أراء حرة: فيلم - الحرب العالمية الثالثة - 2014


افضل فيلم كوميدي !!!

بحب اخش في الموضوع على طول بتكلم عن فيلم الحرب العالمية الثالثة

من اول ما شفت فيلم بنات العم من ابطال الفيلم المبدعين

وسمعت خبر فيلم الحرب العالمية الثالة انتظرته سنتين لغاية ما نزل الفيلم سنيما

دخلته اكثر من مرة

وتقيمي له كا التالي

الموسيقى التصويرة جمممميلة جدا وجات مع كل لقطة ولقطة 9.5 من 10

الاخراج كان كويس مبدئيا تقيمي له 9 من 10

المونتاج كاااان جدا جميل وتقريبا افضل مونتاج فيلم مصر كان هو وخصوصا اسود قصر النيل كان والبنت بتتاعت...اقرأ المزيد علاء الدين لما خفو النص التحتاني بتعها كان جميل تقيمي للمونتاج والجرافكس كان 10 من 10 بالنسبة لفيلم مصري وكان 6.5 من 10 كا فيلم اجني التمثيل كاااان جدا جدا جباااااااار كل واحد كانو السيناريو بتعاه تعمل له مخصوص وما ينفعش اي احد يمثل مكانو تقيمي له 9.5 من 10 بشكل عاااام للي شاف الفيلم كويس والي ما شاف الفيلم ينتظر ينزل hd في النت تقيمي من 10 بشكل عام للفيلم 9.5 من 10


جيد ولكن...!!

موسم عيد الفطر ينجذب فيه الجمهور الى الافلام الكوميدية وينافس هذا العام 5 أفلام على كعكه عيد الفطر.وقبل أن اشاهد فيلم الحرب العالمية الثالثة كنت مؤمن بموهيه الثلاثى أحمد فهمى وشيكو وهشام ماجد وقدرتهم على تأليف فيلم فانتازيا كوميدى من الطراز الاول يناسب هذا الموسم . فيلم الحرب العالميه الثالثه بطولة أحمد فهمى وشيكو وهشام ماجد وأنعام سالوسه وعلاء مرسي وبوسي ,الفيلم تأليف الثلاثى وأخراج أحمد الجندى... تدور أحداث الفيلم في اطار كوميدى عن متحف تعود فيه التماثيل للحياه عندما تدق الساعه 12 ويريد تمثال...اقرأ المزيد هتلر أن يسيطر على العالم واعلان الحرب العالميه الثالثه . جاء تمثيل أحمد فهمى وشيكو وهشام ماجد خفيف الظل الى حد كبير واستطاعوا أن يضفوا جو من البهجة على الجماهير وأن كان اقلهم توهج هشام ماجد . تميز اداء علاء مرسي وانعام سالوسه ويوسف عيد. ولكن مشكلة الفيلم الكبري سيناريو الفيلم ركيك وضعيف واعيب على الحوار كثرة الايحاءات والالفاظ المبتذله والتى هدفها جذب الشباب لشباك التذاكر... ففى منتصف الفيلم شعرت بالملل فهو عيب اخراج ايضا اما عن الاراء التى تري ان الفيلم مسروق من a night at the museum تم التنويه في بدايه الفيلم أنه شبيه به ولا أرى عيب في الاقتباس من الافلام الاجنبيه بشرط أن تكون المعالجه مختلفه ومتميزه وهذا ما تحقق بالفعل رغم ما شاب الفيلم من عيوب ذكرتها. ظهور الفنان الكبير سمير غانم وعمرو يوسف في الفيلم كضيوف شرف لم يضف لاحداث الفيلم كثيرا ولكن ظهور سمير غانم كان محبب بالنسبه لجمهوره لما يتميز به من طابع كوميدى وفكاهى مميز بالطبع... تميزت الموسيقى التصويريه وجاءت مناسبه لاحداث الفيلم اخراج أحمد الجندى جيد واستطاع عمل فيلم كوميدى خفيف يضحك الجمهور ولكن هل ستظل السينما المصرية متذكره هذا الفيلم ؟!! فالاهم أن يبقى الفيلم ويتذكره الجمهور بعد 10 سنوات حتى وان كان كوميدى كما نتذكر الى اليوم فيلم الحفيد والبحث عن فضيحة وعائله زيزى وغيرهما الكثير من علامات وروائع السينما المصرية .


