• دعاء أبو الضياء
• 12:00 صباحًا - 24 ديسمبر 2012
• نقد آخر لنفس المستخدم

الفيلم اللي قدمه دينزل واشنطن المرة دي كان فيلم غير عادي، قصة أقدر أقول عليها مزيج من الدراما الاجتماعية والإثارة والتشويق، وبعض من الحركة وجو واقعي صميم، بالإضافة لحالة نفسية بتخليك تتغلغل وتتعمق معها في النفس البشرية، من خلال قصة أحد الطيارين (ويب) اللي بتتعرض طائرته لحالة سقوط وبتوجه له أصابع الاتهام للتسبب في إسقاطها،

يمكن الكل لما يقرأ المقدمة ويعرف قصة الفيلم؛ أول حاجة حتوصله إن الفيلم بيدور عن قصة تحطم إحدى الطائرات ومحاولة إنقاذ الضحايا، وده ممكن يظهر في الربع ساعة الأولى، لكن مع مرور 30 دقيقة من الفيلم حتبدأ في اكتشاف إن الخط الدرامي الوحيد مرسوم وبيدور عن الحالة النفسية للكابتن ويب وإدمانه للكحول والمخدرات ومن هنا كان تصنيف الفيلم ضمن أفلام الدراما اكتر من ميله لأفلام الإثارة والتشويق،

واشنطن كان قائد الطائرة وفي نفس الوقت قائد الوحيد لفيلم Flight، مع أن المخرج روبرت زيميكس قدر بمهارة شديدة إنه يقدم مجموعة من المشاهد الي تم مونتاجتها بشكل بارع يخليك تصدق فعلا أن كل اللي بيحصل بالفيلم مجرد توثيق لمشاهد حقيقة وليس تمثيل تم أغلبه في استوديو، بالإضافة إلى المؤثرات الصوتية والجانب البصري اللي كان بعيد كل البعد عن أي جماليات أو صنعة

مشهد النهاية كان أفضل مشهد على اﻹطلاق واللي ظهر فيه الصراع النفسي الداخلي من خلال تعبيرات وحركات وجه واشنطن خاصة لما ذكرت له المحققة أنه لازم يتذكر قبل الإجابة على أي سؤال إنه اقسم على قول الحقيقة ولا شيء غير الحقيقة، وهنا تكتشف المسئولية الكاملة اللي تحملها ويب لدرجة انك هتتعاطف معاه كليا ويكن كمان يبقى حكمك بعدم الإدانة.

الفيلم يستحق أن يشاهد أكثر من مرة

• 4 مفيد
• 0 غير مفيد