- الرئيسية
- فيلم - Brad's Status - 2017
- أراء حرة
- English
أراء حرة: فيلم - Brad's Status - 2017
تجربة رائعة
![Hossam Waleed]()
Hossam Waleed- 09:33 صباحًا - 21 يناير 2019
- نقد آخر لنفس المستخدم
Hossam Waleedواحد من أفضل الأفلام لـ2017 بالتأكيد.. اللي عجبني هنا انه فاهم هوا عايز يقول ايه.. على رأي كريس ستاكمان: (الفيلم ده كل حاجة هوا المفروض انه يكون عليها).. القصة تواصلت معاها جداً وفضِلت -أثناء المُشاهدة- أفتكر فصول كاملة من حياتي ومواقف معينة مريت بيها.. أحلى حاجة فيه ان القصة فعلاً بتوصفني بشكل كبير، قصة سهلة التواصل على أي نوع من الجمهور وبتعتمد على الجانب العاطفي فيها وجزء التخيل والمشاعر أكتر من الحبكة، فيه كم (عظيم) من المشاعر المتضاربة جاتلي في الـ 102 دقيقة اللي قضيتهم هنا.. كمان الفيلم...اقرأ المزيد -وللغرابة- قريب أوي من (Eternal Sunshine of the Spotless Mind)، وأعتقد هينال إعجاب الناس المُتيّمة بالفيلم ده أكتر من غيرهم. القصة عن شخص فـ عمر السابعة والأربعين بيفتكر حياته السابقة وبيكتشف قد ايه هوا فاشل، بيتهم نفسه بالتقصير مع ذاته، الشعور بالندم على حاجات عملها وخطوات أخدها فـ الحياة.. وبيحاول -بكمية المشاعر المهولة دي فـ عقله- يوطد علاقته مع إبنه اللي لسه مخلص ثانوية وعلى أبواب الإلتحاق بالمرحلة العمرية الجديدة : الجامعة.. متهيألي لو كنت شفت الفيلم قبل ما أخش الجامعة كان هيبقى ليه تأثير خاص عليّا لأنه بيناقش مفاهيم كتير عن المستقبل وإرتياد الكليات، والخوف والنبرة الجادة المُصاحبة للمرحلة دي.. فكرة (عايز تعمل ايه فـ حياتك ؟) وما شابه.. فيلم مليان معاني وأفكار وكانت تجربة في منتهى الروعة، ينصح بيه بشدة.. تقييمي لـ(Brad's Status) : 8.5/10