هو الضحك حرام يا جدعان؟؟

بجد العيال التلاته دول رائعين .. تحس ان فى دماغ بجد ورا كل فيلم .. عندهم هدف محدد من وحهة نظرى وهو المتعه والاضحاك وده مش عيب ولا حرام .. فيلم خفيف .. ظريف .. نضيف (عشان القافية) وبجد متتكسفش وانت معاك اسرتك بتتفرج عليه ... التمثيل عالى جدا من التلاته وكمان بيومى فؤاد (محمد على باشا) اكثر من رائع ومش حئلكم على دور يوسف عيد (الله يرحمه) (بوب مارلى) بجد تحفة وبرضو محمد على رزق (رأفت الهجان) كان كويس جداً .. فيلم بجد انصح الجميع يشوفوه اهو يغسل شوية النكد اللى حوالينا وطبعا مش حنسى المخرج أحمد...اقرأ المزيد الجندى حركة كاميرا سريعه وايقاع وزوايا كاميرا هايلة الحاجة الوحيدة اللى معجبتنيش فى الفيلم هى التريقة لزوم الإفيه على ام كلثوم على لسان شيكو وكمان التريقة على غاندى .. كان ممكن تكون أخف من كده .. تحياتى لكل صناع الفيلم حتى المنتج اللى كتير زعلوا ان الثلاثى اتعاون معاه .. يا جماعة بغض النظر عن شخصية محمد السبكى غير المريحه لناس كتير وانا منهم بس السبيكة عملوا افلام بجد كويسة منها كباريه والفرح وساعة ونص والحرامى والعبيط وعزبة آدم وغيرها ... طبعا انا مش بدافع عن السبيكه لأن فى افلام عملوها بوظت الدنيا .. بس الامانه تقتضى نقول ده وده .. المهم روحوا شوفوا الفيلم .. على فكرة بسم الله ماشاء الله الفيلم عدا ال30 مليون جنيه الاسبوع ده .. هيص يا سبكى عشان تعوض حلاوة روح .... بالتوفيق للثلاثى (فهمى - شيكو - ماجد)


الحرب العالمية الثالثة فيلم ممتاز

فى البداية كل التقدير لكل القائمين على الفيلم حتى تم خروجه بهذا الشكل الحرب العالمية الثالثة...فيلم فانتازيا مغامرات كوميدي عائلي من الدرجة الاولي منذ بداية الفيلم ويلاحظ المشاهد ان الفيلم خفيف الطابع وبظهور الثلاثي والنجوم يتصاعد الفيلم بكوميديا ممتازة الى حد ما. واذا ما تناسينا وجه الشبة والاقتباس من فيلم الفنان " بن ستيلر" نجد ان الفيلم اقتباس بنكهة مصرية مية بالمية واكثر ما يلفت النظر الديكور الذي يستحق 10/10 والذي كان له عنصر الجذب الاكبر لعيون المشاهد وكذلك الملابس 10/10 الحوار...اقرأ المزيد ركيك نوعا ما ولكنه محبب للشباب ولو انه لا يخلو من الايحاءات التى اصبحت سمة ثابتة فى الافلام المصرية فالحوار يستحق 4/10 اداء النجوم مشهود لهم بالكفاءة والتميز الفنانو انعام سالوسة جيده جدا كعادتها الظهور المميز للفنان القدير سمير غانم كان له نكهة محببة للنفس الفنان المخضرم صاحب الصوت الجميل يوسف عيد اداءة كالعادة مميز جدا حتى صوت الفنان صلاح عبد الله كان له حضور للمشاهد الفيلم بمجمله ممتاز جدا جدا ومن افضل الافلام الكوميدية الاخراج جيد الى حد ما الفيلم يشاهده كل الاعمار والفئات بدون خدش للحياء يستحق المشاهدة اكثر من مرة التقييم العام 8/10


