Pacific Rim  (2013) حافة المحيط الهادئ

7.9

عندما تخرج من أعماق المحيط وحوش عملاقة آتية من عالم آخر، تقوم بتدمير مدن بأكملها وتودي بحياة الملايين، يقوم البشر بصناعة آليين هائلي الحجم يطلق عليهم "جياجرز" لمحاربة تلك الكائنات، على أن يتم التحكم...اقرأ المزيد في كل جياجر عن طريق طيارين من البشر، لكن كل هذا لا يجدي نفعاً أمام تلك المخلوقات الجبارة، وتستمر الحرب لأكثر من 20 عامًا، تكاد فيها حضارة البشر أن تنهار، قبل أن يبزغ أمل جديد في الأفق.


المزيد

يعرض حاليًا في سينمات مصر

المزيد

تفاصيل العمل

ملخص القصة:

عندما تخرج من أعماق المحيط وحوش عملاقة آتية من عالم آخر، تقوم بتدمير مدن بأكملها وتودي بحياة الملايين، يقوم البشر بصناعة آليين هائلي الحجم يطلق عليهم "جياجرز" لمحاربة تلك الكائنات،...اقرأ المزيد على أن يتم التحكم في كل جياجر عن طريق طيارين من البشر، لكن كل هذا لا يجدي نفعاً أمام تلك المخلوقات الجبارة، وتستمر الحرب لأكثر من 20 عامًا، تكاد فيها حضارة البشر أن تنهار، قبل أن يبزغ أمل جديد في الأفق.

المزيد

  • نوع العمل:
  • فيلم



  • التصنيف الرقابي:
    • تقييمنا
    • ﺑﺈﺷﺮاﻑ ﺑﺎﻟﻎ
    • MPAA
    • PG-13



  • هل العمل ملون؟:
  • نعم


  • لفترة من الوقت، أطلق على الفيلم اسم Still Seas.
  • بلغت ميزانية الفيلم حوالي 180,000,000 دولار أمريكي.
  • بلغت إيرادات الإسبوع الإفتتاحي في الولايات المتحدة الأمريكية 37,285,325 دولار.
المزيد

أراء حرة

 [1 نقد]

