أراء حرة: مسلسل - القيصر - 2016

كثرة الأخطاء التصويرية في مسلسل القيصر

Ahlam Hadhari
11:45 صباحًا - 3 يناير 2017
نقد آخر لنفس المستخدم

برغم تعودنا على متابعة المسلسلات بطولة الفنان يوسف الشريف ونجاحها منقطع النظير في مصر والدول العربية إلا أنني تفاجئت بكثرة الأخطاء التي لم نراها سابقا في مسلسل القيصر بداية من الموسيقى التصويرية التي طغت طوال الحلقات بدون انقطاع مما أزعجني وأزعج أغلب متابعي مسلسل القيصر وقد لاحظت ذلك من كثرة التذمر في التعليقات تحت فيديوهات اليوتيوب التي تعرض المسلسل مرورا بعدم حبكة السيناريو جيدا مما يجعل بعض الأحداث غير منطقية بالمرة وتركنا دون تفسير لما يحدث وانتهاء بالبعد السياسي الذي انتهجه هذا المسلسل بصفة...اقرأ المزيد واضحة جدا دون اتباع أسلوب الحياد وهو كذلك نفس رأي أغلب التعليقات التي قرأتها تحت فيديوهات اليوتيوب

1 مفيد
1 غير مفيد

خيبه أمل

Fouad Emad
12:08 مساءً - 23 يونيو 2016
نقد آخر لنفس المستخدم

(هذا النقد تم كتابته بعد الحلقة التاسعه ويحرق بعض أحداث المسلسل) هو لاشك ان مسلسل القيصر جميل ولكني مش قادر اتقبل فكرةان يوسف الشريف طالع سوبر هيرو بصراحه وسوبر هيرو هنا مش تريقه هو فعلاً طالع سوبر هيرو لا يقهر... بطل في التايجتسو (فن القتال بالأيدي بدون أسلحة) ومحدش قادر يوقفه لا الشرطة المصرية والأمن من ناحية ولا الارهابيين وتجار السلاح من الناحية التانية بل وأن تاجر السلاح (أبو راغب) لأنه خارق ويريد الاستفاده منه.... لا ده الأمر تعدى لأنه بقا بيكسر ارقام قياسية وقتل 15 واحد من رجالة ابو...اقرأ المزيد راغب و5 من الأمن المصري في اول حلقة في 40 ثانية...وقتل رجاله ابوراغب وابوراغب نفسه في 30 ثانية بدون ما يمسك سلاح واحد(يا ما شاء الله) الغريب في الأمر كمان ان قيادي في الداخلية بكل بساطة بيقول للقيصر انا عارف انك لو عاوز تهرب من السجن في أي وقت هتهرب وفعلا بيفاجئنا في الحلقة اللي بعدها ان القيصر بيهرب من السجن والأغرب انهم مش بيلاقو أي اثر للهروب في الزنزانه ولا حفر ولا نفق ولا اي حاجه خالص...هرب امتا وازاي ؟؟ محمد ناير المؤلف بس هو اللي يعرف أو اشك انه يعرف. الشكل ده من الأبطال بطل وقدم جداً من أيام فريد شوقي.... خصوصاً اننا اكتشفنا فيما بعد انه بيعرف يتكلم مصري عادي جداً رغم انه كان متربي في منظمة للمافيا في اوروبا وهرب منهم وهو كبير لحد ما وصل مصر وقتل ناس من الأمن وارهابيين علشان يتسجن ويهرب من المافيا اللي بيطاردوه في قصة ركيكه وضعيفه جداً بصراحه مش عارف محمد ناير المؤلف كان عاوز يوصل لإيه بقصه بالشكل ده ولكني مش عاوز استعجل عالمسلسل لسه بدري اوي ويوسف الشريف دايماً بيفاجئنا في مسلسلاته بس مفاجئاته بتكون قصتها مظبوطة من اول المسلسل مش زي المسلسل ده خلينا نصبر ونشوف. نقطة النور اللي في المسلسل هي أحمد نادر جلال المخرج اللي كل عمل ليه بيثبتلي قد ايه هو مخرج شاطر وبيطور من نفسه باستمرار ومعاه عمرو اسماعيل الرائع بمسويقى المسلسل

1 مفيد
0 غير مفيد