مسرووووق من ليلة في المتحف ولكن

40 % للفيلم الحرب العالمية الثالثة مسرووووق من ليلة في المتحف ولكن احمد فهمي وشيكو وهشام ماجد قدموا فيلم سميير وشهير وبهير وقد حقق نجاحا كبيرا بالرغم ان احمد فهمي عندما كتب فيلم كدة رضا وفيلم كدة رضا مسروق من فيلم اجنبي ولكن حقق نجاحا وفعلوا بعدها بنات العم وبعدها الحرب العالمية الثالثة ولكن بالنكهة المصرية وكوميديا وخفة دم الثلاثي ولكن الفيلم مسرووووق 40 % منه من فيلم ليلة في المتحف وممكن اقول على المشاهد المسروقة ولكن بلاش نحرق الفيلم احمد فهمي وشيكو وهشام ماجد يريدون سينما جديدة في مصر...اقرأ المزيد واعمالهم ناجحة ولكن هما ممتازين في كتابة السيناريو لو ألفوا فيلم بدون مايتم أقتباس اي شئ من أى فيلم اجنبي يبقى زي الفل ولا أيه وتحية خاصة لشيكو وفهمي وهشام ماجد هما فنانين ومبدعين والفيلم جميل جدا من أول الفيلم لحد أخره ضحك على الاخر وياريت دائما التألق والتقدم والنجاح للثلاثي احمد فهمي وهشام ماجد وشيكو وتحياتي شهاب ميشو وهذا النقد ليس ضد الفيلم وليس ضد الثلاثي احمد فهمي وشيكو وهشام ماجد ولكن هما مبدعين ولكن لا داعي لاقتباس الفكرة من الاجانب


الثلاثى مبدعون وليسوا مقلدون

ايه يا جدعان ايه العظمة دى ؟ طب ابدا منين ؟ اعلق على ايه ولا ايه ؟ الناس اللى بتقولك منقول من فيلم )night at the musem) اللى منقول الخط العريض بس فكرة الفيلم مش اكتر لكن مش هكون ببالغ لو قلت ان الفيلم المصرى طالع الف مرة احلى من الاجنبى الثلاثى مش مقلدين ياجماعة والا احنا حافظين مش فاهمين ؟ اى حد ينقل فكرة يبقى مقلد ؟ طب يبقى اى حد يعمل الف ليلة وليلة ولا لص بغداد ولا غيره من الكلاسيكيات مقلد عناصر الفيلم كلها اكتر من هايله مبيدائيا الحاجات اللى عجبتنى من وجهه نظرى المتواضعة : 1-هشام...اقرأ المزيد ماجد_نجمى المفضل فى الثلاثى_ عمال يتطور ويكتسب خبره وبيطلع فى كل فيلم احلى من اللى قبله بجد برافووووووو 2-المزيكا جميلة جدا وطبعا شهادتى فى عمرو اسماعيل مجروحة 3-الاخراج والمونتاج عاملين ايقاع الفيلم عبقرى مافيهوش ولا ثانية ملل 4-احمد فتحى(سيد الجن) الراجل ده جاااامد اوى يا جماعة واتوقعله يشيل افلام كامله لوحده قريب كوميديان بالفطرة من غير اى تكلف ولا اصطناع -مشهد رقصة العفريت راااااااااااااااااااااااااائع وعدته اكتر من 3 مرات وانا بتفرج 5-بيومى فؤاد-محمد على باشا رااااااااائع جدا ومن كتر اتقان المكياج واللهجة ماعرفتوش فى الاول 6-الممثل اللى عمل دور الفيس برسيلى اتوقعله انطلاقه قريب بس للاسف اسمه مش موجود ع النت 7-يوسف عيد(الله يرحمه) مش عارفة اقول ايه شهادتى فيه مجروحة احلى من بوب مارلى الاصلى بجد خسرناك يانجم 8-طبعا مش محتاجة اعلق ع الاتنين الكبار فى الفيلم :محمود الجندى وسمير غانم -مع حفظ الالقاب- كل واحد فيهم عامل مشهدين تلاتة بالفيلم كله 9-مشاهد اسود قصر النيل ماينفعش ماعلقش عليها حسيت انى بتفرج على فيلم هوليدى ايه العظمة دى ياجدعان بجد حاجة جامدة الحاجات اللى ماعجبتنيش: 1-بوسى هيا مطربة كويسة بس كممثله ما وصلتنيش هنا خالص وحسيت ان دورها ممكن يتحذف من غير الفيلم مايتاثر 2-علاء مرسى هو كوميديان مالوش حل بس هنا كان فيه حاجة مش مظبوطة زى مايكون الدور مش لايق عليه -شبهه بهتلر قليل -ماعرفش يستحضر الشخصية حسب جو الفيلم -مش قادرة احدد بالظبط المشكله فين بس اجمالا الفيلم ياخد 9 ونص من عشرة وارفع القبعة للثلاثى ياجماعة عايزين فيلم كل شهرين تلاتة مش فيلم كل سنتين بجد تسلم دماغكم تحياتى