فيلم الكايجو كما يجب أن يكون

Kaiju .. كلمة يابانية معناها وحش ضخم، ظهرت لأول مرة مع سلسة أفلام يابانية إبتدت تظهر فى منتصف القرن الماضى (الخمسينات و الستينات) ، و هى فى المجمل بيبقى عبارة عن وحش ضخم بيدمر مدينة كبيرة ، أو إتنين وحوش بيتعاركوا مع بعض و بيدمروا المدينة برضو ، طبعًا هوليوود ذات الإمكانيات المبهرة و الإنتاج الضخم مكانتش ممكن تسيب الفئة دى للسينما اليابانية المحدودة الأمكانيات فعرفنا الوحش الأسطورى جودزيللا ، كنت دايما عايز أشوف فيلم كايجو كويس فى وقتنا ده خصوصاً إن الفيلم الأخير اللى إتعمل (والوحيد تقريبًأ) عن...اقرأ المزيد الموضوع ده كان Godzilla و كان سنة 1994 ، الأمكانيات مكانتش على أد كدة برضو ( فى reboot هايتعمل لجودزيللا و يتعرض سنة 2014 ) .. و فوجئت أدامى بفيلم Pacific rim . فيلم مشبع بالروح اليابانية تمامًا (فيلم كايجو اللى هي سلسلة أفلام يابانية ، وفيها حتة كدة من باور رينجرز - اللى أصلها يابانى برضو) فى البداية .. لما شوفت الإعلان بتاع Pacific Rim، مكنتش متوقع منه إنه هايكون بالقوة دى، كنت بحسبه هايبقى فيلم مش كويس أبدًا، مع إن الإعلان كان عاجبنى، بس كم من أفلام سيئة وكانت بتعجبنا لسبب مجهول! المهم مكنتش متحمس للفيلم غير لما عرفت إن المخرج بتاعه هو guillermo del toro، والمشهور بإبتكاره وحوش غريبة، ممكن تفتكر الوحوش اللى كان بيبتكرها من أفلام زى Hellboy و pan's labyrinth .. الراجل ده عقليته ظلامية بالنسبة للوحوش، و غير كدة، بيشتغل بعقلية Geek (مهووس) حقيقى، مخلص لأفلامه و فكرته، غير إنه مخرج أكتر من رائع، لدرجة إنه كان هايخرج فيلم The hobbit قبل ما الشركة المنتجة تغير رأيها وتجيب peter jakson علشان يكمل مسيرته مع LOTR .. المهم إنى لما عرفت إن هو المخرج إتحمست للفيلم و إبتدى الناس يتكلموا عنه و يستنوه علشان يشوفوا جلييرمو ديل تورو هايعمل إيه فى فيلم زى ده. المهم بدل ما نطلع برة الموضوع، الفيلم زى ما هاتفهم من الإعلان، قصته بتدور حول إن فى فجوة إتفتحت بين بعدين فى المحيط الهادى ، بعدنا اللى عايشين فيه ، و بعد آخر مظلم و موحش عايش فيه كائنات ضخمة (الكايجو) اللى أقل واحد فيهم وزنه 2500 طن و طوله 60 متر ، الكائنات دى إبتدت تهجم على الأرض و تدمر كل حاجة فى طريقها، الأسلحة العادية مش نافعة معاها، لذلك و كما يقول الفيلم ( to fight monsters we have to create monsters of our own ) إضطرينا نعمل وحوش نحارب بيها الوحوش ، وهكذا ولدت فكرة ال (Jaegers) (كلمة ألمانية تعنى الصياد) .. روبوتات عملاقة يقودها أتنين من البشر لمحاربة الوحوش اللى بتدمر فى الأرض .. تحس إنه باور رينجرز للكبار شوية، ممكن آه، بس فين الوحش فى كدة ؟ الإخراج كان أكتر من رائع و هاتحس من كدة فى أهم مشاهد فى الفيلم (مشاهد العراك بين الييجرز و الكايجو ) .. مشاهد أخرجها جلييرمو بعقلية واحد فاهم معنى ال Scale (المقياس) ، جاية من عقلية واحد إستلهم ضخامة الأحداث (زى ما هو ما قال) من لوحة The Giant للرسام الأسبانى جويا( Goya ) و كان نفسه يطلع مشاهد تحسسك بالضخامة زى اللوحة دى، و قد كان.. المشاهد كانت مذهلة فعلًا، هاتحس أد إيه الكائنات دى ضخمة، كائنات عملاقة و باينة إنها عملاقة، مشاهد العراك كلها مظبوطة، مش قريبة لدرجة إنك متعرفش إيه اللى بيحصل وسامع صوت ضرب وخلاص ، لو حد فاكر فيلم Transformers مثلا بكل أجزائه هاتعرف معنى كلامى ، كان كل العراك فيه قريب لدرجة إنك مش عارف مين بيضرب مين .. لكن Pacific Rim عجبنى جدًا فى حكاية ظبط ال Frame علشان يناسب ضخامة الأحداث . طقم العمل : تشارلى هونام فى شخصية ( رايلى بيكيت) .. البطل الرئيسى للفيلم ، كان كويس ، قام بالمهمة زى ما الكتاب ما بيقول ، بس مش أداء وااااو يعنى لو فاهم كلامى ، يعنى أدى اللى عليه بلا زيادة أو نقصان. رينكو كيكوتشى فى شخصية ( ماكو مورى ) .. أول مرة أشوفلها أي فيلم ، لكن كانت رائعة ، و أكتر ، تمثيلها رائع ، و هاتحسسك بدوافعها لمقاتلة الوحوش دى ، و حبيت كل المشاهد اللى طلعت فيها تقريبا بما فيها مشهد التدريب مع رايلى . أدريس ألبا فى شخصية ( ستايكر بينتوكوست ) .. قائد الرينجرز ( اللى هما بيقودوا الييجرز ) و الشخصية اللى شايلة الفيلم كله من رأيي ، أدريس ألبا قم بدور من أجمل أدواره ، مش محتاج أتكلم عنه ، بس فعلًا لما تشوف الفيلم هاتحس بالجهد اللى الراجل ده عامله . الفيلم فى المجمل رائع .. ممكن الحاجة الوحيدة اللى تتاخد عليه و حاجة تافهة يعنى ، الأتنين العلماء اللى في الفيلم كانوا كأنهم من جو كارتونى شوية ، مديين شوية كوميديا حلوين للفيلم بس مش حاجة تقلل منه يعنى . الفيلم من أحلى الأفلام السنادى و يتسحق المشاهدة فعلًا و هاتستمتع بيه أكتر لو دخلته مرتين زى ما عملت كدة :)

أضف نقد جديد


أخبار

  [7 أخبار]
المزيد

مواضيع متعلقة


تعليقات