الخصوص وخط الكوميديا المرسوم مش هقدر أقول فيه أكتر من إن أبطاله خلقوا جو ممتع تقدر تكمل معاهم مشاهدة الفيلم بالرغم من القصة مش جديدة، والسيناريو مش مكتوب بالبراعة اللي تخليك تكلم عنه أو تذكر أي حوار فيه، كمان المشاهد نفسها كان من السهل التنبؤ بيها وبنهايتها ، وكان فينيس فوجان أفضل بطل على الإطلاق وقدر إنه يسرق السجادة من تحت ستيلر بخفة دمه وأسلوبه خاصة في المشاهد اللي كان خايف فيها على بنته المراهقة وتحديه لصديقها. الخدع السينمائية المنفذة والكائنات الفضائية ماكنتش ع مستوى تقني عالي وإنما أقدر أقول إنها أوفت بالغرض المطلوب، وإن المخرج أكيفا شافرا قدمها بشكل مقبول خاصة في المشاهد النهائية بالفيلم واللي استطاع الفريق إنه يتغلب عليها ويتخلص منهم، ونجح مؤلف القصة سيث روجان في وضع نهاية خفيفة.

• 0 مفيد
• 0 غير مفيد

أضف نقد جديد