رحلة شيقة لمتحف الشمع على طريقة الثلاثي !!

هل شاهدت فيلم " ليلة في المتحف " لبين ستيلر , لو كنت شاهدته فلا تستمع لتلك الإشاعات التي تؤكد ان فيلم الحرب العالمية الثالثة هو نسخة مقلدة من ليلة في المتحف , يمكن نفس الفكرة فكرة التماثيل الشمعية التي تتحرك و تدب فيها الحياة .

لم أدخل الفيلم و انا متوقعة الكثير منه , فالكل يعرف من خلال الاعلان انه سيكون في مشتوى أقل من سمير و شهير و بهير و بنات العم , بس متقلقوش الفيلم مش وحش للدرجاتي , فأداء أحمد فهمي و شيكو و هشام ماجد الرائع و خفة ظلهم الشديدة لم يختلف كثير عن أفلامهم...اقرأ المزيد السابقة , قصة الفيلم مختلفة عن عن اي فيلم مصري كعادة الثلاثي الذي عودنا على افلام مختلفة عن القصص التقليدية للأفلام المصرية , و كوميدية الفيلم قوية ولا تشعر من الملل من افيهات و موافق الفيلم الكوميدية حتى ان قاعة السينما قد إهتزت من قوة ضحك المتفرجين في العديد من المشاهد مثل مشهد الخناقة في بداية الفيلم , مشهد مبارة كرة القدم , مشهد ظهور بوب مارلي , مشهد محاولة خميس ( أحمد فهمي ) لتذكر التعويذة التي قالتها هويدا ( إنعام سالوسة ) لتدب الحياة في التماثيل و طبعا مشهد شوبير :D ربما يختلف فيلم الحرب العالمية الثالثة عن سمير و شهير و بهير و بنات العم ان الفيلمين الاخيرين كانا كوميدية خالصة في كل مشاهده على عكس الحرب العالمية الثالثة التي تخللها بعض المشاهد التراجيدية عندما خرج توت عنخ امون و علاء الدين من المتحف و قيام خميس بخيانتهم !! عيوب الفيلم : 1) رغم ان فكرة الفيلم ممتعة و شيقة و لكن السيناريو كان ركيك و ضعيف جدا شعرت و كأن المؤلف مكانش عارف يعمل ايه بفكرة التماثيل اللي بتتحرك . 2) الاخراج كان ممل جدا بإستثناء بعض المشاهد التي اشك انها تبع الفيلم كأن مخرج اجنبي هو من اخرجها مثل مشهد أسدين قصر النيل ! 3) الاختيار الخاطئ لبوسي لتجسيد دور مارلين مونرو , ليس لأن بوسي ليس بجمال و انوثة مارلين مونرو و لكن لأن بوسي لا تتمتع بخفة الظل و الموهبة التمثيلية لكي تجسد شخصية مارلين مونرو المشوهة , كنت اتمنى لو كانوا اسندوا هذا الدور لأي ممثلة اخرى تتمتع بخفة الظل نصيحة لكل من يريد ان يشاهد فيلم كوميدي راقي مع اصدقاءك و عائلتك بعيد عن جو المهرجانات و الراقصة و البلطجي و العنف المبالغ فيه فلا تترد في دخول فيلم الحرب العالمية الثالثة , فهو رغم عيوبه فهو فيلم كوميدي خفيف و ممتع يليق بجو العيد !


