أراء حرة: فيلم - Fast & Furious 6 - 2013

جرعة أكشن زيادة

على نفس الوتيرة التي بدأت عام 2001 والتي قدمها المخرج Rob Cohen بفيلم The Fast and the Furious استكمل المخرج جاستين لين السلسلة مقدما فيلم Fast & Furious 6 واللي بشوف إنه أقوى أجزاء السلسلة أو أقدر أقول إنه قدم جرعة أكشن زيادة عن الأجزاء السابقة، بداية الفيلم بيربطه خيط قوي بالجزء السابق Fast Five عام 2011 واللي حقق إيرادات وصلت تقريبا ل 200 مليون دولار، فبعد أن قرر دومنيك وبريان أن يتنحا جانبا عن العمليات الخطرة ويبدأن حياتهما من جديد يفاجان بالعميل لوك يطلب منهما المساعدة في التصدي...اقرأ المزيد لعدوهم اللدود شو اللي قدر إنه يكون فريق على نفس القوة والتميز لفريق دومينك،،، وبدون حرق الفيلم نقدر نقول إن المرة دي الأحداث مش هتتمحور حول سرقة بنك أو سباق سيارات أو تجارة مخدرات وإنما حول تهديد اﻷمن العام بأكمله، الأسلوب الإخراجي واللي قدر جاستين لين إنه يقدمه ببراعة وحرفية من خلال مشاهد حركة وأكشن ومعارك بشكل مميز اعتمد فيها على مستوى تقني عالي ولقطات سريعة وحية وده ظهر اكتر في عمليات المونتاج القوية للقطات، وبجانب بارعة الإخراج ظهرت أيضا عبقرية المؤلف كريس مورجان في وضع أسباب منطقية لما يحدث خاصة خلق دافع قوي لعودة دومنيك وإصراره على الانتقام من شو بعد اكتشاف أن حببيته السابقة (لوتي) مازالت على قيد الحياة وده خلق جو واقعي نوعا ما للأحداث، ومن هنا هنلاحظ إن الفيلم ركز على عناصر معينة في تركبيته الدرامية زي فكرة الانتقام وتطوير عناصر أخرى زي خط تهديد الأمن العام،واعتقد إنه لابد الإشادة بالتصوير والكادرات الصعبة اللي ميزت أيضا الفيلم. يمكن الاختلاف في هذا الجزء بيبدو في تحركات فريق دومنيك خاصة إنهم معروفين بالترتيب والتخطيط لكل عملية لكن المرة دي بيحاول كل واحد القبض على أفراد فريق شو والتخلص منهم وتسلميهم للعدالة وبيبقى الدافع اﻷول والأخير لدومنيك وهو إعادة لوتي ومن أكتر الحاجات اللي لافتت نظري في هذا الجزء إنه تميز بحس فكاهي شديد والكثير من المشاهد الكوميدية اللي انفرد بتقديمها الممثل Ludacris وكمان هنشوف تناغم بين أبطال العمل وكإن بينهم كمياء مشتركة ظهرت أكتر في مشاهد المطاردات ، وأقدر أقول إن ماكنش في بطل أساسي للعمل بل إن الطاقم كله ظهر تعاونه وابداعه وأدائهم المتكامل وقدراتهم المهارية في جميع المشاهد مع مشاهدة الفيلم في سينما آيماكس هتحس بالفرق الكبير أوي في مجسمات الصوت وهتظهر المؤثرات الصوتية بشكل جيد، خاصة إن إغلب مشاهد الفيلم بتعتمد على ده.

1 مفيد
0 غير مفيد

من اروع الاجزاء في رأي

Mohamed M.mokhtar
12:00 صباحًا - 26 مايو 2013
نقد آخر لنفس المستخدم

الفيلم من بدايته لنهايته قمه الروعه يمكن هذا الجزء يكمل نهايه الجزء السابق لانه بيبدأ بالسباق بين دووم وبول والكر اللي كان اتفقه عليه في اخر الجزء السابق وبعد كده نشوف كل الفريق بعد ما بقا معاهم الفلوس وكل واحد عمل بيعمل بيها ايه لحد ما يجدهم هوبز(ذا روك) ويطلب منهم المساعده في القبض على فريق محترف جدا نسخه طبق الاصل من فريقهم ولكن اقوى و احرف منهم ولهذا السبب يستعين بهم هوبز لانهم حيكونو متوقعين تحركتهم وطريقتهم في التعامل مع الامور وباحترافهم السواقه كمان وكمان بسبب انضمام ليتي لهم التي كانت...اقرأ المزيد عشقيه دووم في الجزء الرابع و ماتت كل هذه الاحداث يمكن تكون فهمتها من الاعلان وعلشان كده معتبرش اني حرقت حاجه الفيلم ملىء بمشاهد الاكشن و التشويق و الكوميديا الرهيبه خليط متكامل وفريق لذيذ جدا يمكن اختلافه عن الجزء الخامس انه هنا كلهم بيعملوا نفس الحاجه في نفس الوقت من غير ترتيبات و لا تدريبات غير لما كانوا الجزء السابق كل واحد كان ليه مهمه محدده يساعد التاني في تكمله مهمته وكانت المهمه محتاجه تدريبات و ترتيبات معينه لكن في الجزء ده الوضع مختلف يعني انا شايف ان الواد الكوري و البنت اللي معاه كان ملهمش دور في الجزء ده وكان الاسود الاقرع دوره فقط انه يضحكنا و فعلا نجح بجداره ورغم كل ده في نظري الجزء ده احلى بسبب جرعه اكشن اكتر و جرعه كوميديا اكتر بكتير والقصه مش بطاله وتكملتها في الجزء القادم و الاخير واخر حاجه عايز اقولها ان الناس خليها قاعده دقيقتين بعد ما النهايه تخلص وبعد الاسامي تنزل علشان يشوفو المشهد الزياده بعد النهايه مباشره اللي منه تبتدي قصه الجزء القادم لانه في ممثل حيكون مفاجأه لعشاقه وهو حيكون العدو الاخير لدووم :)

3 مفيد
0 غير مفيد