Despicable Me 2  (2013)  أنا فهلوي 2

أراء حرة

 [1 نقد]

وعرفت المعنى الحقيقي

• دعاء أبو الضياء
• 12:00 صباحًا - 12 سبتمبر 2013
• نقد آخر لنفس المستخدم

((كارتون ورسوم متحركة ،،، معتقدتش، مليش فيه)) دي كانت اجابتي دايما لأي حد من اصحابي يقولي تعالي نروح سينما وندخل فيلم رسوم متحركة، طبعا ده مش مرتبط بعقدة في إني ماعيشتش طفولتي مثلا ولا كانت طفولة مشردة ، وإنما مش بيشدني نوعية الأفلام اللي زي دي؛ بحس أنها خاصة بالأطفال وبس ومينفعش أي حد كبير يشاهدها، ولو ده حصل بحس أن في خلل لازم اصلحه.... النهاية اتجرأت اعتقد لرابع مرة وشوفت فيلم Despicable Me 2 وكانت النتيجة إني فضلت خايفة أغير رأي وابتدي اتفرج على أفلام رسوم متحركة بعد كدا..وكان تفكيري في هو...اقرأ المزيد ده بقى المعنى الحقيقي للتطور الرسوم المتحركة بعد ما كانت مقصورة بالنسبة ليا على (كابتن ماجد) و(فوفو) بداية الفيلم بيعد جزء تاني لـ Despicable Me فبعد أن قرر (جرو) إنه يعيش في هدوء ويبعد عن أعمال الشر ويعتني بالأطفال ويكون أسرة سعيدة يفاجأ بالعملية (لوسي وايلد) تطلب منه مساعدتها في كشف هوية الشخص المسؤول عن العديد من الجرائم المروعة وإخضاعه للعدالة والمعروف بـ (ال ماتشو)،، وبخلاف المغامرات الشيقة اللي بيقوم بيها جرو برفقة معاونيه المينيونس بيقدم الفيلم مجموعة من النصائح والدروس والعبر اتمثلت في فكرة قرار (جرو) الابتعاد عن عالم الشر بعد ما كان مهنته الوحيدة والأساسية وتوجهه لتربية الفتيات الييتيمات، معنى الصداقة الحقيقي، التعاون من خلال شخصيتي (جرو) و(لوسي)،،،، والعديد من المعاني الجميلة اللي اختتمت بحب جرو للوسي، أيضا فكرة تقديم شخصية زي (جرو) فبالرغم من قباحة شكله وملامحه القاسية إلا أنه بيحمل خلفها العديد من الصفات الطيبة والعاطفة الجياشة وده كان دعوة لعدم الانصياع وراء الشكل والمظاهر بالإضافة إلى خفة الدم اللي تميز بها جرو ، ومن المعروف طبعا إن أفلام الرسوم المتحركة بتعمتد ف الأول والأخر على الصورة وفيلم Despicable Me2 أكتر حاجة شدتني فيه كان الحوار وطريقة الإلقاء نفسها واللي نجح فيها نجوم العمل بطريقة شيقة زي (ستيف كارل) في دور جرو، و(راسل براند) بدور دكتور نيفاريو، و(بنجامين برات) بدور ادواردو بيريز وغيرهم.... وطبعا مش هنسى نسبة الكوميديا وخاصة من معاوني جرو وطريقة تفكيرهم أثناء خطفهم وتحاولهم إلى أشرار، شخصية العميلة (لوسي) وطريقة تنفيذها وتحركاتها بتحسسك إنك بتشوف أشخاص حقيقين وليس رسوم متحركة، وأخيرأ وليس أخيرا طريقة تنفيذ العمل نفسه والكفاءة العالية في ذلك، والمشاهد المتلاحقة السريعة اللي بتخليك مشدود طول أحداث الفيلم حتى النهاية، أنا لم أشاهد الجزء الأول من الفيلم للأسف ولكن حاولت أقبل ما أشاهد الجزء التاني منه إن اعرف أي معلومات عنه عشان اتابع القصة من أولها واعتقد أن الحاجة الوحيدة اللي هعملها حاليا هي ضرورة مشاهدتي للجزء الأول عشان ماتضعيش عليا متعة زي دي.

• 5 مفيد
• 0 غير مفيد

أضف نقد جديد