Beautiful Creatures  (2013)  مخلوقات جميلة

أراء حرة

 [1 نقد]

روميو وجوليت بطريقة الجديدة

• دعاء أبو الضياء
• 12:00 صباحًا - 18 مارس 2013
• نقد آخر لنفس المستخدم

روميو وجوليت قصة كلنا عارفينها واتقدمت في أكثر من عمل فني إما كان ع خشبة المسرح أو اتعرضت في الشاشة الفضية أو ع شاشة التلفزيون، وكانت كلها متشابهة لدرجة كبيرة أوي ، والبناء الدرامي في كل منهم كان واحد، ويمكن الكل هيشوف أن فيلم (Beautiful Creatures بعيد كل البعد عن قصة روميو وجوليت ولكن حسيت مع متابعته خاصة قصة الحب اللي جمعت بين البشري إيثان والساحرة لينا بنفس البناء الدرامي وافتكرت روميو ومحاولته للوصول لحبيبته جوليت والعواقب اللي وقفت في طريقهم... القصة فعلا غريبة واللي بتحكي عن فتاة تدعى...اقرأ المزيد لينا (أليس إنجليرت) اللي بتنتقل لمدرسة جديدة وبتتعرف على الشاب إيثان المغرم بها بالرغم من ابتعاد كل زملائها في المدرسة عنها لشكهم في سلوكها وكونها من عائلة السحرة... يحاول إيثان التقرب للينا إلا أن أهلها يرفضون علاقتها بذلك البشري الفاني. ويمكن غرابة القصة جعلها مثيرة ومشوقة وركزت من خلالها الكاتبة (كامي جارسيا) على رموز مهمة كان أهمها الصداقة والحب اللي جمع بين الاتنين بالرغم من اختلاف جنسهما والتضحية... واعتقد إن المؤثرات الخاصة بالفيلم واللي نجح المخرج (ريتشارد لاجرافينيز) في تنفيذها كانت من أقوى الحاجات اللي شدتني ف الفيلم خاصة كل ما يحدث في فيلا عائلة لينا، كمان المشاهد اللي بتستخدم فيها قوتها كساحرة، ونقدر نقول إن الموسيقى التصويرية كانت مناسبة جدا للأحداث خاصة في المشاهد الرومانسية اللي جمعت بين إيثان ولينا ونجح الممثلان ((الدن إرينيرك، واليس انجليرت) في أداء دورهما ببراعة مع إنه يأخذ على ألدن كلاسيكيته في تقديم بعض هذه المشاهد اللي كانت محتاجة حرارة أكثر، ولو بصينا للملابس والديكور المقدم بالعمل نقدر نقول إنه كان متناسق جدا ومناسب لطور القصة وبساطته كانت أهم ميزة في الفيلم. الفيلم يعتبر من الأفلام اللايت اللي تقدر تشوفها في نهاية الأسبوع مع أولادك.

• 1 مفيد
• 0 غير مفيد

أضف نقد جديد