- الرئيسية
- فيلم - Hereditary - 2018
- أراء حرة
- English
أراء حرة: فيلم - Hereditary - 2018
اخطر فيلم نفسي يحبس الانفاس
![محمد خليل]()
محمد خليل- 11:18 صباحًا - 2 سبتمبر 2018
- نقد آخر لنفس المستخدم
محمد خليلالفيلم عبارة عن دراما نفسية عصبية تحبس الانفاس فالجديد في الرعب المقدم في الفيلم انه اتبع الجانب النفسي والعصبي اكثر من وجود مشاهد عنيفة ومقززة فقد شعرت بالتوتر والازعاج عند مشاهدة الفيلم بالرغم من عدم وجود مشاهد تقشعر لها الابدان ولكن المشكلة ان الفيلم كان به بعض الغموض فلقد احسست لوهلة انني ضعت اثناء المشاهدة فلم استطع ربط الاشياء ببعضها ولكن غير ذلك فالفيلم جميل جدا ونجح المخرج في صنع فيلم مخيف بدون وجود شياطين وجان ومخلوقات غريبة ومقززة برأيي ارى ان المخرج كان الاكثر ذكاءا ولكن كاتب السناريو...اقرأ المزيد ارى انه ضيعنا في بعض المناطق في الفيلم لكن بشكل عام استمتعت في مشاهدة الفيلم وتقيمي للفيلم 8/10
أفكار عشوائية بعد المُشاهدة: فيلم عظيم، يتشاف وميتحكيش
![Hossam Waleed]()
Hossam Waleed- 04:50 مساءً - 12 فبراير 2019
- نقد آخر لنفس المستخدم
Hossam Waleedأنا عارف إنكم مشغولين، كل واحد وراه حاجة يعملها في الحياة: اللي رايح شغله، جامعته، مدرسته يمكن، أو مشواره الحكومي البائس. أنا بس عايز أقول حاجة هنا؛ إمبارح بليل قضيت ساعتين من العظمة بمُشاهدة فيلم (Hereditary)...!' . . . . الفيلم ده عظيـــــم إلى أبعد حد، معظم الأحيان بلاقي نفسي في حالة مُبالغة في التعبير عن فيلم خَبَطني (ودي حاجة عادية، متهيألي معظم الناس هتبالِغ في الحديث عن أفلامها المفضّلة)، بس الفيلم ده فعلًا مستوى آخر.. يستحق وصفه بالفيلم العظيم.. دلوقتي بس فِهمت ليه "كريس ستاكمان" حطه أول...اقرأ المزيد فيلم في قائمة مفضلاته لسينما ۲۰۱۸. طيّب.. أفكار كتيرة مجنونة بتهجِم عليّا مرّة واحدة في هذا الصباح السايكوباتي الجميل، هأحاول أفتكرها وأقولها، اعذروا عشوائيتي؛ - مش عارف ازاي أجلت الفيلم كل المدة دي! فعلًا ندمان وكان نفسي أشوفه وقت ما كان عامل ضجّة الصيف اللي فات. - بعد مُشاهدته: فهمت ليه واحد صديقي قاللي اوعى تشوفه في السينما لأن لو اتقَص حاجة فيه (من المشاهد المفجعة) كانت فعلًا هتخلي فيه صعوبة حقيقية في التواصل مع قصة الفيلم. - الفيلم ده أبعد ما يكون عن "شكل" أو "أسلوب" الفيلم الطويل الأول لمخرجه.. ايه ده!!!!!!!!!!!!!! سنين من التحضيرات يمكن؟ نضح غير عادي! - نشرت من يومين -على فيسبوك- صورة لأفضل الأفلام اللي شفتها من 'سينما ۲۰۱۸'، والصورة شكلها متواضع فعلًا بدون وضع اسم هذا الفيلم فيها.. ممكن دلوقتي أحطه الفيلم التاني أو التالت في القايمة. - أنا عارف إن الانطباعات والآراء النقدية عن الأفلام قد تجعل الواحد مشتت صعب يقرر مُشاهدة الفيلم أو لأ؛ بس "هـــيـريديتاري" فعلًا بهذه القوة والجمال. it's really that good, you have to see for yourself! - حاجات كتيرة عجبتني فيه: حاجة منها إنه منزلقش في جزئية الغموض التام عشان يخلينا نسأل طب "مين اللي سبّب كل ده؟"، التارجِت بتاع الفيلم أبعد وأكثر طموحًا من مجرد تقديم وجبة سيكولوجية غامضة لحل مفاتيحها.. وفي ظني الثلث اﻷخير من الفيلم -اللي عادةً بيكون أضعف أجزاء اﻷفلام دي- جاء بشكل ذكي جدًا جدًا. - ده من نوع هذه الأفلام اللي تخليك تسأل بعد مُضيّ ۲۰ دقيقة منه: يا ترى هيعرف يكمّل بهذه القوة للآخر؟ ولحسن حظي عمل. - الفيلم مكتوب ومحبوك بشكل عبقري.. إطلاق عليه "فيلم رعب" في رأيي يُقلل جدًا منه، كون الفيلم الرعب مرتبط في أذهاننا بالفيلم الجماهيري، والفيلم ده أبعد ما يكون عن ذلك؛ الفيلم مافيهوش jump scare واحدة ودي حاجة تُقدَّر فعلًا، هوّا أقرب في الوصف للفيلم "الدرامي/السايكولوجي"، وبعده "الغامض/التشويقي" بس مش رعب أبدًا، رعب سيكولوجي في نفوس الشخصيات ماشي.. حاجة كده شبه الفيلم البريطاني (The Witch). - من أكتر الأفلام اللي هتخيلني عايز أقرا وراها لأن القراءة عنه هتزيد من حبي (مش فِهمي) ليه، عشان كده لو حدّ قرأ حاجة قوية عنه ياريت يبعتهالي.. والفيلم ملئ بالـ Layers ومن النوع اللي محتاج جدًا مُشاهدة تانية عشان اتفاجئ بالحاجات اللي هأخرج بيها منه المختلفة عن الأولى: متعدد القراءات جدًا. - آخر حاجة: فيلم (A Quiet Place) اللي أخد ضجّة هائلة وحصد ۳٤۰ مليون دولار هو فيلم وحش جدًا بالنسبالي، ممكن أقولها بضمير مستريح بعد الفرجة على الفيلم ده.. (إيرادات ده مجابتش ۸۰ مليون). - آخر تاني حاجة: الفيلم ده إخراجيًا من أقوى اﻷفلام اللي أشوفها من سنين (ممكن تبقى مبالغة فعلًا مني)، بس المهم إنه من المشاريع الطموحة اللي تخلي الواحد يفكّر بشكل مختلف لصناعة السينما (اللي عايز يتقال/اللي الجماهير عايزه تشوفه) وجذاب أكتر وأكتر لما يتعرف إن مخرجه معملش غير كام شورت موڤي قبله.. "فيلم يتشاف ميتحكيش.." أنا مبسوط، شكرًا للقدر.
