• Ahmed Hesham
• 12:00 صباحًا - 1 مارس 2014
• نقد آخر لنفس المستخدم

الفيلم الرومانسي غالبا بالنسبة لناس كتير او بالنسبالي شخصيا لو مفيهوش قصة قوية و تمثيل جيد بيمر مرور الكرام وبيبقي حاجة ملهاش لزمه بالنسبالي ولكني بستغرب ان فيلم زي دة مر مرور الكرام لعام 2012 ولم يتحدث عنه الا القليل رغم اني بعتبره واحدة من افضل افلام الرومانسية في الالفية الجديدة بل وامتع الافلام اللي شفتها في حياتي واستمتعت بيها من اول لحظة لحد اخر لحظة

الفيلم تم صياغتة في قالب خيالى ربما من الخارج تظن ان القصة بها كفر وشرك بالله .. هذا ممكن ولكن المعنى الاخر الذي ارادت مؤلفة وبطلة الفيلم ان تقوم بأيصالة انه لا يوجد شيء كامل خلقنا الله جميعا بعيوبنا ونواقصنا ومميزاتنا ولا يوجد كمال فالكمال لله وحدة .. ربما فكرة تم ايصالها عن طريق فيلم " brue almighty " للنجم جيم كاري ولكن في روبي الفكرة كانت اجمل واعمق والفيلم كان امتع بشكل عام

الفيلم طريقة كتابته واحداثة وتطورات القصة كانت في قمة المتعة وتبقي عايز تعرف ايه اللي حيحصل بعد كدة ومتشوق عشان تعرف قصة الثنائى دي حتوصل لحد فين كذلك الكوميديا في الفيلم كانت كوميديا موقف وحتحس بيها في مشاهد كتير جدا حتخليك تضحك علي الموقف وعلي الأحداث

" بول دانو " ممثل اكثر من رائع قدم دور مميز ومقنع في الفيلم بل واستغرب ان ممثل مثل هذا لم يحصل علي حقه في الادوار الكبيرة حتي الان فببساطة موهبتة لا تقل عن " جوزيف جوردن ليفيت "

" زوي " ايضا ممثله واعدة جدا وكاتبة قادمة بقوة قدمت دور ممتع بشخصية ربما في داخلها شخصيات متعددة تظهرها لنا طوال الفيلم بانها شخصية متقلبة وهذا ليس برغبتها فالبطل هنا هو من يتحكم بها ويجعلها تفعل ما يريد !!

اجمل ما في الفيلم حقا الموسيقي وهم وهم وهم تأخدك لعالم تاني بستغرب ان موسيقي الفيلم لم ترشح لأي جوائز ولا حتي البافتا ولا الجولدن جلوب مع اني شايفها تستحق الأوسكار !!

فيلم اكثر من رائع وعبقري مر مرور الكرام لعام 2012 مثله مثل افلام كثيرة مرت مرور الكرام في سنوات مختلفة ولم تحصل علي حقها في التصنيفات والاراء والجوائز الكبيرة

فيلم ينصح بمشاهدتة اذا كنت من محبي افلام الكوميديا والرومانسية والدراما ويجب التنويه ان الفيلم به بعض مشاهد التقبيل والأيحاءات ونصف تعري

ت

• 2 مفيد
• 0 غير مفيد