فيلم صهيونى بامتياز

هذا الفيلم تافه وليس كوميدي بل استظراف وبه اهانات لرموز وطنية مثل الاستهزاء بام كلثوم وووضع علامة قرون على احمد عرابى واظهاره كشخص دموى بالاضافة الى وضع محمد على ضمن التماثيل الطيبين رغم انه كان ديكتاتور والاسكندر الاكبر رغم انه غازى ومحتل واظهار الفراعنة على انهم اغبياء تافهيين وشهوانيين والجندى المصرى على انه سبى ومنساق وراء الاوامر بالاضافة الى جعلهم مدمني مخدرات لكل التماثيل اما قوى الشر فهم هتلر عدو اليهود وهولاكو وابو لهب وغيرهم دون ذكر اى صهيونى او يهودى مما يثير علامة تعجب كبيرة حول...اقرأ المزيد الاستهزاء بعرابى والجندى المصرى وهتلر ومحمد على وتوت عنخ امون دون ذكر الصهاينة تماما بل واهانة الرمز العربى علاء الدين بجعله نصاب وواطى وجعل ميكى الامريكى جدع وطيب فليسقط الفيلم ويسقط المؤامرة ملحوظة لم يضف الفيلم بل اساء الى سمير غانم ومحمود الجندى وعمرو يوسف ولم يسمح الدور باظهار موهبة على ربيع الصاعد وعلاء مرسى لم يتالق يكفى المشاهدة مرة واحدة دون اى داعى لتكرار مشاهدته مرة اخرى الفيلم ركيك حواريا ممل احداثه وجاء مشهد اسدى قصر النيل كارتونيا الى حد ما كما ان دخول احمد فهمي الى المتحف نهارا حتى الساعة 12 ليلا مدة طويلة وهو يقضيها فى تصوير التماثيل غير منطقى وهروب رافت الهجان الى اسرائيل اهانة لرمز مصر الوطنى


"هذا الفيلم ليس مسروقا من فيلم ليلة في المتحف.. لكنه شبهه أوي "

"هذا الفيلم ليس مسروقا من فيلم ليلة في المتحف.. لكنه شبهه أوي أوي أوي". دي اول جمله بتتقال قبل تتر فيلم الحرب العالميه التالته علشان بس الناس اللي بتقول كدا و بتاعت الفيلم مسروق اللي بشوفها في كل الافلام تقريبا دلوقتي حتى لو جابه فيلم من المريخ حيقولك مسروق على العموم انا حبيت اقطع الشك باليقين و اقول ان الفيلم ده ممتع جدا و محستش بأي ملل طول الفيلم يمكن ضحكت قليل عن افلامهم السابقه بس ده ميمنعش انه فيلم تقدر تفتخر بيه واكيد كل الناس حتحس ان احمد فهمي بطل الفيلم و ده بيدل على ان...اقرأ المزيد الشباب دول مبيفرقش معاهم مين ياخد دور اكبر او احسن المهم يوصله الفيلم للجمهور بشكل غير متوقع وفانتازي وتخيلي انا مقدرش اقولك انك حتتضحك كتير بس على الاقل حتطلع مبسوط من التجربه لان اكتر مشهد عاجبني و كان مدته 10 دقايق بتاع اسدين قصر النيل بجد مشهد عالمي ومعمول بحرفيه شديده زي الافلام الاجنبيه بالظبط مفهوش غلطات و هو ده الماستر سين اللي بالفيلم كله اللي من غيره كان ممكن ناس كتير ميعجبهاش الفيلم ده غير مشهد تحولهم للشمع مقنع جدا و مشهد راس صلاح الدين المقطوعه وهى بتكلم اكتر تلات مشاهد مبهره لاي واحد حيشوف الفيلم بس نفسي اننا نوصل للمستوى ده من الخدع و نعملها بنفسنا مش نجيب خبراء اجانب يعملوها و نتكلف زياده علشان اجرهم وده رأي واحد من جمهور الفيلم و محبي الثلاثي