أراء حرة: فيلم - Olympus Has Fallen - 2013
فيلم ممتع
![Ray]()
Ray- 12:00 صباحًا - 9 ابريل 2013
- نقد آخر لنفس المستخدم
Rayالفيلم ممتع و حلو , لكن قصته ساذجة و غير واقعية لكن زى ما قلت ممتعة , بس فى الاخر هتلاقيه ممتع و يستحق ان تروح تشوفه و ده لعناصر كتيرة , زى مورجان فريمان و جيرارد باتلر اللى كانوا رائعين , و كانوا السبب الرئيسى فى دخول الفيلم . اللى خلانى اقول ان القصة ساذجة , هو المشهد بتاع هجوم الارهابيين على البيت الابيض , و قد ايه هو خلانى احس ان البيت الابيض ضعيف و مش قادر يتصدى ل28 ارهابى و طيارة ! الفيلم ممتع , مليان بالاثارة , الاكشن و الحركة السريعة , و جيت فى وقت من الاوقات كنت حاسس انى بتفرج على...اقرأ المزيد فيلم من افلام (Die hard) و دى حاجة حلوة , الفيلم مدته ساعتين بس مش هتحس بيهم و هما بيعدوا لسرعة الحركة فى الفيلم و المشاهد. فى الاخر , نصيحتى ليك , او انت رايح تشوف Olympus has fallen متتوقعش قصة رائعة محتاجة تركيز لكنها على العموم مليانة مفاجئات , بس خليك متأكد انك هتشوف فيلم حلو , اخراج و تصوير حلو , اداء تمثيل جيد و اثارة.
نسخة جيدة من die hard
![دعاء أبو الضياء]()
دعاء أبو الضياء- 12:00 صباحًا - 3 ابريل 2013
- نقد آخر لنفس المستخدم
دعاء أبو الضياءاعتقد إن السينما الأمريكية مازالت لديها القدرة على تقديم أعمال مستهلكة ومكررة بطرق جديدة، وتقدر من خلال أسلوب إخراجي جيد ومباشر إنها تقدم نفس العمل بشكل مختلف كليا على الرغم من إن نفس التيمة الأساسية في الفيلم واحدة؛ ويمكن اللي خلاني أقول ده على فيلم Olympus Has Fallen للمخرج انتوني فوكوا واللي قدر بلقطات سريعة غلب عليها الإثارة وسرعة الإيقاع إنه يقدم فيلم جيد ويستحق أن يشاهد بالرغم من إن الخط الدرامي فيه مش جديد فبداية لو بصينا لقصة الفيلم هنلاقي إن المؤلفان ( كاترين بنديكيت)، و(كرايتون...اقرأ المزيد روثنبرجر) قدرو إنهم يصيغوا سيناريو وحوار ممتاز لقصة قدمت من قبل من خلال فيلم مشهور حقق ناجح وإقبال جماهيري وفني بشكل كبير وهو فيلم (die hard) اللي قام ببطولته الممثل العبقري بروس ويلز وعقبه بسلسلة أجزاء لنفس العمل لاقت كلها تقدير أكثر من جيد؛ وبالتالي فالقصة مش جديدة ويمكن دي كانت من الأشياء اللي خلت الفيلم بالنسبالي مايحصلش ع تقييم فوق 7/10 لكن أقدر أقول إن الفيلم بيحتوي على الكثير من الحسنات اللي بتقل معها خيبة الأمل السابقة في إني أشاهد فيلم مكرر، فمثلا المونتاج القوي للقطات واعتماد الفيلم في الأول على اللقطات السريعة والأحداث المتلاحقة زاد من درجة التشويق والإثارة حتى إنك هتحبس أنفاسك طوال الفيلم. وعلى الرغم من إن حكاية التار البايت بين أمريكا وكوريا الشمالية حكاية قديمة أوي لكن قدمها انتوني بشكل مقبول لكن فكرة إن الأمن القومي والجيش الأمريكي ميقدرش يتغلب على مجموعة أرهابين ومسحلين ده كان قمة المشاهد السذاجة. واقدر أقول إن كان في مغامرة فنية جيدة من جميع طاقم العمل بداية من الممثلة (اشلي جود) اللي قدمت دور سيدة أمريكا الأولى لبعض الدقائق، وهكذا دور الممثل المتميز (مورجان فريمان) واللي كنت مستغربة جدا لصغر دوره وحسيت إن شخصية (سبيكر ترامبيل) اللي قدمها فريمان كانت مقحمة على الأحداث، وظهر الأداء المتميز للممثل (جيرارد باتلر) في دور مايك واللي قدم دور شديد الاجتهاد والطموح يمكن كان متشابه جدا مع شخصية جون ماكلين بفيلم (داي هارد) وإنما أقدر أقول أنه منح الأحداث حرارة ومعنى. في النهاية الفيلم يستحق أن يشاهد لاعتماده على شخصيات قوية بجانب مستوى اخراجي جيد.
