• Ahmed Hasona
• 12:00 صباحًا - 5 سبتمبر 2012
• نقد آخر لنفس المستخدم

بالفعل هى ملحمه درامية قدمت فى ثلاث أجزاء من أحسن التلاثيات فى تاريخ السينما قدمها لنا كريس نولان. أنا دخلت الفيلم من إسبوعين ولكن انصح اى حد قبل مايدخل الفيلم ده انه يتفرج على الجزئين اللى قبل كده. كنت مستنى الفيلم اربع سنين وكنت متابع اخباره من مرحله ماقبل الانتاج وده عشان عشقى للسنيما عامة ولباتمان ونولان خاصة وانا قاعد فى السنيما مكنتش مصدق نفسى وكنت هموت من التوتر لحد فجأه مالقيت جارى اولد مان بيتكلم عن بطوله هارفى دنت وده كان مشهد النهايه فى دراك نايت. انبهرت طبعا بمشهد الطياره وطول الفيلم كله كنت مبهور بتحفة نولان "باين" وبصوته الى كان بالنسبة لأذنى "ثرى دى" .

وبالرغم من ان الجوكر ماتذكرش خالص فى الفيلم ولكنه مأثر فى عقل الناس بعد 8 سنين من موت هارفى .

ومن نقاط قوة الفيلم 1- التدرج الدرامى لشخصية بروس واين فبعد الى عمله فيه الجوكر وهارفى والرصاصة الى خدها فى اخر الجزء اللى فات وأنه الصق بنفسه التهم اللى عملها هارفى اعتزل باتمان وترك محاربة الجريمة برجل مكسوره وجروح فى جسمه وطبعا فى اول مشهد قتال بينه وبين باين لما كسر ظهر باتمان وكسر قناعه وكسر روحه وايضا مشهد السجن كله بتاع بروس ومحاولته الصعود كانت فلسفة لا يفعلها غير نولان.

2- شخصيه ألفرد اللى مظهرتش كتير فى الفيلم ولكن كل مرة ظهر فيها أثر فى الفيلم بشكل كبير جدا بحيث انه فى الاول كان بيقنع بروس انه ميرجعش تانى بعد مجئ باين للمدينه وفى الأخر لما باتمان مات وفى مشهد الكافتريا الاخير.

3- طبعآ شخصيه باين وصوته وقوته الجسماينة والسيناريو بتاعوا كان من أسباب نجاح الفيلم وقصته وده الأمر العظيم ان باين له ماضى مش زى الجوكر (بالرغم من انى شايف ان الجوكر اعظم شرير فى السينما).

4- وجود شخصيات كانت باينة فى الأعلان انها جانبية ولكن الحقيقة غير كده تمامآ, زى (جون بلايك- سيلنا كايل- ميرندا تايت) أولآ : جون بلايك. المفهوم الصحيح لصعود فارس الظلام كان عارف من أول الفيلم ان بروس واين هو باتمان لآسباب مذكورة فى الفيلم ويعتبر أيضا خليفة جوردون فى جوثام ويعتبر ايضآ المعنى الحقيقى للبطل. ثانيآ : سيلينا كايل. المرأة القطة بالرغم من عدم ذكر هذا الأسم فى الفيلم إلا إنها بالفعل مفاجأة الفيلم فى الأداء الحركى والتمثيلى ايضآ وهى ايضآ على غير المتوقع منى غير شريرة بل كانت مساعده باتمان بالرغم من سرقتها لعقد والدته. ثالثآ : ميرندا تايت. أو "تاليا الغول"وهى تعتبر كما فهمت كارت راس الغول الأخير لتدمير جوثام وايضآ لها ماضى مع باين كمنقذها وحبها.

5- الموسيقة التصويرية ايضا هى من العوامل الرئيسية لنجاح العمل حيث يأتى العبقرى "هانز زيمر" بغير المتوقع دائمآ والنداء المشهور الذى تدور حوله موسيقى الفيلم ليس كما كنت متوقع لباين وانما لبروس عندما كان يحاول الصعود من السجن.

6- يأتى السبب الأول لنجاح الفيلم وهو الأخراج لكربستوفر نولان والقصة لكريستوفر وجونثان نولان وايضآ دايفد جويار والسيناريو الذى قد قاموا بكتابته كان اكثر من عظيمآ.

يوجد فقط تحفظ لدى وهو أن الفيلم مر كالطلقة لم أحس مطلقا بالوقت وده كان على عكس الجزأين الى فاتوا .

أخيرآ مقدرش اقول غير شكرا لكريس نولان على أعظم ثلاثة فى التاريخ.

• 11 مفيد
• 0 غير مفيد