أراء حرة: فيلم - Captain America: Civil War - 2016
أفضل أفلام الـSuper Heroes
![Amr Barakat]()
Amr Barakat- 11:29 صباحًا - 16 مايو 2016
- نقد آخر لنفس المستخدم
Amr Barakatعلى عكس فيلم Batman V Superman اللي كان محبط جدا بالنسبالي، دخلت Civil War وانا عندي أمل ان يعوضني عن تجربة Batman V Superman السيئة .. وقد كان، فيلم من أحسن أفلام الأبطال الخارقين على الإطلاق في رأيي، رغم انه فيلم لـCaptain America يعني هو البطل .. بس كل الأبطال اللي كانو معاه كان ليهم ظهور مميز وموزن وفي الفيلم، اكتر شخصية كانت مميزة عن أفلامها المنفردة هي شخصية Spiderman لأول مرة تتعمل بالشكل الظريف دا.. الفيلم كان ناقصه شوية الكوميديا المعتادة من Ironman اللي كانت أقل من المعتاد بس دا نظرا...اقرأ المزيد لظروف الفيلم والصراعات الداخليه اللي فيه بين الأبطال والداخلية جوا كل شخصية بطل. الفيلم قصته خرجت عن إطار افلام الابطال الخارقين المعتاد والصراع انتقل من كونه صراع مباشر بين الخير والشر إلى صراع ذاتي في الفريق وفي الشخصيات نفسها ودا اضاف كتير للفيلم بعيدا عن الأكشن. مشاهد الأكشن في الفليلم حلوة واللي زادها اثارة ان شوفت الفيلم في سينيما D-Box على كرسي متحرك بيديك إحساس بإثارة في بعض المشاهد. نصيحة أخيرة .. ما تفوتش الفيلم
افضل افلام مارفل .. !
![Karim Medhat]()
Karim Medhat- 03:52 مساءً - 15 مايو 2016
- نقد آخر لنفس المستخدم
Karim Medhatمبدئياً كدة الى مش هيخش الفيلم دة هيفوتوا كتير اوى اوى فيلم متكامل قصة وسناريو وموسيقى واحداث وتصوير واخراج ... الفيلم فعلاً مش هبالغ لو قولت انه افضل افلام مارفل على الاطلاق افضل من افنجرز وافضل من كل افلام مارفل من ساعة منزل الاعلان الاول للفيلم وانا واثق انى هشوف تحفة سنيمائية جديدة وفعلا دة الى حصل مستحيل الفيلم دة يتقارن بفيلم باتمان_و_سوبرمان نهائى لان هو كسبان فالمنافسة دى بنسبة 100 فالمية.. الفيلم كفاية انه وقت مهيبقا عاوز يضحكك هيضحكك كانك فى فيلم كوميدى ووقت ميعوز يخليك تتأثر اوى...اقرأ المزيد بالمشهد هيخليك تتأثر وكمان متبقاش عارف تتعاطف مع مين ولا مين الفيلم ركز على الجوانب النفسية فكل شخصية بغض النظر انه اهمل شخصية او شخصيتين فالجوانب النفسية الفيلم فى 5 او 6 معارك اكشن من اقوى المعارك فى تاريخ مارفل كلها كتصوير وكأخراج والقصة ليها ابعاد كتير تخليك مستنى تشوف نهاية كل جانب فالقصة بعترف ان شخصية سبايدر مان الجديدة قوية وتستاهل انها يتعملها فيلم مخصوص لانى مكنتش مقتنع بالسلسلة التانية من افلام سبيدرمان بس فعلا انا بقيت مستنى الشخصية الجديدة لسبايدرمان فالاول كنت حاسس انى هتفرج على حفلة ابطال خارقين زى #افنجرز وهيبقا فى ظيطة كتير وقصة تقليدية اوى مبحبهاش فى افلام #افنجرز بس الفيلم خيب توقعاتى وعمل قصة متكاملة وغير تفليدية وركز على الجانب الدرامى والحبكة ومشاهد الاكشن اكتر من جزئية الخيال الى دايما بتبقا ظاهرة اوى فى افلام #مارفل اول فيلم سوبرهيروز يدخل دماغى اوى ويأثر معايا بعد ملحمة #باتمان بتاعت نولان
